ما اشوفك الا قمر ساطع ولمعة نجم

البارت الاول

ثامر : انا في وجيهكم انا في وجهيكم منه
فز معن  منخرش : ليه وش فيك
ابو سلطان  : وش مسوي انت ي قليل المروه
ثامر يحاول يلقط انفاسه : انا في وجيهكم من سلطان
ضحك معن  : اكيد محارشه ماتتوب انت جلدك يحكك اذا مانضربت منه
ابو سلطان: اجل تستاهل انت منت في وجهي انقلع دفه ب عصا
ثامر : افا ي عمي عشان ولدك يعني  تخبى وراء معن سلطان   جاي مندفع  رافع عقاله وينه ذا وينه الحيوان ان ماخليت  عقالي  يرقص على ظهره ماكون ولد عبدالله
معن : هو في وجهي والله ماتلمسه اهدا تعوذ من ابليس البس عقالك قلي وش مسوي 
سلطان من قو ماهو  معصب  عروق وجهه بارزه : حيوان جايني يركض وانا اشتغل يقول ان العامل  الجديد باع الخيل حقي
ابو سلطان عصب :  متى تعقل تصير رجال تخلي الكذب عنك
معن :  انت تصدق ثامر خلاص حصل خير ماعاد بيعيدها انا اتفاهم معه
ثامر : اعوذ بالله ي وجهك الواحد مايمزح معك ي حبيبي ي معن انقذتني من ذا الوحش
سلطان : اسكت لا اتوطى بطنك لولا الله ثم معن ذبحتك
ابو سلطان : سلطان رح عند امك و اختك شفهم  ناقصهم شي انت ي قليل المروه  صب لي قهوه
سلطان: ابشر ابشر ي تاج راسي معن قم خاوني
معن : تم مشينا
ثامر : تفضل ي عم احلى فنجال قهوه من يد ولد اخوك 
.
.
.
لين  :  اخلصي علي ي ترف جيبي القهوه ذي اشواق طولت ماجت
ترف : والله انك بجيحه ي لين  مناديتني من بيتنا اسوي لك قهوه
لين : باست خد ترف سنعه سنعه
ترف : من يومي حبيبتي  انا سنعه تعالي نجلس
اشواق :  هي انتي وياها ماتستحون ؟ تخلون خالتي تفتح لي باب 
لين : والله ماسمعنا الباب تعالي اجلسي
اشواق : ي بنات مت ضحك على ثامر و سلطان وانا جايه لكم  شفت ثامر يركض وراه سلطان
لين : يالله ي ثامر وش مسوي باخوي حبيبي
ترف :  يوه الله يعينه بياكلها ضرب
اشواق :  صبي قهوه ي لين ضيفيني
لين ؛ كل وحده عندها يد صبو ل انفسكم
ترف : صدق ما تستحين الله يعين الي بياخذك
لين : الي بياخذني محظوظ امه داعي له بكل خير
اشواق : يوهه ي شين ثقه 
ترف :  على طاري زواج ي بنات ودي اعيش قصه حب
لين : ضحكت ضحك شفتي وجهك؟ الله لا يبلانا
اشواق: رمت فنجال حدك على ترف قومي صبي قهوه
لين : اح ي الحيوانه يعور والله ماصب
ترف : جعلني مافقد الي يدافع عني
.
.
.
معن : تصدق جالس  اتخيل شكل عيالك بكرا  كيف بيطلعون
سلطان : لا عاد تتخيل تخيلاتك خايسه ركز بطريقك لا تطيح على وجهك
معن : انت وش بلاك كل يتمنى يتزوج يصير ابو الا انت  و انت للحين مانسيت طيحتي
سلطان : جلس يضحك هو نسيتها عشان اتذكرها
معن : والله انك سخيف ي مخنز 
سلطان: اقول ارفع علومك لا تنجلد بدال ثامر
معن : لا حول الله
.
.
.
عند بطلتنا الهنوف كانو في الدمام قررو ينزلون للديره مشتاقين ل اهلها و ناسها
الهنوف  : الله وناااسهه اخيرا بشوف ترف و لين و البنات
نوف: مشتاقه لجمعاتنا قبل فالسطح و اغنينا و رقصنا بس ابعدوا هالفضه عني فجرت راسي بشخيرها
ابو الهنوف عصب : اص انتي وياها خلوني اركز بالطريق
ام الهنوف: اي والله اصمخوا راسي بسواليفهم الي م تخلص
.
.
.
عند سلطان وصل للبيت
سلطان انتظر هنا بشوف لنا طريق
معن : ابشر ي عضيدي
سلطان : يمه يمه
ام سلطان: هلا بالي له خافق يهلي
سلطان: باس راسها ي ميمتي ي حبيبتي جاي اشوفكم محتاجين شي او ناقصكم شي
نطت لين : اي اي نبي اشياء بعد مو شي
سلطان: يوه وش جابها ذي
لين : بدينا؟ سلطان مفروض تدلعني انا اختك الوحيده
ام سلطان : الله يرضى عليك ي وليدي شفها وش تبي لا تصدع بروسنا بدخل غرفتي اريح
سلطان : اسمع حس من عندك ؟
لين : البنات اخت معن و بنت عمتي جمانه كاتبه بورقه اغراض ابيهم من بقاله
سلطان: تمام تمام بجيبهم و قصروا حسكم لا يطلع برا في ناس رايحه جايه
لين : فديت الرجل الغيور انا
سلطان : روحي لهم لا تكثرين هرج لا اقلب عليك انا بمشي
معن : هاه خلصت اخذت اغراضهم ما كانك طولت علي ذبحتني ذا الشمس خلتني دجاج مسحب
سلطان : يالله وش كثر تحن اسكتت
.
