ما بعد النهايه ✈️ - مكتملة

الفصل العشرون

مضت الايام سريعاً بين تحضيرات رؤي للزفاف و اختيار مكان الحفل و رفض غزل لكل الفساتين التى تراها و تجربها و من ثم تعترض عليها ...

حتى اقترح الياس ان تختار فستان و تذهب الى مصممه لكي تخيطه لها و كالعاده اسلوبه الهادئ فى محاولة اقناعها دائما ما تربح ..

كانت رؤي و رغم كونها العروس .. كانت الاسرع فى الانتهاء من كل تلك الأمور النسائية فقد انتقت الفستان المناسب لها و الحجاب و كل المتعلقات حتى باقة الورود ..

كانت رؤي تجلس امام سفيان فى احدي المقاهي و الذي كان مشغول بترتيب بعض المواعيد الخاصة بالعياده لتأجلها حتى تنتهي أجازتهما ..

بينما رؤي تضع علامات بجانب المهام المنتهية لتتحدث فجأه بصوت عالى قليلاً مره واحده مما جعل سفيان ينتفض : كده خلاص مفيش حاجة ناقصه .. ممكن اساعد غزل بقى علشان كلت دماغ الياس يا عينى فى حوار الفستان ده .. و انت ؟

أجابها دون ان يرفع عينيه من الأوراق : لا انا مش هلبس فستان .. مش هيبقى لايق عليا ..

نظرت له ببلاه لوهله بسبب جديته فى الحديث ثم ضحكت بشدة محاوله خفض صوتها ليبتسم هو أثرضحكاتها قائلاً : أنا ايه ؟

- خلصت الحاجة الى محتاجها ؟

- رؤي حبيبتى ده قميص و بنطلون وجزمه .. و لو شبح أوي على رأي عابد ممكن البس جرافته ..

- سفيان انت جاي الفرح غصب عنك .. ايه يا بابا مش لازم تشوف يمكن محتاج حاجه .. ناقصك حاجه .. حاجه فى البيت او شخصيه كده .. محتاج تشتري هدوم .. اي حاجه من النوع ده .. هو انت هتتجوز بشنطة هدومك ؟ .

أسبل عيناه مردفاً : هو انا المفروض اعمل كل ده .. انا يادوب كنت بظبط مواعيد العياده و سجي تلملي الشنطة .

- طب ايه ناوي تيجي الفرح ؟ ..

- علشانك بس و الله ..

مسحت على وجهها مستغفره .. ثم قلبت الورقه و خطت بعض الملاحظات قائلة : أعتقد مفيش حاجه تانية هتحتاجها كده .. شوف لو فى حاجه اكتبها بالمره علشان متنساش ..

- تسلم ايدك يا باشا .. انتى محتاجه منى حاجه سيبك مني كده كده عابد و سجي هتلاقيهم بيتصلوا بيكي يستنجدوا بسببي .. المهم انتى ..

-لا متقلقش كله تمام .. خلصت انا و غزل كل حاجه .. حتى الشقه الياس اتفق مع البواب و هتكون فاضية اخر الشهر ..

- مع انى بحس الياس ده ملغبط كده بس كتر خيره و الله ..

- لا و الله ده طيب اوى كفايه انه مستحمل غزل .. كمان كويس اننا لقينا شقه فى العماره .. هو و غزل هيتجوزوا على اول السنه علشان نبقى جمب بعض .. و كمان جمب المركز .. موقع العماره اصلا حلو .. حاول تتأقلم معاه أكتر من كده علشان هيبقى فى وشك كتير ..