" مـــن أنــــت؟
يا من تنشر سحرها كالغبار بين الأعين والجفون وتنثر
من شعرها المجنون
مــــن أنــــت؟
يا من تبحثين عني وعن جراحي وجنوني أقتربي أكثر.. واجعلي من شعركِ جسراً تسير فوقه روحي إليك
••
هي قصة بالدارجة المغربية و ان شاء الله تكون خفيفة عل...
دخلات للدار لقات عيسى كيلعب مع رغد كل ما كتكبر كل ما كتبعد عليها كثر .. دازت عليه باستو و مشات لبيت النعاس كتبدل حوايجها و راسها طابخ .. عرفات راسها حاملة من شحال و لكن ليكو مزعماتش تمشي عند تا واحد فمدينتها .. صحاب حرفة وحدة كيعرفو بعضياتهم من قريب و لا من بعيد .. مجاها غا حنين فبالها عندها سكوتية و داخلة سوق راسها زعمات مشات لعندها .. و مرداتهاش بالحق مرادها متحققش و البلان للي فبالها معارفو حد .. دخل عندها هاز بنتو فيد للي كتبجغط فيه كل مرة تجبدلو شي حاجة مرة عين مرة ودن تا هو خلاها على خاطرها .. جاها من الظهر و دور يدو عليها حاطها على كرشها باسها فعنقها كيدوي ..
- شفتك ماشي تا لتما !
- تنهدات : عييت بزاف .. المسؤولية قهراتني و الراس عامر
عيسى زيرها لعندو : للي تقالت عليك خفافت عليا .. متشديش فخاطرك .. عارفك قادة و لكن متنسايش عندك راجلك تعولي عليه فأي حاجة .. را جامعين بيناتنا الولاد
طبطبات كوثر على يديه و هو بدورو كحرك صبع يدو المحطوطة على جسدها بغا ابدل الجو و قال طانز - عركتيها قبل متجي شوف شحال عامرة تا قساحت
تسلتات منو كتضحك غا من حلقها للفوق و بلا متعيق .. تا هيا لحضات لحمها دغيا قساح عكس جسدها فرغد و الستريس عندها زايد لا يعيق بشي بلان - جاني الجوع مقديتش نصبر
مشاو كتشوف فيهم من الظهر و صوت ضحكاتهم مالية البيت .. ميكسر تفكيرها غا مها مسيفطا ميساج قراتو جاوبات و جاها جواب ثاني .. قراتو بغات تبكي .. قصحات قلبها كملات لباسها تلحق عليهم و تعيش حياتها تا تكمل شهرها الثالت ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.. و فجيهة اخرى و فمدينة اخرى .. كالسة منى و نجية فصال أمونجي كيكتبو فورقة اش اخصهم .. ناضت جابت ليهم طاس قهوة افيقو بيها .. عرس ليلة تدبيرو عام
منى : لمياء معوالاش ترجع .. نسيت على وجهها انا بعدا
