حنين

بارت ٢٣

حنين قادات كلستها حتا من الساعة فاش عيط : خير اسي عيسى

عيسى : كوثر بداها الطلق .. مقاداش توقف باش نجيو للكلينيك .. دايرة بيا الدنيا طبيب و معارف مندير يديا فاشلين ..

حنين وقفات : فينك نتا ؟ طرطقات السقية ؟

عيسى كيسوط : انا جاي للكلينيك نجيب معايا شي حد  .. لا لا لقات شويا الفراش فازك بقعة صغيرة

حنين وقفات من بلاصتها لاحت عينيها على ختها : لا لا مكنظنش .. انا فالكلينيك نيت كنت بايتة مع ختي .. سمعني ضرب الدومي تور رجع لدارك (خارجة من شومبر بالجرا) نشوف واش كاين شي اكيب نهزو لي زاباراي و نجيو فلومبيلونص .. توصل للدار عيط لي قولي حالتها ..

- ضار على الرومبوان راجع فحالو : واخا ساماغش ..

قطع غادي فحالو و هي لقات خولة قدامها نيت علماتها توجد ليها اومبيلونص و قلبات على مساعداتها تا لقات جوج هزاتهم و مشاو .. فالبلاصة صونا تيليفونها عرفاتو وصل ..
حنين : وي كي لقيتيها ..

- هي هي مكاين والو من غير الحريق

حنين : السقية

عيسى : لا والو

حنين للي تطلق صوت لومبيلونص حداها عرفهم جايين : وقفها واخا متقدش تمشى و لا الى عندكم الكرة ديال الولادة قوليها دير تمارين باش تحرض المخاض ..

عيسى : واخا ..
طلق سبيكر مشا كيعاونها و خلاها رادا البال كتسمعهم من ورا التيليفون كيعاونها دير داكشي بالحرف  ..

حنين : بقات خمسة دقايق نكونو عندكم قوليها متخلعش غا بشويا مزال الحال ..

بالسرعة و الطريق الخالية قدرو اوصلوا قبل .. طلبات منو افتح الباب الكبيرة و انعت ليهم فين امشيو .. دار شنو طلبات و فتح الباب دار على حدو خلاه ليهم .. دخلوا و هوما كيقربو و هوما كيسمعوا انينها .. وصلوا لبيت النعاس دقات تستأذن و دخلات بالخف
سلمات شفهيا بإبتسامة تهدنهم .. ساعة شافت كلشي مخلوع شي خالع شي ..

- مرحبااا بللي غيزوركم .. كوثر اجي معايا (ناضت كترجف) شوفي فيا مكاين لاش تخلعي كلشي غيدوز مزيان و عائلتك كلها حداك ..

- كتشهق : ااااا ماشي هاكا .. مزال الحال على الولادة

تمشات بيها لفراشهم .. بالخف نترات البريزات و ركبات لاباراي ديال التخطيط .. لوكسيجين و غير ذلك .. طلبات منها تفتح رجليها لايكون بعدا سقية طرطقات و هي مجايبة خبار .. لقات كلشي نورمال و هي تكمل

- عندك كلشي مزيان و كيبانلي مبقاليك والو تبداي فالمخاض .. نوضي طلقي رجليك شويا على مطرطق ليك السقية ..

كيف وصاتها مشات كدور على البيت تشد فالحيوط شويا عيات كلسات على البالون و هي موراها كتماصي ليها ظهرها .. عيات تاني جات توقف حتا حسات فحال شي حاجة طرطقات داخلها حتا طلقاق غوتة خفيفة فرعات رجليها و تبعهم الما نازل ..