كل الامان في حُبك وكل الاماني قربك

B 12

بعد اسبوعين وفبيت ابو سلطان تحدَيَداََ :
ام سلطان : هاليوم انا عازمه اهل الجوهره
سعود : ي جده وش تبين فيهم ليه تعزمينهم
ام سلطان : يوليدي بنتهم جايتن من السفر لازم نسلم عليهم وناخذ العلوم و الاخبار
وليد : وحنا شدخلنا ف بنتهم
سُميه : لا اله الا الله تسألون واجد ترا رمضان طبيعي بنعزم الناس عندنا يجونا و نجيهم وبعدين اهل البنت مو غريبيين
وليد : طيب طيب
همس سعود ل وليد : يويلنا لو يدري سلوم
وليد : امشي نعلم خليف
خرجوا وليد و سعود يعلمون خلف
خلف : علامكم تركضون؟
وليد : تخييلل
سعود : اهل فراس بيجونا
خلف : المطلوب؟
وليد : يي خلللييفف اقولك اههلل فراس اختهه
خلف : ابن ابوي صدز وش جابهم ذول
سعود : جدتي عازمتهم و تقول بنتهم توها راجعه مدري وشو
خلف : طيب عادي خلهم يجون م عليه شي سالم ترا عاقل و يدري
وليد : بنشوف طيب اذا م انخبل الولد م اكون انا وليد
دخلوا العيال للمجلس و جلسوا كلاََ منهم على مكان وكلهم خايفين على سالم وش بيصير فيه لو يرجع يذكر الجوهره وهو ذي الفتره كلهاااا ناسيها تماماََ
سالم : وش علتكم انتم؟
سعود : ااا ابد سلامتك والله
سالم : سعيدان!!
سعود : لا تناظرني اقلك م صار شي علامك انت
سالم : اي زين
-
و العـصريه فبيـت ابو سلطان بـقدوم الجوهره و ذياب و أهلها :
ام سلطان : يمرحبا يمرحبا
ام فراس : يهلا فيتس يخيتي
ام فهد : توو م نور البيت والله
كانوا كل العائله متجمعين ب الصاله
ام فهد : ادخلوا ادخلوا
دخلت الجوهره و امها وكان ذياب منتظر ب الخارج م يبي يدخل يتسبب في مشاكل و غيره
وكان سالم منسدح على الكرسي يطقطق ب جواله م يدري انهم جو و العيال كلهم عنده خايفين يصير شي
ام الهنوف : قوموا قوموا ققامت عليكم القيياامهه جالسين هناا و الناس جوو
رفع سالم حاجبه ب استغراب : وشو ناس بعد
ام الهنوف : اهل فراا..
تدخل سعود علطول وقال : قم قم امشي
سالم : فرااس؟؟
ام الهنوف : ايوا قوموا حركوا للمجلس بسرعههه
عبدالرحمن : ان شاء الله ان شاء الله
طلعوا العيال مسرعين للخارج و طلع سالم من الباب الخلفي وكان منزل راسه وهو يلعب ف الجوال و العيال كلهم وراءه م كمل مشيته الا و يضرب كتفه بكتف ذياب بدون م يحس رفع راسه بغضب : وجع
ذياب : وشو وجع م تشوف انت قدامك
وكان سعود من وراء يسوي حركات يوضح ل ذياب ان خلاص خله و امشي وكان سالم ف صدمه م بعدها صدمه : انت وش تسوي هنا؟
ذياب : ابد والله زوجتي داخل ونا جاي معها
م كملوا كلامهم الا و يسمعون صوت الجوهره الي من داخل وهي تقول : ي ذيااب
مسك خلف يد سالم بقوه و سحبه علطول للمجلس
جلس سالم على الكرسي وهو مو مستوعب الي سمعه للحين هالاسم يترادد ب اذنه ( ي ذيااب و بصوت الجوهره )
ذياب بـعصبيه : م تستحين انتي تنادين و العيال برا
الجوهره : م دريت انهم هنا
ذياب : عاني ثاني مره قبل لا تنادين
نزلت الجوهره رأسها وقالت : طيب اسفه
رفع رأسها بشويش و ابتسم : م عليتس اللحين ادخلي و لاتنعااد سامعه !
