🏮🌙رمضان كريم🌙🏮
❗️ممنوع النشر إلا بعد إدني❗️
☆أَتاني هَواها قَبلَ أَن أَعرِفِ الهَوى فَصادَفَ قَلباً خالِياً فَتَمَكَّنا ..☆
قال .. دعينا نقتدي برسولنا دعي قلبك بين يدي خالقك أثق أنك لي وأثق أن الله لن يخيبني...
فردت .. يا ا...
في وسط مدينة الرباط وبالضبط في حي من الأحياء العادية كانت واحد الدار محلول بابها وضياف داخلين خارجين وسط الصالون جالس بكل هبة هو وعائلتو البسيطة مو وباه باينة الجلسة تاع الخطوبة كان الورد فوق الطابل والحلوة وأتاي وعائلة العروسة جالسين وجنبهم العروسة
عبد الودود (أب العريس) : إيوا أسيادنا اليوم جينا طالبين راغبين فيد بنتكم جهينة الولدنا على سنة الله ورسوله
محمد (بابتسامة) :حنا يشرفنا نتناسبو مع عائلتك السي عبد الودود وعارفين سمعة ولد عبد الهادي مزيان لكن الري وشوار تاع البنت
عبد الهادي (بضحكة) : موافقة أعمي غير نقراو الفاتحة
جهينة(نقزت فرحانة) : اه أبابا موافقة
كلشي بدا يضحك على هاد الهبيلين للي زربانين هزو كفوفهم يقراو الفاتحة تا فجأة انفجار قوي وقع على إثر صوت الإنفجار فاقت تسنيم قافزة من هاد الدكرى للي حلفات متفارقها جلسات تترد النفس دموعها نازلين باللاشعور
تسنيم : مكانش خاص نبقى كان خاص نمشي معاكم ونموت تم 😭
بدات تتغوت وتندب نتفات راسها جاتها هستيرية مقدراتش تحبس راسها الدقان في الباب تاع دارهم على الجهد وهي مكيناش هنا مزال تغوت مكرهاتش تموت وتهنى
كتر الدقان حاولات تهدن من نفسها مسحات دموعها مبغاوش يتحبسو دخلات الطواليط غسلات وجهها مسحاتو عاد جمعات شعرها تنهدت وخرجت تتجر فرجلها .... حلات الباب بضجر الدقان ضرها فراسها لقات أمامها هدى ومريم وجههم بيض بالخلعة هزات عويناتها الدابلين فيهم
تسنيم : خالتي هدى كي دايرة لباس علك ونتي أمريم لباس تفضلو دخلو غتبقاو في الباب (بعدت من الباب باش يدخلو)
مريم (بهلع ) : واش نتي بيخير
تسنيم رغم حزنها وهمها حاولات تبتاسم قدر الإمكان تغطي على حزنها الدفين
تسنيم (بابتسامة ودودة) : الحمد الله متخافيش أنا بيخير
هدى (قربات حطات يدها خلف ضهرها تتمررها) : متأكدة أبنتي راه سمعنا غواتك من الدار (جراتها دخلو عنقتها) مالك أبنتي شنو عندك نتي راه فحال بنتي مريم عاوديلي
تسنيم دموعها فاضو مقدراتش تحبسهم يمكن هدى حطات الملح على الجرح انهارت من أول وجديد
تسنيم (برجفة في صوتها) : عيت أخالتي بزاف مقادراش نعيش بلا بيهم
هدى بعدتها من حضنها تتمسح فدموعها جرتها جلسو في الصالة جلسات تا مريم جنبهم ضمات يد تسنيم بزوج عندها بدات تدوز بحنية على يدها
هدى : بنتي أتينيم نتي قارية كتاب الله وعارفة بينك وبينو هادشي للي تديري فيه را مخالف لشنو وصانا الله
تسنيم : عارفة لكن مقادراش عيت بزاف كون غا مت معاهم
هدى : متقوليش هوكا (تنهدت) سمعيني أبنتي نتي عارفة بللي ربي متيدير لينا غا للي فيها الخير لقوله عز وجل ^ قُل لَّن يُصِيبَنَا إِلَّا مَا كَتَبَ اللَّهُ لَنَا هُوَ مَوْلَانَا ۚ وَعَلَى اللَّهِ فَلْيَتَوَكَّلِ الْمُؤْمِنُونَ ^ ومتنسايش أن هذا عمرهم وقدر الله ما شاء فعل تسدي على راسك وتبكي وتوصلي الهاد الحالة راه مغيرجعوش الحياة غير غتضري راسك وغتضريهم غير نتي غتضري في صحتك وهما في قبرهم مغيرتاحوش نتي بغيتيهم يتعدبو
....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
