Unicode
"အား စပ်လိုက်တာ ရှင်းရေ ငါ့ကိုရေပေးအုံး"
"ရော့ ...ဒီမှာရေ... တကယ်ပါပဲ အစပ်တွေအများကြီးမစားနဲ့လို့ပြောထားတာကို"
"ငါလည်းကြိုက်တာကိုကွ"
"အေးပါ အေးပါ ငါပဲမှားတာ ဟုတ်ပြီလား"
ထွန်းသုစေဖြိုးတစ်ယောက် ခေါက်ဆွဲစားနေရင်းမှ အရှေ့ကအဖြစ်သည်းနေသော နှစ်ယောက်အားစိတ်ပျက်သလိုကြည့်လိုက်၏။သုစေတို့သုံးယောက် ရှိုင်းဆက်၏အိမ်တွင် spicyခေါက်ဆွဲနှင့် အကင်များလုပ်စားနေကြခြင်းပင်။မေဖူးကတော့သူ့အဖွားတို့အိမ်သွားမည်ဆိုကာ မပါခဲ့ပေ။
"ရှိုင်းဆက္ မင်းကလည်းအကဲပိုလိုက်တာကွာ spicyစားပါတယ်ဆို အနည်းနဲ့အများတော့စပ်မှာပေါ့ ဟိုကောင်သွန်းပြည့်ကလည်း ရှိုင်းဆက်ကို သူ့လင်များမှတ်နေလားမသိဘူး အကဲကိုပိုတယ်"
"အောင်မာ မင်းတောင်အဲ့လိုလုပ်ပေးမယ့်လူမရှိလို့မနာလိုနေတာမလား "
သွန်းပြည့်က သုစေ၏အပြောကိုပက်ကနဲပြန်ပြောလာခြင်းပင်။ဒီကောင်ကလေ အရမ်းစွာတာ။တကယ်အမြင်ကတ်စရာ။
"ဘာမနာလိုစရာရှိလို့လဲ ငါကကိုယ့်ဘာသာလက်အကောင်းခြေအကောင်းနဲ့လုပ်နိုင်တယ်လေ"
သုစေလည်း သွန်းပြည့်မခံချင်အောင်တမင်ပြောလိုက်သည်။သူ့ကိုစရတာ ပျော်ဖို့ကောင်းသည်လေ။
"ဘာ...မင်းဘာပြောတာလဲ "
"မြင်တဲ့တိုင်းပဲလေ ဗက်ဟက်ဟက်"
သုစေ သွန်းပြည့်အားပြောင်ပြကာ ခြံထဲသို့ပတ်ပြေးလိုက်သည်။သွန်းပြည့်သည်လည်း အနောက်ကနေ ဆဲဆိုကာလိုက်နေသည်ပင်။
"ခွေးကောင် သုစေ မင်း မိလို့ကတော့သေပြီသာမှတ်"
"ဟား ဟား မင်းသာအရင်မီအောင်လိုက္စမ်းပါ သွန်းပြည့်ရ"
ရှိုင်းဆက်ကတော့သူတို့နှစ်ယောက်ကို မနိုင်ဘူးဟူသောအကြည့်ဖြင့်ကြည့်ကာ အသားများကိုဆက်ကင်နေ၏။
"ဟို နှစ်ကောင်လာကြတော့ နေကပူနေတာကိုဘာလို့ပြေးနေကြတာလဲ"
