البارت 3🤍📍
وصل البلاصة فين كيديرو تجمعات ديالهم ووقف كيحييهم .....
محسين : السلام عليكم ورحمة الله
زكرياء علا عينو فيه : وعليكم السلام ورحمة الله تعالى وبركاته
محسين جر كورسي ديالو وكلس : شفتكم صيفتو عليا يكما كاين باس !
زكرياء : والو باس غير هاد الدرب فينما كانت شي طوموبيل تلقاها داخلة ليه ولات عندنا سيبة مبقى حكام على النسا
محسين : علامن كتهدر ؟
زكرياء : بنات هاد الدرب كاملين و ختك وحدة منهم
محسين زير على فكو : مالها ختي شنو شفتو عليها تاني ؟
زكرياء : البارح وصلاتها طوموبيل كحلة مع لحداش دلليل
محسين : صحاب الخدمة هادوك راه قلتها ليكم ملي كتسالي معطلة كيوصلها طرونسبور دالخدمة
زكرياء : هداك ماشي طرونسبور دالخدمة كنكوليك كل مرة كتجيبها طوموبيل فشكل
محسين محملش راسو فهاد اللحظة : وانا شغندير ليها نوض نضربها ؟ ... الضرب مانفع معها .. نحبسها فدار ؟ .. الواليدة غتخرجها ... نقتلها ؟ .. غانضيع عمري فالحبس
- : موصلناش حتا لديك الدرجة وخا القتيلة دايزة فيها .. ولكن دير اعتبار راسك .... راه الحومة كاملة كتهدر فيها
محسين مسح على شعرو معصب : عيت مانهضر معها هي مكتسمعش وكتقوليك خدمتها خاصها تلبس ليها هكا والى نضت نضربها الواليدة مكتبغيش عليها وهي مريضة مكنبغيش نفقصها
زكرياء : هادوك فقايص ختك لي مرضوها ، انا كون كنت بلاصتك نسد عليها ومنخليهاش تخرج والخدمة نتا لي راجل .... نتا لي خاصك تخدم ماشي هي ... لعيلات مصلحاش ليهم الخدمة
- : الاخ زكرياء عندو الحق وااش عجباك هاد الحالة لي كدير ختك فراسها الزواق ولعرا هادشي كامل عاجبك ..
محسين سرط ريقو : ماعجبنيش
زكرياء : وهي لاجمعتي راسك ودرتي حد لختك
محسين : خليها ترجع من الخدمة داك ساع انا غنتفاهم معها
زكرياء ضرب ليه على كتفو : هادا هو محسين لي كنعرف وهكا نبغيك .. خلينا دبا من هادشي ... ( وشاف فصحابو ) الإخوان فين خلينها
البارت4🤍📍
وقفات مرسيديس بيضة وسط الدرب ، كاع لي تما ضارو يشوفو شكون غاينزل منها وكاين لي كيطل من سطوحا وشراجم لفووق ....
فؤاد : هاد الناس عندكم ماعندهم مايداير
نور : هاااعلاش كنقوليك متحطنيش فالدرب هادو راه تبرگيك كيجري عندهم فالدم
فؤاد : وشنو فيها لاوصلتك عادي راه ماماك عارفة هادشي
نور : هاديك ماما وهادو الجيران كيفهموها عوجة مهم نخليك دابا خاصني نمشي
أنت تقرأ
ثبت على يديه
Kurzgeschichten#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