الجوهره : ابشر
-
عبدالرحمن : سس..لوم؟ فيك شي؟
سعود : انساها يخوك خلاص
فتح وليد عيونه بصدمه وقال : ليه انت بعدك تحبها؟؟؟
ناظره سالم وقال بكل حزن ابيات تعبر عن حالته حالياََ
" ان قلت ضايق قال هونها تهون
ما يدري ان ضيقتك له و بكاك له
تقعد تحبه وانت ساكت و مغبون
يمكن بيوم يقال له مااوفاك لهه "
قرب فهد من سالم وجلس جمبه وهو يقول : سالم الله يهداك وانا اخوك لا تسوي بعمرك كذا خلها تولي انساها امسحها يخوك البنت تزوجت صارت ل غيرك خلاص انسااهاا
وليد : خلاص فهد لا تضغط عليه انت الثاني
-
ام فراس : شخباركم عساكم بخير
ام خلف : الحمدالله تمام
-
عند البنات :
اريام : ايوا شلون السفره ي الجوهره
الجوهره : واذا مو اطلق سفره مع ذيابي بعد
فتحت اميره عيونها بقهر وقالت : ذيابتس اجل اعنبوا دراتس تقولين تسذا
سُميه : ياعذاب قلب اخوي عليتس ونتي تقولين بكل برود ذيابي
عائشه : حرام عليتس ي الجوهره تسوين ف الولد كذا مشاعره طيب ارحميه يوم انتس م تبينه قولي له خلاص م ابيك لا تسوين فيه كذا عيب عليتس والله كسرتيه وكسرتي قلبه معه
الجوهره : انتم كلكم تدرون اني كنت احبه بس خلاص شسوي تزوجت لين متى احبه ؟
اميره : كنت ؟ انتي الصراحه مدري وش اقولتس غير اللهم اني صايم
بيان بغضب : بس خلاص انتم! كلكم عليها خير ان شاء الله وهي صادزه البنت تزوجت خلاص
دخلت عليهم ام سلطان : قوموا تعالو نتجمع ف الحوش
انفال : من ومن؟
ام سلطان : كلنا الحريم برا
البنات : ان شاء الله أن شاء الله
خرجوا البنات للحوش وكانو متجمعين زي كل جلسه مع بعض
-
وليد : شايل هم سلوم ياخي
عبدالرحمن : كلنا شايلين همه اسكت بس
كانو كلهم جالسين ب الحوش م حسو الا وهم يسمعون ضحكات سالم الي من داخل المجلس تطلع
ابتسم فهد وقال : الله يريّح بالك يخوك
خلف : امين يارب
عند الحريم
ام فهد : علامه المخبول يضحك تسذا
ضحكت ام فراس وقالت : مخبول مره وحده
ام فهد : استغفرالله
ام فراس : ماشاء الله انخطب فهيدان من باقي
ام فهد : باقي سالم و سعود بدور لهم م عليتس
فزت الجوهره يوم سمعت ام فهد وهي تقول بتدور لهم
ضحكت ام سلطان وقالت : من بياخذهم ذول
ضحكت ام فهد : ملايين يتمنون عييالليي جمال و كمال و هيبه و كشخه و رجوّله وكلشي
ام خلف : انشهد بكل حرف قلتيه
ام فهد : يابعدي
عند العيال
ضحك سالم وهو يتكلم ف الجوال مع اخوياه : ي بعدي والله
سعود : علامه ذا
فهد : يكلم اخوياه وشو علامه
بعد المغرب :
ذياب بصوت عالي : ادخلل؟؟
رفع عبدالرحمن حاجبه ب استغراب : وش علته ذا جاء
سعود : يوهه يقهررر
ضحك وليد وقال : استغفرالله العظيم
خلف بنبره حاده : ادخلل محد
وعند سالم الي كان عند خالاته يسولف ويضحك
ضحك سالم وقال : يمه ياايمه دوري لي البنت الي تستاهلني و استاهلها
وقفت ام فهد : صدزز ؟؟
سالم : ايوا صدز خليني اخلص و القى لي وظيفه و ان شاء الله تشوفين احفادتس يركضون عندس
انقهرت الجوهره وهي تسمعه من برا متحمس للزواج و يبي امه من لحين تدور له ولاكن م تقدر تسوي شي لأنها تحب ذياب !!