.
.
ترف : بنات تذكرون الهنوف خواتها
لين : يالله يقدمي من زمان عنهم وين صارت فيهم الدنيا
اشواق: اشتقنا لهم امي قالت لي ان ابو الهنوف صار شغله ب الدمام انتقل هناك
لين : عاد ابوي مشتاق له بالحيل امس كان يسوالف عن مغامراتهم هم شباب
ترف : يلا ماتدرون يمكن صدف تجمعهم مره ثانيه
اشواق: صح ماندري عاد بيته قريب من هنا محد جاه ولا سكنه للحين ملك له
ترف : اي ، يالله انا استئاذنكم قرب اذان الظهر بروح اساعد امي ب الغداء اشواق قومي اوصلك على طريقي
لين : يلا استودعتكم ربي
صقر : ياهل البيت
لين : صقر انتظر البنات عندي
صقر لف وجهه : يالله انك تحيي بنت عمتي بنت عمي اخباركم
ردو بصوت واحد بخير الحمدالله
لين : صقوري وصلهم بيوتهم بيرجعون
ترف مستحيه من صقر ضربت لين بكتفها : لا مايحتاج ي لين ندل الدرب
اشواق: صح صادقه ترف مانبي نعطل الرجال عن شغله
صقر : وش ذا كلام والله ما يوصلكم الا انا يلا بسبقكم تعالو وراي
.
.
.
تركي : يارب وش ذا طفشت و تعبت ياليته يجي احد يشتري بعد
صقر من بعد ماوصل البنات : ارحب ي تركي اخبارك اخبار الشغل عساه ماشي
تركي : زي الزفت طفشت من ذي الشغله ابيع بذهب تكفى تقعد مكاني شوي بروح اتنفس واجي من الصبح انا هنا
صقر : احمد ربك ياخي ان ابوي مشغلك عنده طس من وجهي شوي وتعال نسكر المحل نروح نصلي الظهر
طلع تركي بقى صقر سحب كرسي جلس دخل عليه رجال
الرجال: السلام عليكم
فز صقر من مكانه : وعليكم السلام ياهلا
الرجال: انت اخو تركي ؟
صقر استغرب من سؤاله : لا ولد عمي و شبغيت؟
الرجال: انا علي اخو زوجة تركي
صقر عقد حاجبه : ننننععممم ننعممم؟ تركي اصلا مو متزوج
علي: هو زواجه بالسر وانا اخوك قال انه بيعيشها بنعيم بس للاسف كان يصحيها بكف و ينومها بكف و الحين جسمها كله مشوهه منه
صقر: لا حول ولا قوه الا بالله الحين وش المطلوب مني ؟
علي: ابد قله يطلقها انا م اتحمل اشوف اختي تنهان وتنضرب كل يوم
صقر: ابد م بيجيك الا الي يسرك
طلع علي صقر جلس مستغرب من تركي (متزوج بالسر و يضرب زوجته دايم والله ياتركي شكل في مصايب جايه بالطريق والله تنضرب مني ي بن الذينه ) دخل تركي هو يغني : ظالم ولكن لسه في القلب هواك شفت قلت لك ماطولت طلعت ادخن وجيت
صقر : والله انك واحد قليل المروه مو رجال
تركي : احترم نفسك اعرف وش قاعد تقول !!!
صقر : اتفاهم والله معك مو الحين بعد صلاه الظهر ي كلب
تركي : انقلع والله ماعندك سالفه
سكرو الدكان صقر معصب من تركي على الي سواه
.
.
.
ابو الهوف : نفسها ماتغيرت الديره ياكثر الشوق
نوف : الله الله وصلنا وصلنا ل بيتنا قديم
فضه توها تفكر تقوم من نوم : حمدالله على سلامتنا
الهنوف : بدري فضه كان كملتي حشى حشى ماتشبعين نوم
فضه : يمه شوفي بنتك تعطيني عين والله ي ماما مافي احسن من نوم
ام الهنوف : ي الهنوف خلي اختك
ابو الهنوف : يلا ي بنات انزلو ادخلو شوفو البيت بنزل لكم الاغراض
كلهم بصوت واحد : ابشر
.
.
.
عند ابو سلطان كان راجع من المسجد لمح صاحب عمره رفيق دربه ابو الهنوف
يشيل الاغراض يحطهم في بيته ابتسم وراح هو كل الشوق له : ياهلا وسهلا تو مانورت الديره بصاحبي
ابو الهنوف : منوره ب اهلها
عبدالله حضن محمد من شوقه له
ابو الهنوف : ادخل ادخل خلني اضيفك عندي
ابو سلطان: لا والله ما اقلط توكم جاين من خط طويل ارتاح دامك جيت اليوم العشاء عندي ولا ترفض و بكرا بعد بسوي لك عزيمه ونجمع اهل الديره والي يعز علينا
ابو الهنوف : لبى روحك لاخلا ولاعدم تمام موافق