كوني انتِ

بـارت 27 .

- نِـرجُس...

… … …

- مرت حياتي وعندي لياني تسوا الدنيا ومابيها تعلقت بعبدالله اكثر ودائما اتعارك وياه بس احبه...

- عبدالله : شبيج لخاطر الانبياء تخبلتي؟
- نرجس : اي عيني منعجبك تفضل اخذ بتك وتوكل..
- عبدالله : جيبي...
- نرجس : ها يعني عندك عادي تعوفني؟
- عبدالله : نرجس لا تخبليني شبيج..
- نرجس : روح ماريدك...

- اخذ ليان وراح كعدت اكلب بتلفوني شوي وغفيت فزيت ليان بحضني وعبدالله ديبدل رفعت راسي باوعتله باوعلي وكال...

- عبدالله : شني بعدج مطنكره؟
- نرجس : لا...

- تقرب باسني وطلع رجعت نمت كعدت عل بجي ليان وفطومه اخت عبدالله يمي شايلتهه...

- فاطمه : صخيمة كومي ولي للمستشفى شعدج باقيه يمنه...
- نرجس : بيش ساعه؟؟
- فاطمة : فتحت تلفوني ب3:20..

- كالتها واني كمزت طلعت ملابسي بسرعه وعدلت شالي شلون مجان وخليت حمرة وعدلت حاجبي سريع وفتحت تلفوني شفت ساعه 1:30 انداريت على فاطمة فحطانه ضحك عليه شتمتها ورحت اكلت ورجعت خليت مكياج وبدلت ملابسي لبست كيلوت اسود وهودي رمادي ولبست شال مقارب للون الهودي ولبست حذاء رياضي اسود صارت ساعه ب2:34 اخذت تلفوني و طلعت للمستشفى دائما احب اداوم قبل الوقت شفت الجدول الخفر مالتي اليوم اخذت كهوة وبقيت افتر عل مرضى هذا المحتاج مغذي هذا المحتاج اوكسجين وكلها تصيح نرجس الدكتورات كلهن مهملات كملت كلشي وكعدت مهدود حيلي هستوني كاعدة ودخل الدكتور مستعجل وكال...

- نرجس تعاي وياي...

- ميـار...

… … …

- حيدر ماكو منه هنيالي بي وخواته احسهن خواتي واخوانه اخواني
تعلقت بحور وبطناكيرها وبجمال كلامها وبكلشي بيها كلشي يتعوض الا حوريتنه....

- كاعدين نتعشه والاجواء حلوه دخلت شمس....

- شمس : ولكم ادبسزيه كاعدين بدوني...
- حور : دنجبي ادري شنو نسحلج من بيت رجلج...
- شمس : يابه شوف بتك تطردني...
- امير : ما طردتج ليش تجذبين...

- وضلو مناكر وامير يدافع لحور وعمو مؤتمن وعباس وحيدر يدافعون لشمس كملنه وحور راحت لغرفتها وضعها مشكوك بي ماتكعد ويانه وتحجي بلحب ومن نجتمع هيه بتلفونهه كملت اماعيني ورحتلهه...

- ميار : حوريه تعاي اكلج...

- حور : ها حبيبي كولي؟

- ميار : تحبين انتِ...

- حور : ابتسمت ، قليلة بحقي مال تحبين ميار همت اني وكلبي الخلصان شحنته وعشك ورجع طفل يبجي ويشتاق ويحن...

- لهفته وهي تحجي حيل حلوة كتلهه ، يا ولج منين هذا وانتبهت صايرة تحجين بصراوي...

- حور : واحد تعرفت علي بس ميار حبيته بشكل...