البارت25🤍📍
مشات نيشان لعند منير وعويناتها موسعين بابتسامة
نور : صافي وافق
منير : الحمدلله على سلامتك اختي .. ومرحبا بيك معنا
نور : شكرا بزاف والله
منير : ماعندك علاش تشكريني كيف ما كان الحال كان غيوافق يخدمك حيت انا منهنا 3 ايام انمشي بحالي
نور : هي صافي
منير : هادشي لي عطى الله اختي نبدلو البلاصة شوية ونشوفو ماحسن
نور : وي سي ڤغي
منير : يالاه سيري شوفي شغلك ها البنت لداخل تعطيك اللبسة دالخدمة والى مفهمتيش شي حاجة انا هنا
نور : وخا
خلاتو ودخلات لداخل لقات تما لبنات لي مكلفين بالميناج خدات منعندهم لبسة الخاصة بالعمل عبارة عن جيپ كحلة طويلة شوية فايتة ركبة وشوميز بيضة .. لبساتهم وعلات شعرها كود شوڤال .. هي زوينة واللبسة الرسمية زادت بينات مفاتينها الأنثوية كثثر ... خرجات على برا وقفات كتشوف يكما دخل شي واحد باش تمشي لعندو وتشوف آشنو خاصو ....
حتى حسات بشي واحد وقف موراه قفزات من بلاصتها وضارت كتسرط فريقها
عمر : تخلعتي
نور كتشوف فيه متوترة : شوية
عمر طبطب على كتفها : شوفي خدمتك
ومشا وهي كتشوف فيه وقلبها كيضرب ممرتاحتش نهائيا لنظراتو تنهدات مطولة وكدعي الله تلقى دغيا خدمة وتبعد من هنا شافت شي كليان دخلو ومشات عندهم
هكذا داز نهار على نور من طبلة لطبلة وكل مرة توصل فطلبات حتى ضربات 11 دالليل عاد سالاو ... دخلات بدلات عليها حوايجها وخرجات كتمشط فشعرها بصبعانها منبعد ماطلقاتو حتى تلاقات بمنير تاهو خارج
منير : كيجاك اول نهار فالخدمة
نور : مزيان
منير : دبا تولفي صعيبة غير البدية
نور : ان شاء الله
خرجو بجوج منير مشا فالسكوتر ديالو ونور وقفات كتسنا طاكسي وكل مرة تشوف لساعتها لانه تعطل الحال وغدا تابعها الخدمة بكري ....
عمر نزل الزاج طوموبيل ونطق : آشنو واقفة كاتسناي
نور تلفتات عندو : سي عمر كنتسنا طاكسي
عمر : طاكسيات قليل فين كيدوزو فهاد جهة خاصك تمشي حتى الخرجة دهاد الشارع
نور : اه صافي
جات غادة هو يوقفها صوتو .....
عمر : طلعي نوصلك
البارت 26🤍📍
نور ضارت شافت لعندو : لا اسيدي بلاما نعدبك غاناخد طاكسي يوصلني
أنت تقرأ
ثبت على يديه
Conto#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
