سجى ضحكت وعطول مودها يتغير مع فيصل يعرف يجيب راسها: تمم
-
دخل البيت وعيونه حُمر من القهر
قفله بقوه ورمى نفسه فوق الكنبه
دخلت لين ومن الباب واقفه: حطيت لك عشاء في المطبخ
امير وحاط يده على راسه: مابي
لين: كثرت حرام ينكب
امير تنهد وشد على راسه
قربت منه لين بهدوء مسكت راسه حست بحراره قويه
بهاللحظه قلب امير من لمستها وحنيت يدها حس بداخله شي غريب مايبي يبعد يدها يبيها تبقى كذا يحس انن فراغ سجى قاعده تسده
لين بهدوء: حرارتك مُرتفعه
امير وهو مغمض عينه: مصدع حيل تعبان حيل يالين
لين بقهر وغصه: كلنا تعبانين والله
امير وهو مغمض عينه: كيف صابره علي؟
لين: جدي حلف لو تطلقت يخلي ابوي يتبرا مني مافكرت ليه جالسه مع انسان مايبيني ويحب صديقة طفولتي وبنت عمي؟
امير تنهد: حتى انا جدي مهددني
وقف ابتسم: بكره نروح عند جدي نقنعه
لين وقفت بغضب: ما اتوقع بيسمح راسه يابس
امير تنهد ورجع انسدح: زين بنام قفلي النور وجيبي البطانيه
لين: وحرارتك؟
امير بداخله ياحنيتك يالين ياقسوتك يا امير: بصحى وانا بخير ان شاء الله
راحت لين قفلت باب الغرفه وسندت نفسها بهدوء وبكت بصمت وتكتم بكيتها ماتبيه يحس فيها بكت بضعف بقهر
-
ودع امه واهله وراح لشقته لكن انتظر يدخلون وراح للقبو اللي مخبي رفيف فيه ودايم كذا حالته مايعرفون انه بالقبو ينام ويصحى ومعه رفيف
فتح الباب وناظرها نايمه انسدح على الكنبه وجلس يفكر
ليه هي شذنب رفيف اختطفها بس بكذا انتقم من ابوها تنهد والتأنيب الضمير يدور فراسه لكن يحاول يبعد الافكار ذي لانه عارف انه بينكشف تنهد ولف لكن انصدم من الدم اللي فالارض وقف بصدمه اثار دم قليله تنهد بغضب كبير عارف ان رفيف تجرح نفسها وهي حاليًا ماتعرف كيف تسوي كذا ب اختصار مرض نفسي
ماحب يصحيها لان واضح متعمقه في النوم فتح يدها وشاف الدم ينزل منها ركض للدولاب وصار يعالج يدها والجرح عميق ويدها صفراء من الدم اللي نزل كثير
خلص وانسدح جنبها بحزن ومسك راسه من الافكار اللي تداهمه
رفيف حست فيه جاء جنبها قربت وحضنت يده وكأنها تبي الامان حضنت يده بصدرها بقوه
الوليد حس فيها ورفع يده الثانيه وشدها له كأنه يقول
" ادخلي بين ضلوعي اخذتك ك انتقام
لكن ماتوقعت بنتعلق في بعض كذا "
-
بسوي تعريف بسيط
الجد عمار
الجده سمية
بنتهم الوحيده واللي هي عمة ابطالي واخت ابائهم
ريماس عمرها ٣٢ مو متزوجه وقريبه مره من سجى اكثر من لين لكن تحبهم الثنتين ودايم تبكي وتحزن بسبب كلام الناس عنها وانها خشت الثلاثين وهي ماتزوجت لكن تواسي نفسها ب محد دخله فيني
-
عائلة الوليد
الاب محمد عمره ٥٠ سنه يحب عياله اكثر شي سجى بما انها بنته الوحيده لكن في وقت الجد جد وحقاني
