ما اشوفك الا قمر ساطع ولمعة نجم

البارت الخامس

وصلوا السجن العام
معن  : الحين تبينا ننزل معك ؟
الهنوف كانت مفهيه : ها؟
معن  : اقول تبين ننزل معك ؟
الهنوف  بتوتر : لا مشكورين بس انتظروني ماراح اطول
صقر : وش لا داخل  كله رجال على اقل نوصلك
الهنوف : تمام الي تشوفه
دخلت الهنوف  و سلطان جاه الشرطي : سلطان بن عبدالله عندك زياره
سلطان ابستم بنفس وقت عصب: السلام عليكم
الهنوف كانت تناضر عيونه و التعب واضح عليه بابستامته : وعليكم السلام طمني عليك؟
سلطان: بخير بس انا ودي اسالك  مين جابتك هنا مايصير جايه  مكان كله رجال
الهنوف  : صقر  و معن
سلطان عقد حاجبه : مشاءالله عليهم اتفاهم معهم بعدين بس انا مستغرب اهتمامك لموضوعي لذي الدرجه ؟
الهنوف توترت : انا سمعت كل شي انقال يعني لازم اساعدك
كان ودها تقوله انه انعجبت فيه و تخاف عليه
سلطان: طيب يالله اطلعي ارجعي للبيت انتبهي لنفسك
سلطان بينه  وبين نفسه  ماتدرين ي الهنوف   عيونك فاضحتك
الهنوف : تبشر  وانت انتبه لنفسك بس بسالك الحين سالت الشرطي او الي ماسك قضيه حقتك من متصل و مبلغ عن جثه ؟ صدقني يمكن الي متصل هو متسبب بذا كله
سلطان: لا مافكرت فيها اجل قولي لصقر و معن الكلام الي قلتيه لي و يروحون يشوفون
الهنوف : تمام ابشر
كان صقر  و معن ينتظرون الهنوف
وطلعت الهنوف
الهنوف : صقر تذكر الحركه الي قلت بقولها لك و ماقلتها
صقر : اي وشهي
الهنوف : انت و معن روحو للي ماسك القضيه اسالوه من المتصل و بلغ عن الحادثه
معن : وش بيفيدنا فيه طيب ؟
الهنوف : الي بلغ يمكن يكون له صله بالي صار
المفروض يوم شاف الجثه جاء عندكم او قام يصارخ
صقر : اي والله صادقه مستحيل بيشوف الجثه و بيتصرف وهو في حالة خوف
معن : والله المفروض تصيرين بدالي محاميه
صقر : اسمع انا بوصل الهنوف وانت روح استفسر و و اخذ و اعطي دامك محامي سلطان اكيد بيعطونك معلومات دقيقه
بالطريق و كل واحد يفكر كيف بيطلع سلطان من هالمصيبه و وقف صقر  شوي بعيد عن البيت عشان اهل الهنوف  م يشفونها تنزل من السياره
الهنوف  : مشكور
وطلعت علطول
.
دخلت الهنوف  بسرعه بدلت جت جنب نوف 
نوف  : وش صار معك 
الهنوف  ابتسمت بهيمان :
ي نوف عن حب ذاك الشخص مانيب تايب
‏حبه صرفني عن هوى كل محبوب
نوف  :ضحكت طحتي بحبه شكلك
الهنوف:  اي والله احبه وأغليه وأداريه .. بسكات،
ولا ودي أن الناس يدرون عنه.
نوف: الله الله صح لسانك خلك شاعرها ذا سلطان
فضه : امي ضربتي كله بسبتك ي الهنوف
ضحكت الهنوف : وش دخلني
فضه : من يومي اسوالف عليها اضيع وقتها على ماتجين مابيها تفكر ولا تقول بروح ل ام سلطان
نوف : يوه اكيد صدعتي براسها مسكينه
فضه : هذا جزاي ؟
الهنوف باست خدها : شكرا ي قلبي انتي
.
.
.
صقر  اتصل على معن  : والله هالبنت غريبه
معن : صدقني تحب سلطان
صقر :  كل شي جايز  المهم وش صار معك
معن سكت
صقر : الووو
معن : معك معك
صقر :  وش صار معك طيب
معن : الي متصل تركي
صقر : تركي من اخوك !!
معن : اي اي 
صقر : الجثه طلعت حق مين طيب ؟؟
معن : لسه مابعد طلعت
صقر : لايكون هو
عم صمت في المكالمه
صقر : اسمع تذكرت شي ان شاء الله ماله علاقه ، ماتكون جثه المراة هي زوجة اخوك
معن : زوجة اخوي ؟ وش تخربط انت
صقر : لازم اقابلك بجي امرك افهمك كل شي
.
.
.
