اسكريبتات روان أحمد ♥️

اسكريبت 34

ـ يعنى ايه نتجوز جواز متبادل.

ـ انتى بالذات ما تتكلميش خالص فاهمه .

ـ لا مش فاهمه ازاى يعنى اتجوز انا واخويا اتنين منعرفهمش اصلا .
ـ قلم نزل على وشها سكتت ....
" لما الكبير يتكلم الصغير يسكت فاهمه".
ـ بسمله وخالد دخلوا الاوضه سوا بهدوء ...
بسمله بزعيق= ازاى يعنى نتجوز انا وانت بالاجبار دا مايرضيش ربنا .
ـ خالد اتكلم بهدوء : اكيد بابا شايف ان دا لمصلحتنا .
ـ لمصلحه مين وانت ازاى هادى كدا .
ـ انا مش فارق معايا اتجوز مين ومش عارف انتى زعلانه كدا ليه .
ـ يا برودك يا اخى روح نام اصلك هتموتنى مشلوله بسببك .
ـ مفيش حد بيموت مشلول يا سوسو .

(بعد اسبوع )

ـ واد يا خالد عدى اسبوع وابوك ما اتكلمش ولا فتح الموضوع من تانى يكون رجع فى كلامه .
ـ ابوكى عمره ما رجع فى كلامه يا سوسو اطمنى .
ـ تكون عارف العروسه علشان كدا مطمن وساكت .
ـ ابدا بس انا قولتلك قبل كدا مش فارقه معايا .

قاعده فى اوضتى الباب خبط .
ـ ادخل .
ـ بحزم : عريسك جاى بكرا علشان يتقدم فاجهزى بكرا .
ـ طب طالما كدا كدا هتجوزه بالاجبار لازمتها اى الروتين دا والشكليات بقا .
ـ انتى قولتيها روتين وشكليات تصبحى على خير.
ـ وحضرتك من اهله .

بابا دخل الاوضه ولسه هيزعقلى علشان البس لقانى جاهزه .
ـ اتكلم بهدوء : الضيوف برا اطلعى و
ـ اسلم واقعد باحترام وما اتكلمش علشان عيب .
ـ ابتسامه اترسمت على شفايفه وطلع .
ـ طلعت ودخلت اوضه الضيوف سلمت على اهله ومش عارفه انهى العريس فى اتنين لابسين بدل وشيك اوى يكون انهى فيهم .
ـ قعدت جنب بابا وعينى ما اترفعتش من الارض .
ـ بعد فتره اهل العريس مشوا والعريس كمان مشى كويس علشان انا مش طايقه اصلا اقعد معاه دخلت اوضتى
ولقيت بابا دخل وقالى ان خطوبتى وكتب كتابى الجمعه الجايه دى وقبل ما يطلع قولت .
ـ يعنى يا بابا لسه مصمم تجوزنى ليه .
ـ اه ومش هغير رأيى وبكرا هتقدرى اللى عملته علشانك دا .
وسابنى وطلع ....

تانى يوم رنيت على اصحابى وعزمتهم طالما كدا كدا هتجوز يبقوا معايا بقا .
ـ الوقت جرى واه صحيح خالد هيكتب كتابه معايا فى نفس اليوم .
ـ جيه اليوم دا ولبست الدريس والميك اب واصحابى حواليا بيهيصوا وفرحنين ليا وانا كمان ضحكت ونسيت همى شويه .
ـ لقيت اخويا دخل اخدنى علشان كتب الكتاب .
ـ تم كتب الكتاب بتاعى وبعده اخويا اتكتب كتابه بس حسيت ان اخويا فرحان بعروسته عكسى انا .

ـ بابا دخل قعد جنبى وقال بهدوء وحنيه : تعرفى يا بسمله انك بتفكرينى دايما بامك الله يرحمها بطريقتك وطريقه كلامك وضحكتك وفرحتك باقل الأشياء لكن الايام اللى فاتت دى الفرحه مشت من عنيكى وبقيتى دايما قاعده لوحدك فى الاوضه تعرفى يا بسمله ان انا عندى ورم على المخ وهعمل العمليه كمان اسبوعين ويعالم هطلع منها عايش ولا ميت ...

ـ بدموع : ورم اى انا مش فاهمه حاجه..؟؟

ـ مسحلى دموعى وكمل : دايما كنت بتعب وبيجيلى صداع ووجع لايطاق روحت كشفت ولقيت عندى ورم على المخ
بعدها لقيت عادل صاحبى جاى يطلب ايدك لابنه وافقت وطلبت منه ايد بنته لابنى وفهمته وضعى علشان كدا سرعت فى امور الخطوبه وكتب الكتاب وعلشان كدا الفرح حددته يوم الخميس الجاى لانى هعمل العمليه يوم الجمعه .

ـ انهارت فى البكاء وفضلت حضناه جامد ونمت فوقت تانى يوم لقيت خالد وبابا جنبى .
ـ قومت حضنت بابا وخالد وبعد كدا بابا نزل علشان نفطر كلنا .
ـ خالد اتكلم : صباح الخير يا سوسو .
ـ سوسو فى عينك بقا يواد انت بقولك انك عارف العروسه وبتحبها تقولى لا يا كداب .
ـ انا كنت عارف الحكايه كلها بس خوفت اقولك علشان عارفك متهوره وغير كدا العريس كويس وحلو .
ـ هو من ناحيه حلو فهو حلو وجنتل كدا بس لسه محبتهوش ، انت حبيت خطيبتك هى صحيح اسمها اى .
ـ ضحك وقال : بقا مش عارفه اسم مرات اخوكى على العموم يا ستى اسمها سلمى واه حبيتها .
ـ اممم يواد يا واقع انت وبعدين ايدا هى سلمى وهو سليم .
ـ بكرا تحبيه ان شاء الله .
ـ خالد انا خايفه على بابا اوى والدموع نزلت من عينى .
ـ خالد جيه حضنى وقال ان شاء الله هيبقى كويس و بخير ومسح دموعى بحنان .
ـ واخدنى ونزلنا نفطر مع بعض .

ـ الفرح جيه وعدى واحنا كلنا اهو فى المستشفى مستنين بابا يطلع بالسلامه من العمليات .
ـ عدى وقت كبير وبعد توتر كبير وتعب اعصاب ، الدكتور طلع من العمليات .
ـ بعد فتره ابتسم وقال : المريض بخير بس حصل صعوبات كتير اثناء العمليه بس الحمد لله العمليه نجحت .
ـ ابتسمت وحضنت سليم من فرحتى وهو حضنى طلعت من حضنه وابتسمتله وخالد جيه حضنى وقال مش انا قولتلك انه هيبقى بخير واهو بقى بخير الحمد لله.
ـ حضنته وابتسمت وقولت : الحمد لله .

(بعد 3 سنوات):.
ـ واقفه انا وسليم جنبى و ابننا سالم بيلعب قدامنا مع خديجه بنت خالد و سلمى .

ـ عايزه اقول مش كل حاجه احنا بنتمناها بتحصل وفى حاجات بتحصل اكيد بتبقى عكس امانينا بس اكيد بتبقى خير من عند ربنا احنا مش بنكون مدركين قيمتها .
ـ يعنى انا مثلا مكونتش عايزه اتجوز بالطريقه دى بس حقيقى ربنا عوضى بأحن و احلى زوج فى الدنيا وجايز اللى اكون بتمناه مكانش يطلع زى سليم .

" ويخلق الله لنا انسان لا نجد الامان إلا بقربه🌟".
ـ لـ روان احمد.
ـ تـمـت 🧡.
ـ رأيكم يا لُطاف 🧡.