ما اشوفك الا قمر ساطع ولمعة نجم

البارت الثاني

عند صقر و تركي
طلع تركي من المسجد مستعجل صقر ناد تركي بصوت جهوري  :  تركي ي تركي تعال ابيك
تركي : نعم وش بغيت ؟
صقر  ناضر بعين تركي  و كتف اياديه ورا ضهره : جاني خبر انك متزوج بسر و معنف زوجتك
تركي : من قالك !؟
صقر عصب : اخوها جاني الدكان سأل عنك عرفت كل شي يبيك تطلقها تصدق انك مانت رجال تفو عليك اجل في رجال يمد يده على حرمه؟
تركي توتر و بنفس الوقت عصب على اخو زوجته خلى صقر و مشى
.
.
.
ابو سلطان: ياهل البيت وينكم
ام سلطان: سم
لين : هلا هلا بابوي تاج راسي باست راسه
ابو سلطان: اليوم ابيكم تزينون أحسن عشاء بيتعشون معنا ابو الهنوف واهله و بكرا بعد فيه عزيمه
لين : الله اخيرا جو من الديره بروح اقول للبنات
ام سلطان: الله يحييهم ابشر كل شي بيصير مثل ماتبي
سلطان دخل عليهم : يمه حطيلي اكل  باكل بطلع للخيول
ابو سلطان: ضرب العصى بخفه على سلطان الناس بالاول تسلم اليوم مابتروح لمكان  بتساعدني انت و العيال ورانا عشاء اليوم و عزيمه بكرا ل ابو الهنوف
سلطان: اسفين و ابشر بالي يرضيك
.
.
.
بعد مرور ٥ ساعات من وصول ابو الهنوف لديره
نوف : اهخ عضامي تعبتت
فضه : ابوي الله يهديه مالقى يقبل العشاء الا اليوم والله انهد حيلنا  من التنظيف
الهنوف : ياكثر حلطمتكم الي مالها داعي ترا يونس بنروح نشوفه البنات جهزت لي فستان يموت يموت
فضه : تصدقون مادري وش البس يبي لي ساعه عشان اهبط شوشتي طايره
نوف : بالذات شوشتك ي فضه هجديها لا تروعين المسلمين
الهنوف : طاحت  من ضحك صدقتي صدقتي
فضه : حسبي على عدوكم انتو اخوات انتو
الهنوف و نوف قامو ضمو فضه : نمزح معك نمزح
ام الهنوف : ما تتعبون من السوالف اخلصو علي كل وحده تروح تتجهز مافي وقت ترا
كلهم بصوت واحد ابشري
.
.
.
عند تركي  كان يسوق وهو مسرع يبي يروح عند زوجته الي هي ( حصه) و وصل البيت عندها و دق الباب
حصه : مين ع الباب ؟
تركي : انا تركي 
حصه خافت : وش تبي ؟
تركي : بعصبيه : اخوك علي موجود ؟
حصه بتردد : لا محد هنا وش تبي ؟
تركي دف الباب ودخل و حصه خايفه وتبكي : تكفى ياتركي  تكفى لا تسوي شي فيني تكفى
تركي  معصب و عيونه بتطلع من كثر العصبيه: انتي تبين الطلاق ؟؟؟
حصه وهي مرميه ع الارض و تبكي : ايه
تركي  وهو يقرب منها : ههههه مو بهالسهوله اطلقك
و قام يضربها بقوه لين  حس انها م تتحرك و قام يشوف اذا هي حيه ولا ميته الا فعلا اكتشف انها ماتت و خاف و جبينه عرق ولا عرف يتصرف دق على وليد
تركي: الو وليد
ووليد وهو كان نايم و صوته كسلان: هلا تركي
تركي: وليد صحصح معي مو وقت نوومك في بلوه هنا قتلت حصه ولا ادري وش اسوي
وليد انصرع: وش وش صدق  ؟؟؟؟ قتلت زوجتك
كان وليد عارف ان تركي متزوج وهو قريب من تركي مرهه
تركي  : والله من غير قصد ضربتها و ماتت ماكنت ناوي اقتلها
وليد : طيب اسمع شيل الجثه و حطها بسيارتك و انننتبهه احد يشوفك و نظف المكان كويس
و تعال مكاننا المعتاد اعلمك وش نسوي فيه  قفل تركي و هو يسوي الي قاله له ووليد
(وليد صديق تركي)
.
.
.
فبيت ابو سلطان كانو البنات يجهزونه  لين تغني و ترقص وكانت فرحانه انها بتشوف بنات ابو الهنوف 
ترف: لين اخيرا بشوف الهنوف  اخيرااا
لين  وقفت رقص و جلست عند ترف 
اشواق : تحسون تغيروا البنات ؟
لين : مادري مااحس تغيرو
خلود : لين قومي البسي وش تنتظرين
حنين : اي اي اخلصي يمكن يجون بأي لحظه
جاتهم ام سلطان بالزبيريه ( نعال ) و رمتها ع البنات وهي معصبه: قومي انتي  وياها  شيكو على مجلس رجال 
راحت لين باست  راسها : يمه خلصنا بس باقي البس بس ابشري بنرجع نشيك
اشواق:تمونين ي خاله
ام سلطان: يالله يالله  تحركو خلود جيبي الزبيرية
.
