ما اشوفك الا قمر ساطع ولمعة نجم

البارت الثامن

عند البنات
فضه : يامشاء الله ي لين مزرعتكم تفتح النفس زيي وجهي
اشواق :امحق وجه يفتح النفس
الهنوف وخلود يضحكون
فضه: هاذا وانتي اختي جالسه تضحكين معهم
نوف : هيي انتي وياها حدكم على اخر عنقود عايلتنا
اشواق : امزح معك ي السلقه والله انك تجنين
.
.
.
ثامر وهو يزين القهوه يحاول  يتلاشى  سلطان
سلطان قرب من ثامر : للحين شايل بخاطرك علي
ثامر : صقر القهوه خلصت ودها
سلطان بدا يعصب : استغفر الله
ثامر حس حركته بتعصب بسلطان زياده : اي شايل بخاطري عليك كيف تكلم و تسوي بابوي كذا !
سلطان : ثامر انت عزيز و غالي بس انت عارف ان ابوك يكرهني كره العمى و بينا عداوه ف شي طبيعي اول مايطري في بالي هو
ثامر الي ماحب يكبر الموضوع اكثر : تمام حصل خير
صقر : ياخي امشو ترا ابوي معصب
ثامر  : الله يهديه عمي لو يفك نفسه من العصبيه شوي
صقر : كان حنا بخير
.
.
.
ابو سلطان : اي وش صار ي ابو الهنوف على غيث
سعد : منهو غيث
ابو سلطان: ماهو ب شغلك صب القهوه وانت ساكت
ابو الهنوف : والله مادري عنه من ذيك المره ماعاد عود
ابو ثامر : غيث ولد احمد؟ وش يبغى
ابو سلطان: ابد جاء يخطب الهنوف وقاله محمد يجي بعدين
سعد : مشاءالله ي عمي مبروك
سلطان : مبروك على وش
صقر : اي على وشو نبي نبارك حتى حنا
ابو الهنوف : ابد ي عيالي سعد تحمس لسه ماصار شي رسمي غيث جاي خاطب وحده من بناتي
سلطان تجمد بمكانه ، معن يهمس ل سلطان : شفيك ؟
سلطان مارد
معن : اكلم مين انا؟
سلطان: مافيني شي ي معن
معن : والله اعرف انك تحبها و تبيها
ابو سلطان  : وش تتساسرون عنه انت وياه
معن : ولا شي ي عمي
صقر جلس جنب سلطان و معن : لحق على حبيبة القلب لا تطير
سلطان عصب : صقر اسكت لا اكسر عظامك
.
.
.
فضه: لازم نسوي غداء اليوم حنا  جايين ننبسط ولا ننكرف
اشواق: كلهم توك ماشفتي شي
نوف : ماعاد نبي نشوف
لين : خلكم سنعات مثلي 
الهنوف: بسم الله عليك واضح انك سنعه ما كانك قبل شوي بدلتي سكر ب ملح 
لين دفت الهنوف: ماتعرفين تسترين على الواحد
ضحكو البنات على لين
حنين : امحق سنعه اجل
ترف : لو انك ساكته ابرك لك
خلود تقطع البصل تدمع بنفس وقت تغني :
انا حبيبي بسمته تخجل الضي
يكسف سنا بدر الدجى من جبينه
اشواق تضحك : لا اغنيه راكبه مع وضعك ولا دموعك
البنات جلسو يضحكون
خلود : مالكم دخل و عناد بكمل
راعي العيون الناعسه رمشها
في سهلمت ذاب الهوى من حنينه
.
.
.
ثامر : معي فار ارميه على البنات؟
سعد ضحك : يلا يلا
صقر : تبي عقال سلطان و عصا عمي ؟
معن : اي تكفى ابيه ب اشواق ههههههههههههههه
صقر : انا مالي شغل فيكم و الله يعين البنت عليك
دخل ثامر بصوت عالي : سوي لي طريق يا خلود
خلود : دقيقة
اشواق: ياخي وش تبي عندكم مطبخ هناك
ثامر : وش عليك ابي اختي حبيبتي
حنين : الله يستر
دخلو البنات داخل
خلود : هاه وش تبي عجل علي
ثامر ضحك و ضمها : ابد مشتاق لك
خلود : والله ماني مرتاحة لك
ثامر طلع يضحك و يأشر للعيال 👍🏻
.
خلود : تعالو طلع
فضه : متى بنروح عند الخيول
لين : بعد المغرب
الهنوف تصرخ :وراك وراك نوف
نوف فزت : وش وراي
اشواق : فار فارر هجوو هجوو
العيال يسمعون اصواتهم برا و يضحكون
ام سلطان: اقصري حسك انتي وياها وش ذا الصراخ ؟
لين : يمه فار فار
ام الهنوف: ضحكت كل ذا الصراخ عشان فار ؟
ام اشواق: الوحده  وش كبرها و تخاف من فار
ام سلطان: ادخلو داخل بنادي سلطان ، يمه ي سلطان
صقر : هلا يمه سلطان عند خيله
ام سلطان: تعال تعال شف وين دخل ذا الفار و طلعه
صقر ضحك : ابشري
حنين : كنت حاسه الحيوان ماجاء عبث
اشواق لبست عبايتها : والله ماخليه
ترف : وش بتسوين ياخبله
طلعت اشواق : عمي عمي
معن : وش تبين فيه ادخلي كملي غدنا
اشواق: غداكم اجل ان ماخليت عمي يجلدكم
ابو سلطان: وش ذا الاصوات ، اشواق وش تسوين هنا !!!
