حنين

بارت ٣٤

و للداخل فالبيت .. واقف راشد معاه كوثر و بروفيسور الكبير واقفين كيدويو

بروف محيد Stéthoscope من عنقو : كلشي مزيان .. ريتو المشكل للي خاصاها الكونترول نتمناو تخوى دغيا

نطق راشد مفكر : عينيه حومر بزاف من الجناب مفهمتش مناش !

- جاوبوا متفهم سؤالو حيت تشخيص العينين صعاب : tension ضربو لعينيه و تصلبوا الاوعية الدموية فيهم .. الحمد لله صحتو مزيانة و عاوناتو استحمل كون شي حد آخر كون عْمَى .. متخافش دابا اصفاو مع الوقت

راشد : دا...

تهز عيسى شويا و كح حتا خرج الدم من فمو و منثور على الوكسيجين للي مغطي فمو .. و لا كلو حمر .. قرب ليه راشد قلبوا طاح بالخلعة ..  اما كوثر شافت داك المنظر ناضت بلا عكز و بخفة خدات كلينيكس محيداه على نيفو كتمسح لداخل و كتنيطوايي ليه لوكسيجين

راشد كيقلب فيه رجع شاف فالبروف : اش هادشي ؟

- ضحك مهدنوا : راك طبيب و لا نسيتي .. را عادي ! ريتو مقيوسة .. داك الدم للي مقديناش نخرجوه غيبقا اخرج بوحدو .. فحال هاكا (سكت شويا بدل من ملامحو و لكن الوقار مرسوم على محياه .. تحرك مشا لجيهتو شد فكتفوا دوى بصوت ممسموعش بدون احراج ، خاتر و فيه المعقول) أولدي خدم عقلك فهاد الحالات و فهاد الأوقات .. كان قريب و لا بعيد المهم محتاجك (كانو جوج كليمات معناهم باين و غارق و الفاهم افهم .. بعد عليه شاف فكوثر) خليت ليكم الراحة هاد الساعة لا كانت شي حاجة علموني ..

شكروه مشا فحالو .. داز من حدا واليديه شافوه حرك راسو احتراما مجاوبينو .. هوما انوضو راجعين اعرفوا شنو قال ..

دخلات نادية غا شافت كوثر بوحدها جات ليها الخنقة مشات لعندها نيشان ..
و هي مزيرة على سنانها مكرهاتش تهنشرها ..
- مززززالة بوجهك حمر هنا ! قبيلة جيتي لاسقة فالسيد اما كون جففت بيك الدنيا ..

دار راشد عندهم بالزربة داخل بيناتهم جابد عندو كوثر ..
- خالتي ماشي قدامو يالاه خرج مكاملة حتا عشية .. سيد عيان خليوه غا انعس (جبدها من دراعها مخرجها فات الباب) .. كوثر ختي سمحيلي غا قلبي ساعة بأخرى على ميفيق و اولي مزيان و تفاهموا بيناتكم ..

نترات اديها غادا عاطياه ظهرها معطاتوش خو جوابو .. راجعة فحالها .. نهارها كانت سالاتو و هاد الساعة معامن غدوي محالش عينيه ... اما ديك البنية ممحية من ذاكرتها
...
حنين دخلات للدار فتحات الباب داخلة مزاحمة هازة 66 الف حاجة .. كتعيط كتعلم راها وصلات .. خرجات عندها حنان فكريسيها المتحرك مدابزة معاه .. فرحانة لااا امكن كثر ضيف كبير جاي معاها ..
نسات كلشي ..

طلات عليها بغات تبدى حماقها حتا بلوكات فمها فاش لقاتها هازة بنيتة عيات كتشوف ..
- اويلي المسخوطة مضروبة على الولاد حتا شفرتيهم ؟؟