في مكان يعم إزعاج الاطفال
والضيافه بكُل مكان
وهي تتوجهه للخدم توجهم لتضييف الضيوف
حصه: ماريا شوفي الضيوف عطيهم الحلا
راحت ل امها وهي متنرفزه
الام: يابنت طنشيها
سجى: ماما بصيححح ياماما كيف اتجاهلها وهي ناشبه لي
الام حضنتها: حبيبتي انتي مجبوره تتحمليها عشان ابوك
سجى: عشان بابا بس الا هي ماتستاهل الاحترام
مشت عنها امها لان هي تعرف بنتها عدل وتعرف كرهها للبنت ذي
خلصت العزيمه والكل راح لبيته
في القصر تحديداً في الصاله
كل العائله مُجتمعين فيها ويسولفون عن هالليله اللي بالنسبه لهم اجمل ليله بمُناسبة تخرج سجى اختهم وبنتهم الوحيده تخرجها من الجامعه
الوليد كعادته بين اهله وغارق بالتفكير والكل مايكلمه لخُشونة اسلوبه وعصبيته السريعه وافكارة الي تدخلك متاهات مُلتوية
فيصل: يمه ماله داعي تخلين البنت تروح لهم
الاب: ليه وشفيهم ماشفت منهم اي غلط
سجى: بابا والله احترمها بس عشانك
الاب تنهد: يابنتي اصبري وذي بنت اخوي وبنت عمك وانسي الماضي
سجى بزعل وضيق وقفت: بطلع انام
الام وقفت وناظرت الاب بنظرات غريبه: الحق ماتقول لها كذا يبو الوليد
الاب وقف وحضنها: اسف يابنتي
وقف الوليد: يايمه اتركيها هي ودلعها!!
سجى تجاهلته لان لو تكلمت بيسكتها بكلمة انتي جبانه لو دافعتي عن حقك ماكان صار ذا الشي
-
في مكان ظُلمه تعيش فيه بطلتي ١٢سنه!!
صحت وتحس جسمها مكسر تنهدت على حالها ماعمرها شافت الشمس بقبو ماتعرف حتى موقع القبو
اخذت نفس وهي تتذكر كلامه قبل يطلع وبوساته
نزلت راسها وهي تشوف يدها المجرحه وهي كانت تحاول تنتحر ١٢ سنه عايشه بين ٤ جُدران
وقفت رفيف غسلت وجهها واخذت لها مويه
القبو غير عن كل القبو هذا مرتب وكل شي جميل ما كأنه قبو كأنه فُندق اغنياء وفيه كل شي
ثواني ودخل عليها وهو معصب
رفيف ناظرته ببرود: تعصب من اهلك وتجي تحط الحره فيني
الوليد ابتسم لها: اهم شي انك عارفه
رفيف: شخصيتك كرييهه مقهور من احد تجي تنتقم من احد ماله دخل
الوليد وهو عارف انها تدقه بالكلام يفصخ ثوبه: الاهم انك تعرفين
رفيف ب استهزاء: اعرف كل شي حتى تفكيرك اعرفه
ناظرها الوليد وابتسم: ١٢ سنه يارفيف ماحنيتي ل اهلك!!
رفيف تنهدت: كيف احن وانا ما اعرفهم ولا اذكر ايامنا
لو بيدي وتعطيني جوالك اتصل بالشرطه واقولها عنك
