ردو السلام و كلس حتا حس بالزايد فالطبلة، رد البال و لقا 2 بنات قدامو وحدة معطوبة فراسها و الثانية كتفرنس ليه تقول شافت باها .. كيفاش دير تنسا اش وقع و لو غا لقطة، و لكن هو معقلهاش بسباب الظلام للي كان قرب اطيح و الظل (طولو كان مغطي عليها ضو الطوموبيل) .. حشم و وقف اسلم عليهم باليد، سبق بحنان للي على ليمن و داز لحنين للي مشافتوش واش ماد يديه كتهضر مع لمياء حتا كلمها ..
عيسى تنشر : حم السلام !
هزات عينيها فيه و هو ابتاسم ليها ردات ليه الابتسامة مع "السلام" وقفات احتراما ليه و عطاتو اديها الرقاق بااااردين ..
رجع لبلاصتو كياكلو و كيهضرو فجو مريح ..
حتا نطق سي عبد الكريم :حنين (كياكل فنفس الوقت بدون ميبرزط حد و لا انفرو شي حد) شنو وقع ليك ! شفتك كتعرجي و سبرادرا على راسك ..
توجهات الانظار ليها .. غا هزات راسها تجاوب هي تنقز حنان كي الحزقة عينيها على الطبسيل كتنقب من الشلاضة و كتهضر : طاحت بالبيكالة و هو (شيرات ليه مكتشوفش فيه) شويا ميقتلها بالطوموبيل !
بالدعقة وحلات ليه الماكلة كيكح حتا عطاتو مو للي كالسة من جيهتو الما
لمياء بتوشويش : حنين واش بصح؟
حنين مجاوباها بنفس الصوت : را غا كتخربق هادي ..
شرب الما و تنفس هز راسو فيها كيشوووف واش هي و لا لا .. نساها و خرجات ليه من بالو غا تحرك من حداها داك النهار ..
نادية جوابا على هضرة حنان : لواه ابنتي لاااوااه الباطل مزوينش شكون كان ممرغ فالارض ؟! حنا !
ثريا دايرة فيها الحمية : كون ما خويا تبارك الله محكم فيديه كون مشات كورصة للسما ..
حنان بغات تبدا المعاطية : الله انجيها .. تكتب للعدوها يا ربي ..
البقية راسهم ضاير حاضين المعاطية من واحد الواحد .. حنين خافت انوضو المشاكيل بين البنات و تخسر لصاحبتها النهار .. هبطات اديها و عطات قرسة لحنان ففخاضها من تحت الدف حتا ولات حمرة، قشع محمد البلان هو اضحك بغاها فيها .. خدات حنين المبادرة من جديد و جوبات على السؤال من الأول باش احبس هادشي ..
حنين : حم سمحولينا .. صراحة اعمي طحت و هبطت مع العقبة للي فالضورة على الحانوت (هزات راسها فعيسى) الخطأ مني سمحلي كون ما كان رد فعلك سريع كون علم الله اش كان غيوقع ..
سي عبد الكريم : اوا الحمد لله على سلامتك .. تبارك الله على ولد السي منعم و لالة نادية فايق و عايق ..
عيسى مبسم حرك راسو بشكر و هو ادور عند حنين : و كي بقيتي من الطيحة ؟
نادية و ثريا كيميقووو محملوش البلان ...
حنين رادة الكصة ورا وذنيها : مزيان حمد لله شكرا ..
حرك راسو مجاوبها : دوزتي على رجليك (و هو كيحك لحيتو) سمعت عمي قالك كتعرجي!
أنت تقرأ
حنين
Romance" مـــن أنــــت؟ يا من تنشر سحرها كالغبار بين الأعين والجفون وتنثر من شعرها المجنون مــــن أنــــت؟ يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك •• هي قصة بالدارجة المغربية و ان شاء الله تكون خفيفة عل...
