Min Tha Khin Khat Htan {S-2} {Completed}

{ 81 } Uni

တခြား အမြွှာပူးလေးတွေက အမြွှာဆိုပေမဲ့ ခွဲလို့ ရမဲ့ အမှတ်ကလေးတွေ ပါတတ်သော်လည်း မင်းသခင်ခက်ထန် ရဲ့ သား ၁၀ ယောက်လုံးက တစ်ရုပ်ထဲတွေ ဖြစ်နေတာကြောင့် မင်းသခင်ခက်ထန် ကိုယ်တိုင် သူ့သားလေးတွေအတွက် ရည်ရွယ်ပြီး ပလက်တီနမ် လက်ပတ်ကြိုးကလေးတွေမှာ စိန်ပွင့်လေးတွေ နဲ့ စီခြယ်ပြီး အင်္ဂလိပ် လို နံပါတ်ကလေးတွေ ဖန်တီးကာ ၁၀ယောက်လုံးကို အစဥ်လိုက်လေး  ပတ်ပေးထားသည်။

မင်းသခင်ခက်ထန် သူ့ယောက်ျားအတွက် ရည်ရွယ်ပြီး သင်ထားတဲ့ ပညာတွေက အခု အချိန်မှာ သားတွေအတွက်ပါ အသုံးဝင်လာလေပြီ။

စိုင်းဖြိုးကတော့ မင်းသခင်ခက်ထန် ကိုကြည့်ပြီး တော်တော် တရားရမိသည်။

မင်းသခင်ခက်ထန်က သူ့ယောက်ျားကို တော်တော်လေး ချစ်တဲ့ အပြင် ဘာခိုင်းခိုင်း မငြိုငြင်တဲ့ အပြင် သူ့ယောက်ျား က တစ်ခွန်းဆို တစ်ခွန်းပင်။

အရင်က စွာတေးလန် မင်းသခင်ခက်ထန်က အခုဆို အရမ်းတည်ငြိမ်လာသည်။

အရင် ဆို Hoodie အဖြူ အပွ လေး နဲ့ ဂျင်း အဖြူ  အဖျော့ အပွ ကိုသာ ဝတ်တဲ့ သူက အခုဆို သူ့ယောက်ျား နဲ့ ရေမြေလိုက်လာလေသည်။

Body Fix Shirt Black နဲ့ Style Pant Black ကို ဝတ်ပြီး တံတောင်ဆစ်အထိ လက်ခေါက်တင်ထားသည်က ကြည့်ကောင်းပေမယ့် လူကြီးဆန်ပြီး ခန့်ညားသည်။

မင်းသခင်ခက်ထန်က အထက် ပုဂ္ဂိုလ်ဆိုတာကို ကလေး မွေးသည့်နေ့ကမှ စိုင်းဖြိုးသိသည်။

သိသိချင်း အံ့သြလွန်းလို့ မင်းသခင်ခက်ထန် နဲ့ ချမ်းဆောင်းဟန်ကို အပြန်ပြန် အလှန်လှန် သေချာ ကြည့်မိသည်။

သူ အဲ့တော့မှ သူ့သူငယ်ချင်းကို စိတ်ချရတော့သည်။

ဒီကောင် တော်တော့ တော်သားပဲ ဟုတောင် မှတ်ချက်ချမိသည်။

ကလေး၁၀ ယောက်စလုံးကို ထိန်းရတဲ့ ဒဏ်က ထင်သလောက် မလွယ်ကူချေ။

မင်းသခင်ခက်ထန် ခမျာ ယောက်ျား အနားကို ကပ်ရဖို့ အရေး ကလေး ၁၀ ယောက်ကို အရင် ကျော်ဖြတ်ရသည်။

ချမ်းဆောင်းဟန် အိပ်နေတုန်းမှာ ကလေးတွေ ထ ငိုရင် ယောက်ျားဖြစ်သူ အိပ်ရေး ပျက်မှာ စိုးရိမ်တာကြောင့် ကလေးတွေကို သူကိုယ်တိုင် အပြင်ထွက်ထိန်းသည်။