صحت على ازعاج جوالها
مسكته تشوف ابتسمت بحُب وردت
سجى: نعممممم
ليلى: يهههلاااا اسمعي تجهزي خمس دقايق واكون عندك اليوم فاتحين مطعم جديد وابي نكون متواجدين فيه
سجى: اوف صحيتيني من النوم عشان هالشي لحول احسب شي مهم
ليلى: وجع لو جيت وانتي نايمه بذبحك يلا قومي تجهزي
وقفلت الخط
وقفت سجى فتحت دولابها اخذت جينز وبلوفر ودخلت الحمام تتروش خمس دقايق طلعت
نشفت شعرها وطلعت خارج الغرفه
وهي تنادي بالدرج: ماماااا
الام طلعت من وراها وهي لابسه عباتها: نعم يابنت لاتصارخين اسمعكك
لفت وهي تبتسم: ماماا بروح مع ليلى المطعم تو اتصلت علي
الام: تمام لا تتأخرين السواق وابوك مشغولين فصول نايم اتصل على اخوك الوليد رد وقفل بوجههي
سجى تأففت: وشبه ذا
الام: ما ادري ي امي الولد ذا قلبي يوجعني لا شفته احس فيه شي مخبيه علي
سجى باسته: معليك منو ماما يمكن لأنو كبر وتطور عقله عقبال فصول يضل بهالهدوء
-
دخل الغرفه وهي تاخذ حبوب تقدم لها بعصبيه
امير: حبوب وش ذي!!
لين: حبوب وش ذي مو شغلك هات العلبه
امير دفها: وشاف وش مكتوب حبوب الانتحار
ركض لها ودخل اصبعه بحنجرتها اكثر من مره لين استفرغت وعطاها كف: مجنونهههه انتي ليههه كل ذا
وقفت بدموع: ليهه ي امير تاركني وهاجرني حتى لو ماتحبني افهم حتى انا مجبوره ومانقدر نتطلق بسبب جدي افهمم حتى انا اكرهكك من كل قلبي بس ماتوصل انك كل يوم ترمي علي كم كلمه وكأني ما احس تقولي الف كلمه تجرحني وكأني بلا قلب سجى اجمل مني سجى افهم سجى سجى وهي بنت عمي لا تسبب بيننا عداوه
تركته وركضت تغسل وجهها وجلست تبكي على المغسله
من يوم تزوجو وذي حالتهم
تنهد امير وجلس بيأس وقهر خفت عليها تنتحر يا امير ليه لانك حبيتها لا لا مستحيل احب غير سجى خفت عليها لانها بنت عمي وموقفي طبيعي ولا اكثر تنهد وخرج خارج البيت يتنفس وكعادته مايرجع الا بعد كم ساعه
-
دخل الوليد بصوت عالي
الوليد: السلام عليكم
الام وقفت: يهلا بولدي
الوليد ابتسم: يهلا فيك يمه
باس راسها: شخبارك يانور عيني
الام: بخير ياروح امك وينك فيه دقيت عليك وقفلت بوجههي فيك شي ياولدي
الوليد ب استغراب: لا مافيني شي يمه اتصلتي وقفلت؟
الام: ايوا ياحبيبي
الوليد وعرف انها رفيف تنهد وبتصريف: ايوا يمكن كنت نايم تعرفيني يمه ما استوعب لو صحيت الا بعد كم دقيقه
الام: معلينا ابيك توديني السوق عندي كم شغله
