حنين

بارت ٢١

دازت حوالي 7 اشهر على مصابهم .. كل واحد و فين و كل واحد و حالو و لكن الحاجة الوحيدة المشتركة كملوا حياتهم بللي قسم الله ..

فكولوار غادا كتهضر مع المرؤوسين عامة على الحالات للي عندهم .. النسا كل وحدة عندها جسم خاص و صحة خاصة و معايير خاصها تاخد بعين الاعتبار .. اغلبيتهم شباب بالضبط 5 د البنات و 2 دراري
واقفة دايرة يد على يد متكية على الحيط عيااانة ضعافت على كي كانت .. لابسة بوني ملون و لبسة خضرة مع صابو كيف العادة مسخسخة يالاه عاونات سيدة جاتها بالحريق كان عندها بيبي مقلوب .. ضطرات تقلبو حدما باقي الحال قبل متبدا فالمخاض و اهبط .. اوا زيد شحال كتساين و الجهد باش تخلي الباسيونط مرتاحة و كلها طاقة و اول حالة ليها من هاد النوع .. بالحق خدمتها دايراها عن حب و اقتناع و آخر حاجة تفكر فيها هي الخدمة صعيبة ..

حنين فمود كامل للخدمة : صافي لي شومبر عندكم .. خليو بالكم لا حتاجيتو شي حاجة سولوا خولة (ضارت كتقلب) بلاتي منهنا شويا و تجي (كملات كتمازح) و لا معندكم مديرو بيها طلعات لينا فالراس خمس شهور و نتوما معايا مبقا والو و ترسمو هههههه

شكروها و توادعوا حتا كتسمع شي حد كيعيط ليها من بعيد " تيتيز "

حنين دارت شافتها : مم !

خولة جايا كتفرنس : منتصاحبوش ؟

حنين ضربتها ضربة خفيفة : هنينا (تفكرات) اه نسيت راه كنت كندوي فيك هههههه (شافت فيها) طلعتيلي فراسي

خولة : عارفة عارفة مزال انصدعك غا تهناي (شافتها حيدات البوني و بدلات الموضوع) غادا ؟

حنين : واييه غادا نشوف شنو كاين .. عندي الزهر فكلينيك واحد على عيني

خولة شيرات ليها اتحركوا : يالاه نوصلك لهيه و نرجع معندي والو بلاتي و ندي الوراق للسيد اسني كون تشوفي قبيلا قبايل كنهضر معاه و هو مرفوع مسكين كيضحك غا بوحدو

حنين : دابا تشوفي ما كثر الله اسمح لينا .. واحد النهار ساليت خدمة و مشيت نبشر العائلة هوما معارفينش شنو عندها غا قلت ليهم بنت السيد سخف بالفرحة كلوا فشلان و احمد الله و اشكروا

خولة وقفات حطات اديها على كتفها : هههههه الله يا ربي فرحتهم من فرحتنا .. الساطا غتخلى عليك هنا

حنين : اوكي حتا دوزيلي الوراق و حتا لاملقيتينيش غا حطيهم

خولة : اوكي (باسها بجنب غادا) باااي و بوسيهالي

.. كوثر و ميعاد ولادتها قربات حيث تقريبا دخلات فالتاسع .. عيسى للي فهاد الساعة بالو مشغول مع تحضيراتهم زيد حتا كثرت الهضرة و قيل و القال و الصداع على تربية و المخطاطات و ما الى ذلك من البلانات و زيد نادية للي قابطة الهضرة من ديك الساع و تضخيمها للامور صطاتو .. صحيح معاطيهم حتا شي قيمة و لا حجم اكثر من صوت خارج من الحلق بالحق الموضوع كبر و طلعلوا ايخان للراس ..