عند البنات الي ف الصاله
سُميه : علامس مقهوره ي حياتي تراه بيتزوج تحسبينه بيحرم عيشته عشانس؟
اميره : صح لسانتتسس بنتت اخويي
ضحكت سُميه بغرور وقالت : اي والله هذا الناقص بعد
الجوهره : الله يوفقه و يكتب له الي تناسبه
عائشه بحركات استفزاز : ااممييينن اممييييننن
ام سلطان : وش علتكم انتم وش ذي الحركات ؟ تقهرون بعض ف وشو مصيّركم كلكم تتزوجون
الجوهره بِغرور عشان تقهرهم : يالله ذيابي منتظر سلاام
ام سلطان : لا اله الا الله محمد رسول الله
ام فراس : بنت ! تراتس مب فبيتس تسوين تسذا الزمي حكيتس
تنهدت الجوهره بقهر وقالت : يمه تكفين لعبوا ب اعصابي
ام فراس : روحي روحي الولد منتظر
تقدم ذياب و مسك يد الجوهره و ركبوا للسياره
وفـبيت ذياب و الجوهره :
اخذت الجوهره جوالها بعد م شافت امها متصله عليها
ام فراس : اسمعيني ي بنتي
الجوهره : سمي يمه؟
ام فراس : إذا مشينا لعند بيت ابو سلطان ذي الحركات انا م ابيها ذيابي ومدري وشو نعنبو دارتس استحي على عمرتس تنادين رجلتس كذا عند خلق الله
الجوهره : تعودت خلاص
ام فراس : لحقتي تتعودين؟
الجوهره : خلاص يمه ان شاء الله بس تامرين على شي؟
ام فراس : سلامتس
طفت الجوهره جوالها و راحت لغرفتها وهي تشوف ذياب منسدح على السرير يطقطق على جواله قربت و انسدحت و هي تغطي نفسها ب الفراش : ذيابي
فز ذياب على صوتها وقال : عيون ذيابتس
ابتسمت الجوهره وقالت : بتنام ؟ ولا مطول
ذياب : اي والله بنام
الجوهره : اجل يالله نوم الهنا
قرب منها وهي تحس ب ايدينه الي تحاوط خصرها وكان محاصرها تماماََ وكانت في قمة الخجل منه مسكت يده وهي تحاول تفكه من خصرها : ذيياابي بس !
ذياب بخبث : وش فيتس يااروح ذيابتس خلينيي
كتمت الجوهره نفسها وهي خجلاانه منه !!
غمضت عيونها و م حست الا ب ذيابها الي قرب منها و باسها على ثغرها بهدوء و ابعد عنها
خمس دقايق و وخرت الجوهره الفراش عشان تاخذ نفس لفت تعاين ذياب و لقته حاط راسه ونام ابتسمت و حطت رأسها ونامت
-
عند بيان و الخلف ف الغرفه
بيان : اهخ ي خلف موو حااسسه بنفسي بموووت بطني يعورنيي
خلف : اسم الله عليتس امشي اللبسي اخذتس للمستشفى
وقفت بيان تلبس و ركبت للسياره مع خلف
بعد م وصلوا للمستشفى
اتجهت بيان لـقسم الحوامل تفحص و خلف منتظر ف الخارج وكان في قمة التوتر و الخوف
داخل عند بيان
قربت الدكتوره وهي تحط الجهاز على بطن بيان تفحص ابتسمت الدكتوره وقالت : عندتس عيال من قبل؟
بيان بخوف : لا ليه؟
الدكتوره : ابشرك انتي حامل
فتحت بيان عيونها بصدمة و فرح : منننجدس!!
