البارت 36✨
الجدة : ونتي مالكي ماتسرتي راسك نازلة عندنا بهاد تقزيبة
نور : باغدووون !!! ...
الجدة شافت فنهيلة : تي هادي آش كتكول
نهيلة : بغات تكوليك سمحيليا
نور وسعات عينيها : انا !!!! .. لا مقلتهاااش وعلاش انقولها اصلا ؟
نهيلة كتغمز لنور باش تسكت وهي عاد مازايدة فيه
نور : دبا اشنو درت انا مالكم مع لباسي علاش مكيعجبكمش
الجدة : اشمن لباس هدا وكولشي فيك باين دبا هاد شرويطة يلبسوها الناس ويسترو بيها راسهم
نور : يكما بغيتي نتحجب بحال هاديك لي ميت ليها راجل
الجدة كانت جالسة على الكورسي المتحرك ماشي مقعدة ولكن مكتقدرش تحرك على رجليها بزاف حيت مريضة مالقات غير عكازها حداها كتعكز بيه هي تهزو وشيرات بيه عليها تاغوتاات نور ونهيلة وسعات عينيها ونجاة خرجات من الكوزينة كتجري ملي سمعات الغوات
الجدة : هادي دير ليك العقل باش مرة خرة تستري راسك
نهيلة مشات عند نور لي كانت كتبكي جراتها معاها لفوق ونجاة قربات عند الجدة
نجاة : حرام عليك علاش ضربتيها مالها آش دارت ليك
محجوبة : مشفتيش داك تقزيبة لي نازلة بيها قدامنا
نجاة : وااا مي راه البنت عندنا ضيفة عيب ديري فيها هاد الحالة راها ماعرفاش مسكينة
محجوبة : اوا انا ضربتها باش مرة خرة متعاودش الدار مافيهاش غانسا ولدك كاين حشومة دور حداه بداك اللبس
نجاة : راه هو لي جابها امي كون مكانش كيعرفها مغيدخلهاش لدار
محجوبة : سيري حطي لينا لعشا وطلعي عيطي لوليدي ينزل يتعشا تاهو
نجاة تنهدات وطلعات لفوق تعيط لودها ينزل وهي تلاقا بالبنات نازلين
نجاة : بنتي نور سمحيلينا على هاد دخلة والحاجة ماتديش عليها راه هي هكاك دايرا مكتبغيش تشوف شي وحدة بداك اللبس غير سلكي معها وصافي
نور تنهدات : ماعليش اخالتي
نجاة : نهيلة قولي لخوك ينزل يتعشا (وشافت فنور ) ونتي اجي معيا
نزلات نجاة ونور موراها غير وصلو الصالون وهي تبلع نور ريقها ومشات بلاصة بعيدة على محجوبة وجلسات وهي ملي شافتها لبسات وسترات راسها ابتاسمت برضى وهي كتسبح نجاة كتوجد فطبلة وتحط فالعشا حتى نزلات نهيلة وبدر الدين .......
جات عينو على نور شافها آش لابسة وهي تشدو الضحكة بزز باش حبسها عرف شكون غاتكون جداتو لي رغمات عليها تبدل لانه عارفها مكتبغيش تشوف شي وحدة لابسة المزير ولا لقصير هوما هكاك ترباو فعائلتهم .. ترباو الحشمة وعلى الصلاة والعبادة شادين فدينهم .... ومتمسكين بيه من كبيرهم لصغيرهم
أنت تقرأ
ثبت على يديه
Cerita Pendek#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
