قصة بعنوان {أوْجآ؏ آلهِوُي}
المقدمة.....
بقلم : الفراشة 🦋
~"البدايات..النهايات"~
.
.
.
.
.
لكل بداية نهاية ولكل نهاية بداية
ولقصتنا بداية هادئة وعادية...لكن نهايتها!!
ح نعرفوها مع بعضنا بالتدريج ح يسلسلن
الأحداث مهم ركزو واحفظو شخصيات.
في هَذِّك منطقة وتحديدا في هذك حوش
طفت ضي دارها وصكرت بابها واتجهت
للمطبخ في طريقها شافت ولدها يتجهز
عشان يطلع ابتسمت وقربت منه : صباح
الخير حبيبي
رفع عيونه اول ما سمع صوت امه وابتسم : صباح الانوار يمي
قالت بتسؤول وهي مبتسمة : شنو ماما وين ماشي من صبح ؟
نزل يربط في كويشه ورد عليها بدون ما يبحت فيها : ماشي بندير برمه عالمحل ووبعدها بنمشي نتغدا عند عيت جدي، "قال بضحكة وبحت في امه" حني دايرة بازين اليوم حلفتلي نتغدا معاها
ابتسمت تخفي في قلقها وقالت برفعة حاجب : كثرات مشياتك لاعمامك وشكلك تعودت عليهم
واجد
رد بحت في كويشه وكمل ربط وقال: اكيد بنمشي ونجي عليهم في نهاية بكل هذوم اسيادي ولي قاعديلي من ريحت باتي" صبي
علي طوله بعد كمل وقال وهو يبحت في امه" وفي نهاية ماحد بيضرني منهم وكلهم همهم
مصلحتي
ابتسمت بنزعاج : امم باهي دير بالك من روحك
رد بعد نرن عليك وما تسهرش واجد
ضحك قرب باس راسها : حاضر يالحب
هي ابتسمت : يحضرلك كل خير
ساوي جاكته وطلع وامه طلعت وراه : ربي يفتح
في وجهك ويرزقك ويبعتاك عيال الحلال ويبعد عنك عيال حرام
سمع دعوتها وابتسم وهو ماشي بتجاه سيارته تلفتلها وشير بيده معني باي وهي شيرتله
بعدها ركب سيارته وهي صكرت الباب
تنهدت وقالت : مش عاجبتني بكل صحبته مع
اعمامه خايفه إلا يفسدوله عقله بأفكارهم خربات
تنهدت بعد ذكرت احداث تجمعها بعيلة راجلها كلهن ذكريات مش حلوة طردت ذكرياتها
بسرعة وخذت نفس مشت للمطبخ حطت براد
شاهي علي نار وفتحت روشن مطبخ واتجهت
لدار امها دقت علي باب وخشت لقت بنتها
نايضة وطبق في بطنيه وامها رقده علي سرير
ابتسمت وقالت لبنتها : صباح خير ماما
ردت بنتها بأبتسامه : صباحك ورد ماما
قربت من سرير امها وقعمزت علي طرف وهزت امها بشوية : يمي يمي
شوي فتحت عيونها ونعاس غالبها
قالت : نهارك مبروك يمي... هيا نوضي اغسلي وفطري ساعة 10
صحصحت الام وقعمزت: وين خوتك؟
مبتسمة : ماحد جاء لعند توا نوضي صحصحي انتي قبل توا نرن عليهم
هزت راسها بإيجاب ونوم مزل كابس عليها وصبت بشوي بتطلع من دار بتجاه الحمام
بحتت في بنتها وقالت : صليتي ؟
هزت راسها ب نعم
ابتسمت امها : باهي الحقيني للكوجينه وطلعت قبلها سيبت بنتها في دار ترتب فيها بعد كملت
طلعت وتت لبسه لجدتها حطتها علي سرير
وتلفت بتطلع لقت جدتها خاشه ابتسمت وقالت
: البسي قفطان هذا يا حني توا نجي نمشطلك شعرك
هزت جدتها راسها بإيجاب وابتسمت: صحيتي
بنيتي "تلفتت للقفطان محطوط علي سرير"
كملت بنت طريق للمطبخ بعد ابتسمت لجدتها
وصكرت باب عليها، خشت لامها : وين يا ماما
زيد ومراد؟
ردت امها وهي تقلي دحي : زيد مزال راقد، لكن مراد طلع امبدري شوي ماشي للمحل وبيقعد عند عيت جدك "سكتت طفت نار وجابت تبسي جنبها تحط فيه وقالت" خلطته مع اعمامك مش عاجبتني بكل وهو رايح متعلق بيهم مرة زارد معاهم مرة متعشي عندهم مرة
يكلمه يتغدا يسحبو فيه شورهم