ضحكت الدكتوره وقالت : ايوا مبروك الحمل
خرجت بيان وعيونها كلها دموع انخرش الخلف وهو يحسب ان بيان فيها شي وهي ضامته وهو يحس بدموعها على ثوبه : بيياان وش فييتتس !!!!
بيان بصوت متذبذب : خللففف بتصييرر ابب
انصدم خلف وهو يسمع : و..وشوو؟
بيان : انا حااملل
وخر خلف وجهها من ثوبه وبدأ يمسح دموعها وقال : ياعين ابوي انتي الحمدالله احمدي ربتس ليه تبكين
بيان : دمووع فرحح فرحح
ضمها خلف بقوه وهو يحاول يخفي دموع الفرح الي تنزل منه : الله يديم الفرح علينا ي بعد هالدنيا
مسك خلف يدها و أخذها للسياره وهي م زالت تصيح مو مستوعبه انها بتصير ام !
و فـ البيت
خلف : الحين صدز بصير اب ؟
ضحكت بيان و عيونها كلها دموع : اييهه ي خلليف القلبب ايهه
قرب منها خلف وهو يمسك خصرها بقوه و يشدها عليه وباس مبسمها بـكل حب يوضح مشاعره و حبه لها : يياقلب الخلفف و دنييته انتيي الله لايحرمني منتس
بيان ب احراج : يحبيبي والله
ابعدت بيان عنه و اخذت جوالها تكلم امها : ألوو يمهه
ام عامر : بسم الله وش فيه صوتس تسذاا لايكون خلف مسوي شيي
ضحكت بيان وقالت : اافا يمه وش بيسوي يعني
ام عامر : علامتس؟
بيان : يمه انا بصير امم
فزت ام عامر بكل فرح : صصاااددززهه ي بنييتتييي
بيان : اييهه يمهه توني راجعه من المستشفىى
ام عامر : ماشاء الله ماشاء الله خلف دراا؟؟؟
بيان : ايوا يمه رحت معاه يعني مع من بروح
ام عامر : ي حبيبتي يايمه الله يديم الفرح عليكم
بيان : امين يارب اميين
قفلت بيان الخط وراحت تبدل ملابسها انسدحت على السرير تنام و دخل عليها خلف ابتسم وهو يشوفها نايمه بكل برائه قرب يبوس رأسها و يحمد الله على كلشي و حط راسه و انسدح !.
