رواية#احببت نصيب غيري
الكاتبة Za mo🔥
الحلقة1♡_______________
قصتي تبدا من 8/2019
في هديكا الفترة كنا ماشيين نحنا وصاحبة ماما رحلة للبحر.
كنا واصلين وامورنا تمام مرتبين كل شي وكنت نعوم اني وهيثم ورغد
(رغد) تكون صاحتبي الي حكيتلكم عليها بنت صاحبت ماما وانتيمتي وطبعا رغد طولها متوسط شعرها قصير لكتافها لونه اسود عيونها لونهم رصاصي منعرفش من منو واخدتهم عكس اهلها لون عيونهم قهوي
ورشيقه وجميلة بشكل لكن غلطها الوحيد دلوعه لان وحيدة امها وبوها.
المهم نكملو قصتنا
كنا نعومو ونلعبو ونغرقو في بعض وجونا فوق الريح لين نادو علينا ماما وعمتي روعة ام رغد عالغداء
طلعنا نسابقو من يوصل قبل
انا هي نديرو سباق من يوصل الاول يفوز والاخير يتعاقب
هيثم تم هي
رغد تمام
انا استعدو 1.2.3 هي
بدينا نجرو هيثم سبقنا وصل الاول وبعده اني والاخيرة رغد
هيثم قالي شن نعاقبوها ، قعدنا نفكرو لين خطرتلي فكر.
قتله في ودنه نخلوها تخش دير حمام وناخدو نقالها هيهيهي لان عارفتها تعشقه متحبش تقعد بلاه قال باه
وخشينا داخل للشاليه
خشيت الاولى طبعا درت حمامي وطلعت لبست ودرت ميك اب روج وايلاينر ورسمت عيوني بالكحل وبس
ولبست
وطلعت
وخش بعدي هيثم بعد طلع جفف شعره وشدة لاورة
ولبس
وبعدها خشت رغد وستغلينا الوضع مشينا خدينا نقالها ودسيته عندي وطلعنا من الدار ولا كان خدينا شي طلعت دارت ميك اب ولبست
بعدها قعدة ادور في النقال ملقاتاش جتنا تجري قالتنا
رغد: هيثم عشق دورو معاي نقالي ملقيتاش قلبت الدار فوقي لوطي شي مهناش ساعدوني بالله عندي مكالمة مهمة
حني شدينا ضحكتنا وقلنالها باهي ودرنا روحنا اندورو معاها ودورنا الشاليه كله وملقيناشي قتلها
انا: رغد عدي شوفي مرات نسيتي ع الطاولة برا بحداهم
طلعت تجري واني كان خاطري في جيلاطي قلت لهيثم يمشي معاي نجيبو كلمت ماما قتلها وطلعنا وحني نضحكو ع رغد
ركبت السيارة مع هيثم ومشينا لاقرب سوبر ماركت نزلنا مشيت خديت نكهتي المفضلة فستق وخديتلهم معاي هلبا ومشيت خديت شبس وشكلاطة ومشينا للكاشير عشان نخلصو لقينا زحمة شوية قالي هيثم اركبي تو نخلص ونجي قتله تمام
ميشت واني طالعه ضربت في شاب بجد جمال ربي فيه تاسفت وهو تاسف وقبل بنمشي بس لفت نضري ان في شبه كبير من بابا الله يرحمه قعدة نشبحلة وعيوني يلمعو بالدموع وهو مسكين استغرب وتحشم علاش نشبح فيه وقريب نبيكي سألني
الشاب: معلشي وخيتي صارتلك حاجة علاش تبكي
هنا نتبهت لروحي تاسفت منا وقتله
انا: اسفا وخيي بس تشبه لبابا الله يرحمه معلش اسفا مرا تانية
ومشيت قبل بيكلمني بس سبقته كنت وطلعت قعد واقف ومركز فيا يشبحلي واني ماشية للسيارة بعدين خش
وانا طلعت ركبت للسيارة ومسحت دموعي وقعدة شوية نسمع في نغمة نقال رغد ترن طلعته وشفت من يتصل لقيته مكتوب ❤ ترددة نفتح او لا في الاخير قررة نفتح قبل ما يجي هيثم وبعد نرجعو نعطيها نقالها ونقوللها عليه ان رن
فتحت وردي
قال: ايوا حبيبي اشتقتلك
اني قعدة سارحة في صوته يجنن بعدين رجع
قال: رغد حبي خيرك ساكته
انتبت وقتله
انا: احم وخيي اانا صاحبتها رغد نست نقالها عندي ونا طالعه توا نرجع ونعطيهولها.
