ثبت على يديه

الجزء 5🤍📍

البارت11🤍📍

داز الوقت .....
ضرباتها الفيقة مع لحداش ونص ناضت كتكسل خرجات الحمام المشترك دارت روتينها صباحي وخرجات كتنشف فوجها بفوطة  ...  دخلات لبيتها حلات البلاكار تشوف شغتلبس جات عينيها على دجنيز زرق مفتوح فيه تقاطع هزاتو وخدات معاه شوميز بيضة ... حطاتهم فوق النموسية ومشات تقابلت مع المرايا كتصاوب فوجها جبدات ماليط دالمكياج دارت كريم مرطب .... ومن وراه فونديشن جبدات شفرانها بالماسكرا وخا هوما عندها  كثارين كاتزيد تجبدهم بيها ... نور حروفها زوينين .. عندها حقها فالزين .. حروفها بحال ماماها شعر ماغون  ورطب واصل لنص ضهرها ، عينيه واسعين مشفريين فالعسلي طاي ديالها مناسبة لطولتها ...  ليهونش عامرين والكرش ... وجنيبات  .. داخلين   زينها طبيعي ولكن وخا هكاك ضروري ماكتزيد شوية دتعديلات فراسها بحال مايكاب وتصاوب شعر .. صبغات ضفيراتها بالڤيرني ... وناضت كتلبس حوايجها تادخلات عليها فاطمة شافتها مقادة حالتها وكتلبس عرفات اتكون خارجة لشي بلاصة

فاطمة : فين خارجة على صباح

نور : سيري وجدي راسك انخرجو نفطرو على برا

فاطمة : راه وجدت لفطور ابنتي دوزي تفطري خطيك من شي ماكلة دزنقة

نور : داك لفطور خليه لداك الحلوف يفطر بيه وسيري لبسي عليك دغية صاحبتي ادوز من مورانا دابا

فاطمة : وصبري نلبس جلابتي

نور : طلقي راسك اماما

مشات فاطمة لبيتها تلبس ، تاسمعو الكلاكسوون بججهد قدام الدار طلات نور من سرجم بانت ليها طوموبيل كليو حمرة عرفتها دسميرة ... لبسات صبادرين دغية رشات من ريحتها وخرجات كتعيط على مها

نور : ماما ودغية البنت هاهي وصلات

خرجات فاطمة لابسة جلابة فالبوغدو كتقاد فشالها ...

نور : فاطمة بان ليا خاصني نقلب ليك على شي عريس

فاطمة : تاقربت نجيب لعرايس ونساب عاد بان ليك تزوجيني

نور عنقتها من جنب خارجين مع الباب : ومالها شنو فيها لاتزوجتي بقى صغيرة وزوينة ومن لفوق حاااادگة

فاطمة : انا غانفرح نهار نشوفك عروسة وبوليداتك ابنيتي

نور تنهدات :  الزواج اماما اخر همي دبا عندي هو نعيشك مزيان نتي وخويا وميخصكم خير .. غير دعي معيا ربي يسهل عليا بشي رزق نهزكم من هاد الحومة

فاطمة : ان شاء الله

سميرة شافتهم و نزلات من طوموبيل سلمات على فاطمة

سميرة : خالتي لاباس

فاطمة : لاباس ابنتي ونتي كدايرا مالين دار لباس عليهم

سميرة : الحمدلله ، طلعو

جاو طالعين لطموبيل هوما يسمعون شي واحد كيستغفر ضارت نور من موراها .. هو يبان ليها زكرياء وصحابو كالسين فالمجمع ديالهم لي كيكون ... قريب  من دارهم  ساطت بجججهد جات غادة ليهم وهي تشدها فاطمة

فاطمة : فين  غادة خطيك منهم  ابنتي

نور : طلقي مني امااامااا ... خليني مني ليهم ... اليوم نوقف والديهم عند حدهم

البارت 12🤍📍

فاطمة : خليك منهم ابنتي ماقادين على صداعات

نور بنبرة صوت عالية : واااش غانبقااو ساكتين ليهم .. غيصحاب ليهم غير خايفين منهم ، برب تاعيقووو

فاطمة شافت بنتها تعصبات وهي ديجا مريضة بالاعصاب فدار مكتبغيش تحكر عليها على وديت مريضة ولكن باش يجي البراني يفقص ليها بنتها تالهنا وحبس  گفضات على كمامها ومشات لعندهم .... شافوها جاية هوما يحدرو كاملين راسهم وهي طلق نور واحد ضحكة مسموعة

نور : وشوووف ليك على السلفي لاخر داير فيها الحشمة وداكشي زعما راك كتخاف الله ... تاتكون كتعرفوو بعدا

زكرياء : اعود بالله من شيطان الرجيم

فاطمة : آسمعني نت غاتفرق عليك ولادي وتبعد من طريقهم ولا بالله تانصيفتك فين تربا

زكرياء : الالة سيري فحالك آشوصلنا حنا كاع لهاد الهدرة

فاطمة : بعدو ليا من ولدي وبنتي عطيييوهم تيساااع حضيو  غا راسكم وبناتكم وولادكم  ، باركة خرجتو ليا على الدري  متزيدوش حتى بنتي 

- : ولدكم رجعناه لطريق الله  درنا فيه غير الخير وبنتك خاصها تستر راسها راه شوهات بينا فهاد الحومة

نور جات غتمشي ليه هي تشدها سميرة : شوهتك انا ..انا شوهتكم !! ... ياك ازا ... مل .. دبا وليتي نت كتعرف فدين
وباغي تحاسبني نسيتي ياماتك كي كنتي ولا نرجع نفكرك

-  زير على عينيه :  استغفر الله العظيم ، دي بنتك وسيرو منها

فاطمة كتغوت :  هاا العار لما عطيو لبنتي بتيساااع .. هاا العاار  بعدوو مني ومن ولادي ... وديوها غير فولادكم خرجتو ليا على دري دعيتكم الله .. دعيتكم الله

مشات وخلاتهم  وهي بقى  كادعي فيهم ، حلات ليها نور الباب دطوموبيل لقدام وهي طلعات اللور وديمارات سميرة  مخلية غير  لعجاج موراها  ...

- : شفتي على شوهة دارو لينا

زكرياء  بنبرة صوت حادة وملامحو معقودين  : بحال مها بحال بنتها بجوج بيهم بحال بحال

- : بان ليا داك محسين ماغيدير والو معهم

زكرياء :  هداك  ماشي راجل الى هو سكت حنا مغنسكتووش على المنكر هاد لليلة انساليو هادشي 

- : علاياش ناوي تاني

زكرياء : قرب عندي

وبدا كيعاود ليه شنو غايديرو وصاحبو غير كيسمع ليه ويبتاسم ديك الابتسامة الشيطانية واضح انه كيوجدو لشي حاجة خطيييرة ...

زكرياء سالا هدرتو وناض وقف : مع الخمسة دالعشية غانتجمعو باش نتفاقو على باقي التفاصيل

- : ان شاء الله