وعنـد البنات ب الغرفه :
عائشه : يبنات امشوا ناكل قبل لا يأذن الففجرر
اميره : روحي انتي و سميوه و جيبو لنا
سُميه : لا يعيني خدامات تحت رجولتس ويش
عائشه : بس خلاص انا بجيب لتس
اميره : كفو عواشتيي
ضحكت عائشه وقالت : كفوتس الطيب
-
اليوم الثاني تحديداََ فبيت ابو سلطان
صحى خلف و تلفت يدور على بيان و استغرب انها مو موجوده قام و لقاها مجهزه ثوبه و شماغه وكلشي اتجه للحمام ( يُكرم القارئ ) يبدل ملابسه طلع للصاله عند العيال
سعود : ي مرحباا يمرححبباا
ضحك خلف وقال : تبقى يخوكك تبقى
طلع للحوش واستغرب ان كل البنات موجودين الا هي ! همس ل اميره وقال : وينهي بيان؟
اميره : مدري والله قبل شوي راحت
رفع حاجبه ب استغراب وقال بعصبيه : راحت ؟ و بدون علمي ؟ ومع من ؟ و وين ؟
اميره : ونا شدراني احسبك تدري
دخل خلف و اخذ جواله اتصل عليها و كان واضح من صوته الثقيل انه معصب : بيان؟
بيان بخوف : ه..هلاا
خلف : وينس فيه طالعه بدون علمي؟
بيان : م رحت مكان عامر اخوي جاني و رحت عند اهلي لا تخاف
اخذ نفس عميق وقال : ليه عامر ؟ انا اقدر اخذتس
بيان : لقيتك نايم ومابي ازعجك قلت لعامر يجي وبس
خلف : حصل خير ان شاء الله
قفل خلف الخط و اتجه للحوش وهو على اعصابه
-
وعند اهل عامر :
عامر : وش فيه ؟
بيان : ابد يسأل
ابو عامر : ونتي الله يهداس تطلعين بدون علم زوجتس م يصير كذا ونا ابوتس
بيان : شسوي يبه لقيته نايم وخفت ازعجه و بعدين عادي يعني كلها بيت اهلي و عامر اخوي
عامر : قلنا بيت اهلتس و اخوتس انا لو ادري انه هو م يدري كان م اخذتس هههههههههههههههههههههههههههههههههههههههههههههههههههههههههههههه
بيان : المهم رجعني البيت بس
ام عامر : بدري يابنتي
بيان : وين يمه واجد جلست والله يفصل عليي
ام عامر : طيب ي حبيبتي روحي و انتبهي لنفستس
بيان : ان شاء الله
ركبت بيان السيارة مع عامر
عامر : انزلي يالله وان بغيتي شي علمينا خوانتس حنا
بيان : م عليك خلف مو مقصر معاي
عامر : اي زين
نزلت بيان و اتجهت تفتح الباب
ام فهد : من جاي هالحين
ام سلطان : قم ياخلف شف
خلف : سمي
اميره : اللهم اني صايمه بس
قام خلف و فتح الباب و لقى عامر و بيان قدامه و لف ل وراء و أشر للبنات ادخلوا ادخلوا داخل
دخلت بيان و دخل عامر بعدها سلم و طلع
قربت بيان و جلست جمب الخلف قام خلف و اتجه للمجلس وكانت بيان مستغربه من حركاته الغريبه
اخذت جوالها و ارسلت له : خلف وش بك ؟
رد عليها : سلامتس
ردت عليه : اطلع طيب علامك دخلت و العيال كلهم ب الصاله
ضربت اميره كتف بيان كـمزح : وش تسوين
بيان : اكلم خلف وش اسوي بعد
طلع خلف من المجلس : اميروه قومي قومي اذلفي هناك
ضحكت اميره وقالت : لازم جمبها يعني ؟
بيان : اييه لازم
قامت اميره وجلست جمب البنات يسولفون
همس خلف ل بيان وقال : علمتيهم ولا بعدس ؟
بيان : لا الحين بعلمهم
خلف : اي زين
ام سلطان : وش عندكم يالاثنين
ضحكت بيان وقالت : عندنا بشاره
ام خلف : بشري بشري الله يبشرتس ب الجنه
بيان بكل فرح قالت : احب أقولكم اني حاامل
اميره : ااماننهه
ام خلف : مبرووك يابنتي مبروكك
انفال : اوف اوف يعني خليفف بيصير اب
ضرب خلف كتفها : ايه ايه هههههههههههههههههههههههههههههههههههههههههههههههههههههههههههههه
عائشه : مبروك مبروك
ام سلطان : مبروك ياعيالي تستاهلون كل خير
خلف و بيان : الله يبارك فيكم
ضحكت انفال وقالت : تبون ولد ولا بنت
خلف : الي يجي من الله حياه الله
بيان : صح
ام خلف : اي زين انتبهي لنفستس ولا تلبسين ذي الكعوب الطويله مو زينه
ضحكت بيان وقالت : ان شاء الله أن شاء الله
-
بعد أذان المغرب و بعد م تفطروا و خلصوا دخلت بيان الغرفه وكان خلف هناك قالت بهدوء : خلف انت الحين زعلت مني يوم رحت و م قلت لك ؟
خلف : م زعلت ياعين ابوي بس كيف تطلعين بدون علمي حتى لو اني نايم صحيني قولي خلف خذني عند اهلي انا من قبل رفضت لتس شي عشان تقولين ل عامر يجي وش فايدتي إذا الوضع بيكون كذا
بيان : تدريي والله كنت ناويه اقعد عندهم ييوميين بس عشانك رجعتت
فتح عيونه بصدمه : يوميين ي الملعونه استغفرالله تبين تجلطيني
ضحكت بيان : اي يومين بعدين عادي اهلي وش بك كذا مكبر السالفه
نطق خلف بِحدة : وش ذنبي اذا مابي اخليكم !!!!
