زمن الملوك والرعاع

مفاوضات

زمن الملوك والرعاع
البارت الثامن عشر
مفتوضات

#صحراء الرعاع

وقفت ميسون ومعها تارا وكيرا وامامهم جمع كبير من الرعاع جمعتهم تارا كما طلبت منها ميسون

بدأت تارا الكلام
تارا : اهلى واخوتى من الرعاع ديما كنا يد واحده وبنساعد بعض عشان نعدى كل الصعاب .. انا عارفه ان الايام الى فاتت كانت صعبه عليكوا و نقص المؤن كان مؤثر عليكوا

تعالت احد الاصوات .. فين ايام حوراء احنا بنندم عليها

عادت تارا للحديث بعد ان نظرت الى ميسون التى وجهتها بنظرها ان تكمل ما بدأت

تارا : انا كنت عاوزه اقول ان مش معنى انكوا مريتوا بظروف صعبه اننا نترحم على ايام حوراء لأنها مكنتش سهله بردو .. وكلنا عارفين ان حوراء عرضتنا للمشاكل .. وعارفه ان الحال الى وصلنا ليه اسوء لكن الحال ده خلاص انتهى وأمينه تم تنحيتها عن القياده .

تعالت الهمهمات بين الرعاع وكان تفاعلهم بين الغضب والسعاده .. فالسعاده انهم تخلصوا من امينه التى منذ ان حكمتهم وهم من اسوء الى اسوء اما الغضب فكان من خوفهم انه سيناريو مكرر وان القادم اسوء

عادت تارا الكلام يا ريت تسمعونى .. دلوقتى القائده الجنوبيه ميسون عاوزه تقول كلمتين

تراجعت تارا للوراء لتقف مكانها ميسون
ميسون : تحياتى للرعاع .. انا عارفه ان الاوضاع اصبحت صعبه الفتره الى فاتت عليكوا وعارف ان كتير منكوا رافضين وجودنا هنا معاكوا .. بس صدقونى وجودنا هنا لمصلحتكم انتم واكيد احنا كمان مصلحتنا معاكم فى البدايه احنا لما جينا جبنا معانا مؤن وانوزعت عليكوا واكيد انتوا حسيتوا الكام يوم الى فاتوا بده .. وكمان جبنا معانا رجال عشان زيادة النسل هنا بين الرعاع

انتوا اتعودتوا انكوا تستنوا القوافل وتاخدوا منها المؤن والاموال وتعيشوا عليها .. طيب حد سأل نفسه منكوا اد ايه المخاطر الى بتتعرضولها عشان تعملوا ده .. طيب حد منكوا سأل نفسه لو الممالك لقت طريق جديد زى ما فكرة السفن مطروحه فى الممالك انتوا هتعملوا ايه .. احنا مش عاوزين الرعاع يبقوا اسطوره وانتهت .. عشان كده لما حصل ان امينه اتشالت من القياده وتارا بقت مكانها قررنا نفضل ونستنى ونساعدها

بعد سماع ان تارا تولت الحكم زادت الهمهه اكتر بين الرعاع

ميسون : حاولت ميسون ان يكون صوتها اعلى واقوى وهى تقول .. انتوا اكتر ناس عارفين ان امينه مكنش ينفع تكمل وان ده كان القرار الصح ودلوقت تولت تارا قياده الرعاع واصبحت القائده و احنا هنفضل موجودين معاها ونقدم الدعم والمسانده .. وعاوزه اقول ان الخطه الى حطينها هتحول صحراء الرعاع لمملكة الرعاع .. احنا هنوقف هجوم على القوافل وهنحول الصحراء لطريق عبور القوافل والرعاع هى الى هتحرس القوافل بنفسها مقابل جزء من المؤن ومع زيادة القوافل هنحقق اموال ومؤن اكتر بكتير من مهاجمة القوافل وتعريض الرعاع للخطر .. ودلوقت احنا بنعلن تولى تارا قيادة الرعاع
بدأت الاصوات فى تتعالى تهتف بإسم تارا بدأ ذلك فى البدايه من عيون ميسون وتارا الذين وضعوهم بين الرعاع ثم تعالت اصوات الجميع تهتف بإسم تارا