هنا رانا مع فتاتنا الجزائريه , رافده الكابه وتتزعبل بيها اسهل مهمه منذ بدايتها كي كان عمرها ١٨ سنه . مع الي جات خارجه وقف قدامها راجل : انت . جاي طويل سمر ، شعرو كحل فحمة وناعم ويشبه للمافيا نتاع المكسيك . حتى لقاتو زادم عليها وبيديه سكين . واش بيه هاذا ، رمات الكابه وهو طاح عليها بذاك السكين ناوي يقتلها : دمرتيلي حياتي واليوم جا الوقت تموتي على يدي. _ اصبري فهمني اشكون انت قبل ؟؟؟ جرات تخبات ورا الطابله باش تخرج المسدس بصح مالقاتو يالزحي على الزهر العوج لحق ليها ، كانت تعرف تدير حركات الكاراتيه تسلك راسها بصح ماشي محترفه . كيفاش مازالها ا عايشه؟؟؟؟ : اصبر نفهمك راك غالط . _ لا ، انت هي الي كنتي في العرس نتاعي في المكسيك العام الي فات . ايه هي صح كانت في عرس بالمكسيك بصح ماكان مادخلها ، السيد مقنوط والدموع يسيلو : سممتي زوجتي وعيلتي ، علاش قوليلي علاش . _ والله ماعلابالي واش راك تقول ....اه . عيطت كي جا يضربها بالخنجر ، مزيه ضرب في البوغتابل الي يدها . ناض الراجل هاذاك عاطالها بركله هرسلها الكرش . عيطت وطاحت في الارض . عنف ضد المراة .
_ خلاص وقتك . قال الراجل هاذاك ورمى عليها السكين . بصح هي رفدت الحقيبه هاذيك ، مع الي ضرب فيها السكين رجع ليه ودخل في رقبتو . شد رقبتو وتلوى على الارض وهو يموت . ايه صحا تفكرت علاش مازالها عايشه عندها الزهر يطرطق الحجر . 💙 نرجعو لتانجرين رجع لصاحبو باش يحكيلو على واش صرا . لقى صاحبو مخلوع ومن وجهو عرف بلي مشكله صرات : واش كاين ليمون ؟؟؟ _ رحت للتوالات رجعت ...... القيتو ميت . واشر للروسي هاذاك . خزر فيه تانجرين ، لقى الدم يخرج من عينيه ، المصايب طاحو عليه في يوم واحد شد راسه ، ذوك واش يدير . _ اسمع ..نحوسو على الحقيبة. ونوصلوهالو ....اومبعد نشرحولو انه وليدو مات . قال تانجارين ووجهو حمار من الوضع الي راهم فيه . _ كيفاش هاذي ..نحوسو على الحقيبه؟؟؟ _ بسباب ذكاءك وفطنتك . قالو تانجرين. 💙💙💙💙💙💙💙 تانجرين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
