الجمعه
-الساعة ٤:٤٥-
في صباح احد المُدن
نهض من فراشه متشأم وواضح انه ماله خلق شيء مع هالصبح متجه للباب وبقوه فتحه
:لعنه يعني انت كل مارحت البقاله مريتني حبيبتك أنا ؟
بضحكه : اقول بروح ارجع الاغراض لامي جهز السوني ويفضل مع سناكات واشياء حلوه
رفع الغاضب حاجبه: يلعنم الزقاقه تراك ماتعرف تلعب تجي تاكل وتوصخ اليد وتمشي يعني منت خصم جدير بالنزال
ضحك بخفه المقصود: نواس والله انك كذوب اني اجي اكل واوصخ اليد وادعسك
وسع نواس عينه بصدمه وفتح الباب وسحبه وراه
فهد: ولد اصبر برجع الاغراض لامي
قال نواس وهو ماسكه: معليك ماحنا مطولين
دخلوا غرفة نواس ولفت انتباهه الفوضى العارمه واكياس المطاعم المرميه على الارض
دخل نواس يشغل السوني الطايح على الارض
كشر فهد بقرف وهو يطالع بالارجاء: الله يلعن ابليسك ياوصخ ذا الكيس المرمي لي ثلاث اسابيع اشوفه بنفس الوضعيه
نواس ضحك وبانت اسنانه البيضاء: اقعد اقعد بس
قعد فهد جنب نواس على الارض مقابل شاشة السوني وجلسوا يلعبون
-الساعة ٦:٥٤ م-
انسدح فهد على ظهره بتعب: الله يلعنك انت وتشكيلتك
نواس بقهر: قيم ثاني وش ذا ما ارضى بالتعادل انا
فهد طالع بساعته وشهق:
ياكلب نسيت الاغراض بسبتك شف الساعه
نواس بعدم اهتمام: يويلك من عمتي
وقف فهد واخذ الكيس وطلع يركض راجع لبيتهم
بعد خروج ولد عمه طفى نواس السوني ومسك جواله وانسدح على سريره بارهاق لف على البرامج ونزل كم ستوري وتغريده
وقرر ينام رمى الجوال جنب راسه بس لفت انتباهه صوت اشعار
بتأفف: يالليل نسيت اطفي الاشعارات
دخل على الرساله وعقد حاجبه من الغريب اللي مرسل له على الرغم من انه دايم يرد على تغريداته وستورياته بس مع ذلك مازال غريب
ماطال شروده لان المرسل حذف الرساله
نواس بغضب سجل فويس: ياورع اذا ناوي تحذف لاترسل من البدايه
رد الغريب: كلزق كتبت الرساله وانا مستعجل وكلجت
نواس بانزعاج: طيب وش عندك
الغريب: ماعندي شيء بس كنت ارد على ستوريه نزلتها انت
نواس وهو على حافة انه ينام كتب له : طيب
قفل جواله ونام
-
اليوم الثاني الساعه ٨:٤٥
صحى على ازعاج واحد يدق باب غرفته
قام ونفسيته ضاربه يغسل وجهه ويفرش اسنانه
غير ملابسه وفتح الباب رد بصراخ: كسر ياحيوان
ببراءه جاوب عليه الطفل: جده تقول تعال افطر
نواس شال الطفل متوجه للصاله لافت انتباه الجالسين بدخوله
الجده بنتقاد: لا كان نمت لين بكره
نواس وهو يجلس على الارض حول الفطور: شدعوه الواحد ماينام
ردت اخته: ينام بس مو نص اليوم نظم وقتك شوي يعني
تجاهلها نواس واخذ خبز وبدا يفطر: وين زوجك انتِ
بعد ما اخذت اخته ولدها منه بدت توكله:
حطني وراح شغله
نواس باستغراب: طيب وين يوسف
جدته: راح يقضي مشوار ويجي
رد نواس بتفهم: اها
قام نواس يغسل يده راجع لغرفته بس استوقفه
نداء جدته: تعال توك طالع منها اجلس سولف معنا
مابغى يكسر خاطرها ورجع جلس بين جدته واخته وصب له شاهي
اخته: مخططين نروح الرياض تجي معنا ؟
نواس شرق بالشاهي وقال بسرعه: دقيقه جود انتِ وزوجك ؟
ابتسمت جود بخفه: اي, بنروح نزور اقاربه فالرياض ومنها نتمشى
نواس بحماس: اي معكم معكم هنا الوضع فكك
متى أجهز شنطتي بس؟
جود: هاليومين