.
.
بعد مرور الوقت جاء موعد العشاء
الهنوف : يمه يمه  شرايك فيني طالعه حلوه ؟!
ام الهنوف : بسم الله عليك الله يحفظك خليني اقراء عليك من العين تهبلين
فضه   : يا مشاءالله كل ذا ل الهنوف طيب ترا
عندك بنات غيرها
الهنوف  : ههههههه الغيره الغيره اكيد تمدحني اول العنقود
فضه ضربتها ع راسها بخفه
نوف : ياربي وش البس ماخترت شي لين الحين
ام النهوف : كلكم عين السيح بس اخلصوا علي
.
.
.
عند  سلطان الي كان راكب على برق  و يمشيبه بكل جاذبيته وضخامة جسمه وشعره الكثيف و يسرع على خيله بس وقف لما شاف سياره ولد عمه سعد  طلع معن هو وسعد من السياره
معن  راح يركض عند سلطان و يحضنه بقوه
سلطان : كسرت عظامي ياحمار
معن باقي يحضنه وكانه حبيبته  : اشتقتلك ياروحي
سعد  واقف يناضر فيهم وهو يضحك :ههههههه سلطان الله يهديك ليه تارك زوجتك و ماتسأل عنها
سلطان ضحك : الا انتم شبلاكم جيتوا ؟
سعد : جينا نذكرك بالعشاء
سلطان : يوه  اني نسيته صدق 
معن :  كنت داري
سعد :  يالله استعجل لا يجلدونا الشايب هناك
معن : ترا بمصع اذنك لو تاخرت
سلطان ضحك:  تخسي خلوني ابدل ونمشي
معن: هههههه يالبى هالضحكه
سعد : اخوي مهووس فيك اعوذ بالله 
.
.
.
طلعو من المسجد ابو الهنوف ابو سلطان قربو من
البيت
ابو الهنوف : بجيب اهلي ي عبدالله واجيكم
ابو سلطان : مايخالف نحتريكم
الا جوا العيال سلطان و معن وسعد
باسو راس ابو الهنوف و ابو سلطان
العيال باصوات متفاوته : ارحب ي عمي ابو الهنوف
ابو الهنوف : الله يبقيكم ي عيالي والله كبرتو
راح ابو الهنوف يشوف اهله
دخل ابو سلطان والعيال المجلس
.
.
.
في بيت ابو الهنوف
ابو الهنوف : يا اهل البيت
ام الهنوف : سم
ابو الهنوف : يالبيه وش هالزين
البنات وهم يناضرون فيهم: احم احم
استحت ام الهنوف: نمشي تاخرنا على الناس
.
.
.
بيت ابو سلطان و العيال صقر يصب القهوه ل ابوه و العيال
ابو معن : شفتوا تركي ؟ من الصبح وهو مو موجود ذا الولد بيجنني
الكل : لا
الا ودخل ابو الهنوف : جعل هالجمعه دايمه
الكل: امين
عند البنات
فتحت الباب لين
لين : تو مانور بيتا
ام الهنوف : منور باهله يا بنيتي
لين : اقلطوا اقلطوا
لين و البنات قامو يضمون الهنوف و فضه و نوف
و دموع ام سلطان الي ترحب و تهلل ب ام الهنوف
لين بهمس ل اشواق: مشاءالله مشاءالله تهبل الهنوف
اشواق: اي والله هي و خواتها لو عندي اخو اخذتها له
خلود : وش تسولفون عنه
ترف : فشلتونا كانهم اول مره يشوفون احد
حنين : اهجدو اهجدو
.
.
.
دخلوا تركي وليد عند الرجال بالمجلس
تركي و وليد: السلام عليكم
الكل: وعليكم السلام
ابو معن : انت وينك من الصبح مختفي ؟
تركي : اشغال يبه اشغال
صقر يناضر فيه بطرف عينه وهو عارف انه كذاب
جلسوا شوي وقف وليد فمان لله جعلها جمعه دايمه استئذانكم لازم امشي
الكل : فمان الله
غمز تركي ل وليد يروح الحمام فهم وليد
لحق تركي
بيوت الديره كانت الحمامات برا بالحوش والمطبخ وغيرها..
تركي : تهقى تضبط الخطه تراي خايف يصير شي
وليد : خلك رجال قو قلبك مو صاير شي
الهنوف طلعها من مجلس الحريم تروح الحمام
تشوف رجال خافت على طول دخلت المطبخ جاها فضول تسمع وش يقولون
تركي : تمام بقوي قلبي والله فرحان بورط سلطان بدخله السجن و بنفس الوقت متوتر
وليد : ماراح يصير شي دامه اخوها بالحد الجنوبي ما بيدري عن شي
الهنوف سمعت خافت قالت بينها بين نفسها ( ياربي وش بيسون ذول فيه )
( بارت الثالث باذن الله قريب 🤎 ) .