اشواق: يرضيك ي عمي ؟ ثامر دخل رمى علينا فار و حاس الغداء
ابو سلطان عصب : ادخلي داخل ، مسك اذنه تبيني امصعها لك !!! متى تعقل
العيال يضحكون عليه
.
.
.
سلطان يمسح على جبين برق : ياكثر شوق لك يا برق
وركب على الخيل و يمشي به بكل جاذبيته و يسرع به
معن دخل عليه يأشر يهدي
سلطان: وش عندك
معن : نتسابق ؟
سلطان ابتسم : من كل عقلك انك انت بتفوز علي و على برق ؟
معن : يلا اتحداك
.
.
.
(مر الوقت على ابطالنا في المغرب )
فضه : فزت فزت تنطنط ههههههههههههه
الهنوف: والله انك ما فزتي انتي و الي جنبك الا بالغش
لين : هي هي ما فزنا الا بجداره
اشواق : لعبتكم والله زي وجيهكم
خلود : امشو نتمشى حول المزرعه
الهنوف: نروح اول شي للخيول بعدها نتمشى حول المزرعه
فضه : تم يلا
لين : انتظرو اعطي سلطان خبر
فضه تهمس للهنوف: تخيلي الحين انتي الي تروحين تعطين الخبر ل سلطان
الهنوف ناظرتها بطرف عين : تبين قبصه ؟
لين : يلا يلا علمته
نوف : مابي بقعد مع امي
اشواق: اول وحده تطلع انتي قدامي يلا
.
.
.
سلطان: لاحد يروح ل اسطبل البنات فيه
ابو سلطان: ليه تخليهم يروحون هناك لوحدهم ؟
ابو الهنوف : خلهم يغيرون جو ماحولهم احد
صقر : صادق عمي محمد
ابو سلطان : يلا قم انت وياه ضبطو لنا جلستين برا لنا و للبنات
ابو ثامر : الجو كويس الحين
.
.
.
فضه : الحين ذول مايسوون شي مابي اموت وانا ماشفت فارس احلامي
البنات قامو يضحكون
لين : مايسوون شي ترا يجننون ، ذا برق حق سلطان
الهنوف : ابي اركبه
فضه تغمز لها
اشواق: فضه انهبلت قبل لا يشوفها فارس الاحلام
تغمزين ل من
ترف : عن الكلام زياد يلا نركب
لين مسكت يد نوف : لا تخافين انا معك
اشواق ركبت الخيل البني : تبون نتسابق
خلود : هدي حبيبتي تحمستي
حنين دخلت بالحصان الاسود
فضه نقزت ورا الهنوف : يمه ذا يخوف
الهنوف: وين الي تبي تصير خياله ؟
اشواق: امحق خياله
لين : تعالو اركبكم انتو بعدين انا اركب ، الهنوف يلا اصعدي ذا حق سلطان
الهنوف كانت شوي خايفه: ي زينه
لين وهي تركب نوف مانتبهت للحصان انه هايج
لين : يلا اركبي
نوف ركبت وهي ترجف
لين : اسمعو تشدونه لين فوق بيوقف معكم
فضه : نسيتيني؟
ماامداهم  يكملون كلامهم  الا و انطق حصان نوف هايج بمعنى كلمه
نوف تصرخ تبكي
فزو البنات خايفين
.
صقر كان قريب بحكم ترك العيال راح يدخن سمع اصوات البنات طار يركض على طول
صقر كان منزل وجهه (صاد ) : شفيكم شفيكم
لين ترجف : الحصان هايج هايج ركبت فيه نوف
انطلق صقر يركب الخيل يسرع به
صقر : نوف لا تخافين تمسكي فيه بقوهه يحاول يقرب من الخيل نقز عليه بحركه سريعه بعد محاولات قدر يسيطر عليه
صقر كان متخدر من شعرها الي جاء على وجهه و ريحه عطرها كانت منتشر وهو يحاول يصرف نظره عنها  شال شماغه وغطاها : تعوذي من ابليس مافيك الا العافية لا تبكين
قربها من عند البنات
صقر : مره ثانيه انتبهو لا عاد تروحون لوحدكم
الهنوف و فضه ركضو يضمون نوف
الهنوف : ي قلبي اهدي اهدي
نوف : شفت الموت شفته
فضه : بسم الله عليك
لين : اسفه والله مادريت انه هايج والله
ترف ضحكت : اوه وش يسوي شماغ صقر عندك
نوف بحرج : يبي يسترني يعني وش يسوي رمته على لين و انتي يا لين لا تعتذرين حصل خير وتوبههه ماعاد اركب
اشواق: اهم شي انك بخير و لحق عليك صقر يلا خلونا نرجع
خلود : لا نعلم احد مانبي يسوون لنا سالفه
( البارت التاسع باذن الله قريب 🤎. )