ارتعبت بيان من نبرة صوته وقالت : تخلينا؟ وش تخلينا
قرب خلف سحبها عليه وهو يأشر على بطنها بهدوء : انتي والي فبطنتس ابيكم اناا
اخذت بيان يده وحطتها فوق بطنها وحطت يدها فوق يده الداافيه الي تلامس بطنها وهي تحاول تملك دموعها من خوفه عليهم قالت بهدوء : م راح تخلينا و حنا م راح نخليك بس هم اهلي ف الاخر ياخلف لازم كل أسبوع اروح لهم اشوفهم
ابتسم خلف وقال : انا م قلت لتس لا تروحين بس وش ذنب قلبي الي يحبتس و يخاف عليتس ولا يبي يتركتس تبين تروحين عند اهلتس حاضرين من عيوني انا اخذتس م يحتاج احد يجي وانا موجود
ابتسمت بيان ابتسامه خفيفه وقالت : حصل خير ان شاء الله
-
و فبيت ابو فيصل :
ديم : يمه انا اليوم ناويه اروح عند البنات
ام فيصل : تمام ي حبيبتي روحي
فيصل : اي بنات ان شاء الله ؟
ديم : بيت ابو سلطان من بعد !
ام فيصل : روحي م عليتس منه و سلمي لي عليهم
ديم : ان شاء الله يمه
-
و فـبيت ام سعد :
سعد : يمه حددتوا زواجهم؟
ام سعد : ايه يايمه م بقى شي احنا هالحين نجهز كلشي
ريهام : ييمهه ي التوترر
سعد : إذا انتي من لحين متوتره وش بيصير لو تزوجتي
ريهام : المشكله ي سعد اني م اعرف الفهد و شخصيته كيف و هذا زواج اهل من الأساس
سعد : الله يهداتس ونا اخوتس اعرفه انا و ابوي يعرفهم يعني بنزوجتس رجالاََ مهوب زين ؟ تتعرفين عليه أن شاء الله و ترتاحين له
ريهام : ان شاء الله
ابتسم ابو سعد وهو عند الباب يسمع سعد وهو يرفع معنويات اخته
-
.
.
.
