(MLC ရဲ့ နောက်ဆုံးအပိုင်းကို recall ပြန်ခေါ်ထားခြင်း)
ဘဏ်ရဲ့ရုံးအတွင်းခန်းထဲ၌ အာလန်မှာ ဂိုင်ဖာအား ဆုံးသွားတဲ့ အမေနဲ့ပတ်သက်ပြီး ဘဏ်မှ စာရွက်စာတမ်းကိစ္စများကို ရှင်းပြကာ လက်မှတ်ထိုးခိုင်းနေခြင်း ဖြစ်သည်။
"ဒီမှာရော လက်မှတ်ထိုးရပါမယ်ဗျ"
" ဪ .. ဟုတ်ကဲ့ပါဗျ"
ဂိုင်ဖာမှာ အရှေ့မှာ ချထားတဲ့ဘောပင်အား လှမ်းယူလိုက်ပြီး ...
" ခဏ သုံးမယ်နော် "
" ဟုတ် သုံးလို့ရပါတယ်" အာလန်ပြုံး၍ ပြန်ပြောလိုက်သည်။
" ဒီမှာ ထိုးရမှာနော် "
စာရွက်ရဲ့လက်မှတ်ထိုးရမည့်နေရာကို မေးနေတဲ့ ဂိုင်ဖာရဲ့ အပြုအမူလေးများကို အသေးစိတ်လိုက်ကြည့်မိရင်း " ဟုတ်ပါတယ်ဗျ" လို့သာဖြေလိုက်သည်။ မျက်လုံးအကြည့်များက ဂိုင်ဖာစီမှတခြားသို့ မလွှဲနိုင်ခဲ့ပါ။
လက်မှတ်ထိုးပြီးသားစာရွက်များကို ဂိုင်ဖာမှ အာလန်သို့ ပြန်ပေးလိုက်သည်။
လက်မှတ်ထိုးထားတဲ့နေရာများကို အာလန် သေချာစစ်ကြည့်ပြီးတော့
" အားလုံး အဆင်ပြေပါပြီ ခွန်ဂိုင်ဖာ "
" ဟုတ်ကဲ့ပါ"
" ကျွန်တော် တောင်းပန်ပါတယ်နော်။ ဌာနချုပ်က စာရွက်စာတမ်းတွေ ထပ်တောင်းနေလို့ပါ "
" ရပါတယ်ဗျာ ... ခွန်အာလန်။ ဒါဆို
ကျွန်တော့်ကို ခွင့်ပြုပါအုံးနော် " ပြန်ဖို့ နှုတ်ဆက်ပြီး ဂိုင်ဖာ အထမှာပဲ
" ခွန်ဂိုင်ဖာ"
" ဟုတ် "
အာလန်မှ ရုတ်တရက် " ကျွန်တော် ဖုန်းနံပါတ်ပြောင်းထားပါတယ်"
အာလန်ရဲ့စကားကြောင့် ဂိုင်ဖာ ခဏမျှ ကြောင်သွားသည်။ အာလန်မှ ဆက်ပြီး
"ခွန်ဂိုင်ဖာရဲ့ Line ID လေးများ ရနိုင်မလားဗျ"
" ဗျာ .. "
"ဌာနချုပ်က စာရွက်စာတမ်းထပ်တောင်းဦးမှာစိုးလို့ပါ .. အဲ့အခါကျရင် ခွန်ဂိုင်ဖာ ဓါတ်ပုံရိုက်ပြီးတော့ ကျွန်တော့ဆီ ပို့လို့ရပါတယ်"
YOU ARE READING
I'm your person 🍊
FanfictionMoonlight Chicken Seriesရဲ့ side couple လေးဖြစ်တဲ့ FistKhao အတွက် ကိုယ်ဖြစ်စေချင်တဲ့ Fanfic လေးပါ။ တစုံတယောက်ကို ထိခိုက်လိုစေချင် အလျဉ်းမရှိပါ။