تركي : يمه انا بروح ابها مع وليد نغير جو وين ابوي اقوله
ام معن : ي وليدي انتبه لنفسك طيب اذا وصلت اتصل علي طمني ابوك بالحوش بيطلع ل دكان لحق عليه
تركي باس راسها : ابشري 
ترف : كيف بتروح ابها ولد عمك مسجون ماتستحي
تركي : مالك دخل خليك بشغلك بلحق على ابوي ابرك طلع ينادي يبه يبه
ابو معن : هاه وش بغيت ؟
تركي : ابي اروح ابها مع وليد
ابو معن : وش طار عليك ؟؟
تركي : نغير جو كله يومين حنا راجعين
ابو معن : تمام لا تنسى صلاتك صلها بوقتها
تركي : ابشر ابشر
.
.
.
صقر الوصل لمعن
صقر: تعال اركب
معن : طول الوقت وانا على اعصابي اخلص تكلم
صقر : انا قبل كم يوم جاني واحد الدكان قالي ان هو اخو زوجة تركي انا مثلك وقتها كنت مستغرب قالي ان اخوك متزوج بالسر وان يعنف زوجته ، اخوها جاي يبي تركي يطلقها
معن : توك تقولي ليه ماقلت لي من زمان كان توطيت ف بطنه المخنز بس وش دخله ب سلطان ؟
صقر : ماستبعد ان اخوك هو رمى  جثة  زوجته بسياره اخوي
معن : ليه واثق طيب ان الجثة  ترجع ل زوجة تركي
صقر : ي الحبيب انا كلمته قلت له يطلقها يمكن اقول راح  و صار الي صار
معن : تركي يحب سلطان ، عن التوقعات الي ما تودي ولا تجيب 
صقر : تمام ننتظر نشوف الجثه تطلع ل مين
معن شال همين هم اخوه و هم رفيق دربه و عضيده
صقر : اتصل على تركي شف وينه طيب
معن : رفع جواله واتصل مايرد بتصل على امي اشوف وينه الو يمه وين تركي ؟
ام معن : ليه وش تبي فيه راح ل ابها
معن : وش عنده  ! رايح ابها مايستحي ، ذا سلطان بسجن اخليك يمه
صقر : شفت شفت رايح ابها الاخ وش تفهم يعني ؟؟
معن : لاحول ولا قوة الا بالله
.
.
عند ام الهنوف : يا بنات
فضه : هلا يمه
نوف : سمي يمه
ام الهنوف : البسو خلينا نروح ل ام سلطان حرام اكيد ضايق صدرها خلونا نونسها شوي
فضه : تمام ابشري
فضه : الي توصل  اخر وحده هي ام عيال
نوف و فضه يركضون على الدرج
نوف : بضحك فزت فرت
فضه : غش غش
نوف : يلا مناك مافيه غش
فضه : الهنوف الهنوف قومي البسي بنروح بيت اهل زوجك
الهنوف : اص ي الحيوانه لا تسمع امي بعدين وش اهل
زوجي
نوف تضحك : اهه ي فضه
.
.
.
معن : الساعه ١٢ الظهر اكيد طلعت المعلومات الجثه
صقر : يلا ننزل اجل
معن : تمام يلا
معن : السلام عليكم ابي ندخل على ماجد
الموظف : وعليكم السلام حاليا  استاذ ماجد  مشغول
معن : انا محامي سلطان ابيه ضروري لو سمحت رح شفه
(ماجد الي ماسك قضية سلطان)
الموظف :  تقدر تدخل عليه بس انت لا
صقر : ليه ان شاء الله ؟؟
الموظف: ماادري انا علي انفذ الأوامر وبس
دخل معن و صقر جلس ينتظر
ماجد : قلت لك ي معن اذا فيه جديد بتصل عليك
معن : ابي اعرف معلومات عن الجثه
ماجد : ماقدر اعطيك أي معلومات للجثه عشانه راجعه زوجة اخوك انت تعرف الانظمه دامك محامي
كل الي اقدر اقولك عليه استدعينا اخوك و جاي
طلع معن وهو منصدم قال بينه و بين نفسه يعني كلام صقر صح
فز صقر : هاه بشر
معن : كل قلته صح الجثه ل زوجة تركي والحين ماقدرت اخذ معلومات كامله الا انهم استدعوه
صقر : وليه ماخذت معلومات كافيه
معن : انا اخو مشتبه فيه مايصير يعطوني أي معلومات حتى لو كنت محامي
صقر : ابلش صدق ابلش
.
.
.
عند تركي ماسك خط متجه ل ابها صادفته نقطة تفتيش
الضابط : البطاقه و الرخصه  و افتح الشنطه
تركي : ابشر اعطاه كل شي انطلب منه
الضابط: تركي بن احمد انت مطلوب عندنا بالقسم
تركي : توتر ليه وش انا مسوي ؟
الضابط : طالع عندي بالجهاز انك مطلوب ف مايصير تكمل طريقك هم يبونك ارجع شف الي عليك
تركي : بينه و بين نفسه ليكون عرفو اني قتلت حصه
وحطيت جثتها بسيارة سلطان يارب سترك لا لا ماتوقع
لا لا ماتوقع ولا كان وقفني الضابط واخذني معه ماخلاني و قال ارجع
( البارت السادس باذن الله قريب 🤎 . )