اسكريبتات روان أحمد ♥️

اسكريبت 32

ـ معاكى شنطه ....؟
ـ اه ليه ..؟
ـ بغمزه :علشان تحطى قلبى فيها طالما مش عايزه تاخديه انتى .
ـ ميلزمنيش يا خفه .

موقف بايخ حصل من واحد غلس بس حلو بس بردوا عيب يعمل كدا هو معندهوش اخت يعنى .
ـ يـا مى  هو حد بيهمه  الكلام دا .
ـ عندك حق اما اروح اكل علشان جعانه.

"نزلت تانى يوم علشان اروح شغلى وماشيه فى امان الله وهوب لقيت عربيه فى وشى خبطتنى  .

فوقت لقيت  سراير جنبى وفيها مرضى و ناس كتير فى الاوضه مع المرضى وانا لقيت ايدى متجبسه وحسيت ان دماغى بتوجعنى والسرير اللى جنبى لقيت واحد ست جات لما لقيتنى فوقت.
ـ عامله اى يا بنتى دلوقت .
ـ بخير الحمد لله بس ممكن تنادى الدكتور بس معلشى لو هتعبك معايا .
ـ ولا تعب ولا حاجه يا بنتى هروح اناديه وجايه.
ـ جات والدكتور ماشى وراها واول لما شوفته قولت هو انت .
ـ ابتسم وقال : دا حظى حلو بقا .
ـ شكرت الست وراحت لابنها اللى جنبى وهو جيه كشف عليا وقال: انتى كويسه بس ساعتين كدا تاخدى محلول وتروحى .
ـ محلول لايه مش بتقول انا كويسه .
ـ سابنى ومشى ومردتش حتى .
ـ فتحت الفون لقيته فى جيبى وللحظ سليم لقيت الساعه لسه مجاتش ٧ علشان اهلى يقلقوا عليا لانى بخلص شغل ٧ ، سبعه ونص ببقى فى البيت .
ـ الممرضه جات علقتلى المحلول والوقت عدى لقيته داخل وغير لبسه وقال :دلوقتى تقدرى تروحى .
ـ جيه شال المحلول من ايدى بلطف وساعدنى انى اقوم .
ـ قومت معاه وطلعنا من المستشفى و وقفت علشان اركب واروح لقيته لسه واقف .
ـ خير لسه واقف ليه .
ـ مستنيكى تركبى بعد كدا اروح .
ـ شكلى هتاخر كل المواصلات فيها ناس .
ـ طب ماتيجى اروحك واعتبرينى سواق تاكسى .
ـ ابتسمت :اوبر يعنى .
ـ اعتبرينى اى حاجه .
ـ اضطريت اركب معاه لانى كدا هتاخر والوقت ليل .
فتح باب العربيه وركبت ورا وهو قدام ...
ـ اسمك إيه ..؟
ـ مى وانت .
ـ عمرو .
ـ ممكن أسأل سؤال ...؟
ـ اتفضلى .                ـ انت دكتور ومحترم اومال ايه الكلام اللى انت كنت بتقوله دا وشنطه وقلب .!
ـ ضحك وقال: مش عارفه بس هى جات كدا .
ـ رفعت حاجبى وقولت : جات كدا ولما تيجى تيجى فيا انا .
ابتسم وسكت وبعدها اتكلم وقال :علفكرا انتى مكونتيش محتاجه لمحلول بس دى الطريقه اللى لاقيتها اخرتك بيها علشان اروحك .
ـ  داريت ابتسامتى وقولت :استنى هنا .
ـ بيتك هنا .       ـ لا مش هنا يعنى هو لو مش هنا هقولك اقف هنا ليه .
ـ ابتسم وقال مع السلامه ولو تعبتى او اى حاجه دا الكارت بتاعى ابقى كلمينى .
ـ اخدت الكارت وابتسمت ونزلت .

ـ امى واختى  اتخضوا لما شافوا ايدى ووشى ، عرفتهم اللى حصل ودخلت نمت .
ـ صحيت تقريبا على الفجر الوجع اللى فى ايدى لا يطاق
اول حاجه فكرت فيها عمرو والكارت كتبت الرقم وفكرت ارن ولا لا بس الوجع خلانى ارن .
ـ بعد كام جرس رد بصوته النايم .
ـ الو يا عمرو .
ـ ايوا مين .
ـ انا مى.         ـ خير يا مى فى حاجه تعباكى ولا اى .
ـ انا اسفه يا عمرو انى برن فى وقت زى دا بس الوجع اللى فى ايدى بيوجعنى جامد ممكن تقولى على حاجه تسكن الوجع .
ـ طيب اهدى وقومى دورى فى العلاج اللى معاكى على نوع اسمه **** .
ـ طب ثوانى بس صحيح انا ما اخدش علاج .
ـ ازاى دا طب انا هجبلك العلاج واجى .
ـ لا مش عايزه اتعبك معايا و بعدين الوقت اتاخر وكل الصيدليات قفله .
ـ انا هجيب العلاج وهجيلك .
ـ  بعد فتره لقيت الفون رن فتحت قال : انا واقف قدام الشارع بس مش عارف انتى انهى بيت .
ـ طب ثوانى اطلع من البلكونه اشاورلك .
ـ طلعت وشاورتله وقال انه شافنى فـ قفلت الخط ولقيته قدامى ابتسمت ونزلت السبت حط العلاج فيه وطلعته فابتسملى وجاى يمشى شاورتله يستنى .
ـ دخلت جبت له شوكولا من عندى ونزلتهاله فى السبت .
ـ فتح الكيس وابتسم وشكرنى ومشى .

ـ رنيت عليه اطمنت انه روح و شكرته واخدته وفعلا الوجع بعد فتره هدى ونمت .

ـ الصبح لقيت عمرو بيرن فتحت عليه .
ـ الو .      ـ الو ازيك يا مى عامله ايه دلوقت.
ـ الحمد لله بخير لولاك يا دكتور عمرو مكونتش هعرف انام من الوجع .
ـ طب دلوقتى بقيتى بخير .
ـ اه الحمدلله.          ـ ان شاء الله تبقى احسن من الاول .
ـ ان شاء الله .        ـ لو حصلك اى حاجه في اى وقت رنى عليا .
ـ ربنا يخليك ماشى هرن عليك عايز حاجه .
ـ لا عايز سلامتك .      ـ بهزار : حتى سلامتى عايزها  .
ـ ضحك وانا ضحكت وقفلنا المكالمه.

ـ بعد فتره وبقا بينى وبينه مكالمات طويله بدايتها انه يطمن عليا او انا اطمن عليه  .

ـ جيه وقت انى افك الجبس روحت المستشفى مع اختى وهو فكلى الجبس ولما فكه .

بغمزه: معاكى شنطه .
ـ ابتسمت وقولت : لا ليه .
ـ يخساره كنت هديكى قلبى تحطيه فيها .
ـ ابتسمت وقولت : طب ما ممكن اخد قلبك اشيله معايا انا .
ـ ابتسم وقال : خلاص خد قلبى وادينى قلبك .
ـ ابتسمت وقولت : ما انت اخدته من زمان .

"وجئتك خالصاً للحب من ألفى إلى يائى 💕."
ـ تـمـت 💜.
ـ لـ روان احمد.
ـ سيب كومنت لطيف زيك يا لطيف...💟.