قال: اا اسف ملعش حسبتك هيا تمام لما تعطيهلها قولها تتصل بيا
قتله انا: تمام باي وسكرة بدون مانستنه شن يقول كنت مزلت سارحه في صوته جا هيثم ركب ورمالي الاكياس وقالي
هيثم: وااك تعبتيني معاك كان تعيي من الشكاليط والشبس بس وانتي كل يوم تاكلي فيهم وماتسمنيش كيف بس قوليلي.
ضحكت وقتله انا: صقع عليك سر المهنة وبعدين بروحي منسمنش منعرفش انا بروحي ومن مايحبهمش بس انت بروحك يتمو من عندك تجيني
ضحك وقالي: الي يغلبك يجيني
ضحكنا و كملنا الطريق مولعين اغاني ونغنو معاهم ونهيجو وصلنا ونزلنا خدي مني الاكياس دخلهم حطيت الجلاطي في الثلاجة وخديت الشبس والشكلاطة لدارنا اني ورغد لقيتها غادي مقعمزة وتبكي ع نقالها معرفتش لما نعطيهلها كيف نقولها ع الشاب الي رن بعديت جيت قعمزة بحداها وعطيتها النقال فرحت بس بعد ركزة ناضت تجري وراي واني نهرب ونضحك عليها كيف تهزب عشان خليناها ادور ودورنا معاها زيادة ههه
عقلت ورا هيثم و هو يضحك ويعلق علينا وهيا تلحق فيا تبي تشدني لين شدها هيثم تبتها قتلها
انا: اتصل عليك قلب احمر رديت وقالك اتصلي بيا وغمزتلها تحشمت و ولت حمرة ههه هربت وقتلي تو نوريك بعدين وحني نضحكو عليها (طبعا متستغربوش كيف دويت بحدا هيثم اان عادي عارفكل اسرارنا)، مشيت اني وهيثم كسدنا ع الطاولات بحداهم وهما يهدرزو قعدنا نهدرزو معاهم شوية وتلامحت من بعيد نفس الشاب الي خبطت في في السبر ماركت
قعدة مركزة عليه هو حس ان حد يشبحلة برم قعد يدور لين جت عيني في عينة قعد يسبحلي شكلة ادكرني برمت وجهي لقيت هيثم يشبحلي وهز راسه بمعنى منو هزيتله كتافي متع منعرفاش شبحلي شوية وبعدين كملنا هدرزة خشو كلهم داخل بيرقدو شوية اني مانبيش نرقد قتلهم بندهور ع الشط قالو باهي خديت نقالي وسمعاتي وطلعت
كنت مولعة اغاني ونتمشه ع الشط ونتفرج مرا عالبحر ومرا ع الناس ومرات نتفكر صوت الولد الي اتصل برغد بعدين قررت نقعمز شوية ع الشط وبعدها نرجع قعمزة ومزلت نسمع في اغاني شوية وحسيت حد قعمز جنبي شبحت لقيته الشاب الي مبكري حولت السمعات وقعدة نشبحلة وهو يشبحلي
قالي: معلش وخيتي ممكن نعرف انتي بنت من و الي كنتي معاه في السيارة خوك او زوجك؟
قعدة نشبحلة شوية وبعدين قتله
انا: بنت عيت....... والي كان معاي خوي مشبحتش الشبه الي بينا
حسيته انصدم لما قتله اسم عيلتي قعد مركز فيا بعدين قالي: تشرفت بمعرفتك واسف ماركزتش هلبا
انا اسمي مراد
انا تشرفت بيك وانا عشق وخوي هيثم
قال: نعرف
شبحتله وقتلة كيف؟
قال: ولا شي لازم نمشي توا ولينا لقاء اخر ان شاءالله ياعشق
انا تمام خود راحتك ان شاءالله
وناض بيمشي بعدين برم وقالي ممكن رقمك سكتت شوية مديت يدي عشان نكتبله الرقم في نقاله خديت كتبتهله وقالي سلام ومشي
واني مزلت مش فاهمة شي او شن يقصد قعدة شوية نشبح للبحر ونفكر في كلامة بعدين نضت روحت ورقدة...
يتبع
ــــــــــــ
هاي حلوين هذا اول بارت ان شاءالله يكون عجبك
نبي منكم تتفاعلو مع الرواية وتعلقو
وتقلولي من يكون مراد، وليش انصدم لما عرف اسم عائلة عشق
وشن حيصير مع عشق وسرحانها في صوت حبيب رغد
هذا كله حنعرفو في البارت الجاي
سلام حلويني🥺❤
