الفقدان

البارت واحد وعشرون

‏"عَلَيْكَ سَلَامُ اللَّهِ مَا لَاحَ كَوْكَبٌ
وَ مَا سَبَّحَ الْكَوْنُ الْفَسِيحُ وَ وَحَّدَا
.
.
.
تعليق وتصويت لتنسون

________________
الكاتبة لولو الزبيدي
________________
.
.
.
هيام :- اني ااا اني يعني انسي
أخزم:- شنو انتي احجي هيام

هيام :- صارت بيهة هيام بطلت ماحجي
أخزم:- جؤ جؤ لتلعبين بأعصابي هيام احجي

هيام :- ردت حجة اطمطم سالفتي ردت اعترفتلة
اني عندي مشاعر تجاهة  وهم اريد نتمم  زواجنة  بس اذكرت اليوم عيد ميلادة اجلتهة

:- اريد مشاوي ع الغدة
:- تدللين هاي سهلة

هيام :- شكراً شكراً
أخزم:- بابا زوجتي ليش الشكراً هسة كومي نامي
وارتاحي من تكعدين نتغدة

هيام :- اي خوش رحت للغرفة دخلت سبحت من ريحة المستشفى لبست البرنص وطلعت صار بوجهي
أخزم مو وكتة ابد مو وكتة

اخزم:- يا قُرَّةَ العَينِ إنَّ العَينَ تَهوَاكِ
‏فَما تَقَرُّ بِشَيءٍ غير مَرآكِ

هيام :- أخزم حباب اطلع خلي البس ملابسي
أخزم:- جؤ جؤ كل هلحلاة وترديني اطلع

هيام :- اخزززم  خزرتة وضحك
أخزم:- هوة كلمن يكول أخزم ويخزر هيج ينكرط

عاض شفتة ويتقدم واني ارجع لي ورة الحمام
وراي دخلت وسديت الباب واني اضحك اسمع صوتة
يحجي بحرقة

أخزم:- ولج الزمج الزمج وين تفلتين منيي اروح
فدووة لهضحكة

هيام :- اطلع  بسرعة اريد البس وانام شلوون
أخزم:- رايح حُب نامي وارتاحي ليما اجي

هيام:- ليش هيج كلامة ديأثر بية لهدرجة احبة
لو مشاعري مخربطة طلعت لبست ودخلت على بيج
كيك قريب منة طلبت منهة القالب وشتكتب عليه
انطيتة العنوان والرقم  وخرجت تمددت ع جرباية
ونمت

كعدت باوعت الساعة ثنتين حيل شكد نايمة واخزم
مكعدني كمت توضيت وصليت وطلعت لكيتة متمدد
بلصالة ويباوع تلفزيون

هيام :- صار شكد نايمة متكعدني
أخزم:- صح النوم يا حلو  كلت خليك نايم ترتاح

هيام :- جوعانةة ترة
أخزم:- يخسة الجوع هياتة الاكل ربع ساعة ويوصل
اكعدي عيناي

هيام :- وشيصبرني ربع ساعة كُلش جوعانة واني
كلت هسة اكعد الاكل كدامي

توة ديسولف دك موبايلة
أخزم:- شوفي هاي التوصيل اجة بوكتة

طلع ياخذ الاكل دخل وصاحلي فتح الاكل يشهي
تغدينة وخلصنة ديلم الاكل ماخليتة سويتلة
جاي شرب وطلع كال اقفلي الابواب ماجي لليل احتمال اتأخر

هيام :- وين دتروح وشعندك تتأخر؟

رفع حاجبة وتقدم علية
أخزم:-صايرة تتسألين ست شعندج
كالهة وغمز