حبك في قلبي قصيده

البارت(٧)

-بيت الجد-
"استيقظت على رائحه خبز جدتي الذيذ لاطالما احببته منذ الصغر بدا عقلي يتذكر اللي حصل يالله وش سويت انا ؟ لذي الدرجه سالفة محل ابو محمود مأثره فيني" تعوذت من الشيطان ودخلت تتروش ونزلت عند جدتها رجعت بخطواتها للخلف تشوفه صحى او باقي نايم لقته مثل حاله امس ليكون مات ذا !! تشجعت تروح تشوفه بدت تقرب منه وكل ماتقرب دقات قلبها تزيد شافت عليه بطانيه خفيفه ابتسمت من حنية جدتها اكيد شافته وغطته ، قربت منه وعلى حظها فتح عيونه شهقت ورد وعلى طول ركضت الي يشوفها بيقول شافت جني ،
تركي وهو مستغرب: ذي وش فيها تضربني في اليل وفي الصبح كنها شايفه جني وبعدين ليه تفكرني حرامي ماهي بصاحيه والله وضحك رفع عينه لسقف وهو يتنهد تذكر ملامح وجهها تذكر لمعه عيونها من الخوف نفض راسه من التفكير الي يعرف انه بيوديه في داهيه وقام يصلي فاتته صلاه الفجر
.........
الساعه ٩ الصباح تقريبا الكل قايم
في المطبخ ،
الهنوف: يايمه انا الحين انتظر الاجازه عشان انام فالنهايه تقوميني والساعه ٩ ليه ابي افهم
العمه حصه: هنيف الحين عمانك مجتمعين وتبين ترقدين وبعدين مشكلتك اذا انتي تسهرين الين تالي اليل
الهنوف: فيني نوووممممم
وعلى كلمتها دخلت ورد
ورد: يمه الهنوف
الهنوف: هاااا
ورد: وش فيك منسدحه على الدولاب
الهنوف: فيني نوم وطويله العمر ماتبيني ارقد
العمه حصه: ورد وخري شوي
ورد: ياويلك ياويلك
الهنوف: يمه خلااص تكفين
العمه حصه: وش اسوي ذبحتيني ذي المره عفو المره الثاني تشوفين وش بسوي فيك
الهنوف: يالله ياربي
...........
عند خالد مصحصح وفيه نشاط راح يجيب من الفوال فول وعدس وخبز تميس لهم
لقى مشعل
خالد: مشعل ولد
مشعل وهو يلتفت: هلا بأبو الشباب وش الخطه اليوم
خالد: الي تبيه بسويه لك
مشعل: عيال الديره بيجتمعون تروح معي
خالد: تستهبل اكييد معك
مشعل: اجل المغرب عندك
خالد : زين يلا معسلامه
...........
دخل خالد للمطبخ ينزل الاغراض وهو يرفع عينه شاف بنت يحسب انها ورد او ياسمين لانها لابسه جلال ومهب مبينه
خالد: ورد بنت
تصلبت رجل غيدا ارتعش جسمها لاول مره تحس ان دقات قلبها الكل بيسمعها
غيدا تتكلم بثبات عكس الي داخلها: ورد في الصاله
تورط خالد وبدون اي جواب طلع من المطبخ
غيدا من التوتر نست وش كانت تبي بعد دقايق وصلها صوت ابوها وهو يقول غيدا وين الشاهي
يوه نسيييت الله يفشلني هذا وهو بس قال ورد وضعت
طلعت وشافتهم مجتمعين كلهم وهو كان على جواله نزلت الشاهي وكل شوي ترفع عيونها له وهو مو حولها كان يطقطق على فيصل
"غيدا وهي تحاور نفسها ، شفتي حتى مايدري عنك لمتى ؟ لمتى بتجلسين كذا "
خلصو فطورهم
الجد:كثر الله خيركم
الجده: فيه العافيه
تركي: ياجد والله ان حنا مشتاقين للعزبه ماودك نطلع لها؟
الجد: ابد دامكم مشتاقين نروح لها العصر ونمسي فيها يوم يومين ثم نرجع
الكل استانس على الاقتراح الا ثنتين
غيد وهو تشاور الهنوف. يوه تركي والله ما اخليه مره وحده البر وفوقها الابل وذي الاشياء يععععع
الهنوف: ماهمني البر الي همني ان حنا بنكرف ياليل صدق
العمه حصه وهي تتكلم مع لولوه: الا شيهانه وينها ماتجي تفطر ولاسلمت والله انها قليله ادب
العمه لولوه: الله يستر علينا بس ويصلحها
الجد: تجهزو مانبي نتأخر
الجميع : ان شاءلله
بعد ماشالو الفطور وجابو شاهي واجتمعو في الديره طقوس غير لازم يجتمعون في اي مكان وزمان يحبون اللمه الحلوه والسوالف
خالد: جد انا ماني مخاويكم في العصر بروح مع مشعل لعيال الديره مجتمعين وبجيكم ان شاءلله ها الساعه١٠
الجد: الله يحفظك
غيدا تضايقت وماتدري ليه !! وهي تحاور نفسها معقوله ياغيدا وصلتي لذي المرحله ياشيخه خليه ياولي بالطقاق
" ورد ولأول مره تصير هاديه من الموقف الي صار امس متفشله وزاد الفشيله الصبح ياويلي صدق "
العمه لولوه وهي تتصل على ولدها ناصر
ناصر : ارحبي
العمه حصه: البقى يابوي وينك فيه
ناصر: في البيت تبين شي لين فيها شي ؟
العمه حصه: لا بس اسأل واسمع ترا العصر بنروح للعزبه يقول ابوي الكل يجي
ناصر: ماقدر اجي صار لي شغله ولازم ارجع لرياض اخلصها ثم بجيكم ان شاءلله
العمه حصه : الله يحفظك يارب  ، وقفلت الخط