-
بعد انقطاعهم لفتره طويييله تقريبا و فـبيت ابو سلطان يجهزون ل عرس الفهد و ريهام
ابو فهد : تعااالل هننااا جعلكك ال مانيب قااييل
سعود : ييووهه يبه خلاص تكفى تعبتت
ابو فهد : امسسكك زيي النااس لا تخليني افصلل عليك
انفجر سالم ضحك من شكل سعود و ابوه : اخخ يربي
ناظره ابو فهد بنظره حاده : تعال هنا تعال
سالم : هااه وشوو
ابو فهد : ااقولكك تعال م تسمعع
ناظر سالم ل وليد وهو يحاول احد يطلعه من المشكله الي طاح فيها
ناظره سعود نظرات استفزاز وهو يرفع حاجبه : هههااهاي ثاني مره لا تقعد تضحك
سالم : اللهم الصبر بس
ابو فهد : ايه ايه ادعي ادعي الله يصبرك
-
وعند بيان الي ف غرفتها كاشخه ب الفستان الي لونه احمر و عليه ريش من على الصدر و الكعب الأسود و جمالها الي عجز الكل عن وصفه
-
و اميره و انفال لابسين فساتين طقم باللون السماوي و شعرهم مفتوح و مكياج خفيف
-
و ندى لبست فستان لونه وردي فاتح و سوت شعرها ويفي وكانت في قمة الجماال
-
و اخييرااََ الجوهره الي بكامل زينها جت وهي لابسه فستان لونه اسود على كعب لونه فضي
-
بـعد المغرب و بعد الفطور : و بدأو المعازيم يجون كلهم جميع أقاربهم من بعيد و قريب الاغلب من طرف الفهد و الاغلب من طرف ريهام
عند ريهام الي كانت في كامل زينها و كشختها وكانو البنات كلهم عندها يعدلون شعرها و مكياجها و يحطون لها اكسسواراتها و الكعب و غيره من ذي السوالف
و ف المجلس عند الرياجيل الي متجمعين حول الفهد الي يعدل له البشت و الي ينقي له العطر و الحذيان و غيره
وعنـد بيان الي كانت نهاية الشهر ال ٧ دخل عليها خلف الي كان كاشخ و باين عليه هيبته من مشيته و حلاوته و طوله و ضخامته لقى بيان عند المرايه تعدل مكياجها وكانت لابسه فستانها الأحمر
و تخدر من جمالها الي لا شافه ضاع مخه وقال بكل حب
" يا فاتنة الحُسـن اٍن الحُسـن يآسُرني
كالبدرِ وجهتس والعينّين تسحُرني "
فزت بيان وابتسمت و بانت غمازتها الي تقتل الخلف : صصحح لساانك ياحبيبيي
قرب منها و باسها على غمازتها وقال : وش ذا الززين
بيان وهي مشغوله تسوي شعرها قالت : ونت بعد وش ذاا الززيينن
خلف : الاحمرر ذبحنييي
بيان بـ احراج : خلييف خلااص رح عند الرياجيل يالله
خلف : شورس معاي بعدين اصبري بس
طلع خلف مسرع من الباب الخلفي و اتجه عند الرياجيل
ابتسمت بيان وهي تشوفه طلع ركض : استودعك ربي
-
سعود : سلامات وينك مختفي؟؟
وقال خلف بكل حُب ابيات لـ حبيبة روحه
" صحيح غيرها في العذارى مزايين
لاكن وش جاب النجوم لقمرها ؟
ياسعود والله مابعد زينها زيين
انا اعتبرها عبرتن من عبرها
جمالها ؟ يرجح بكل الموازين
ومن الجمال ؟ الناس تلفت نظرها
ومن زينها ؟ كن العذارى مجانيين
انشهد ان الله عليهن ومرها "
سعود : صح لسانكك ي شاعرناا وبعدين وين طررت انتت علامك المدام لعبت ف حسك ويش
ضحك خلف وقال : اي والله و بقوه م علينا اقول اسمع توه غيث اتصل عليي يبيني امر الشركه سريع اخلص كم شغله واجي
سعود : خذ راحتك
ضحك عبدالرحمن وهو يضرب كتف سعود وقال : تكفى عان سلوم مستانس مع اخوييااه
ابتسم وليد وقال : والله صار له فتره م شافهم كل واحد راح دربه
عبدالرحمن : اهاا الله يديم الفرح عليهم
وليد : امين يارب
سعود : عانو فهيدان متوتررر
انفجر عبدالرحمن ضحك وهو جووه التشماتت : علامك انت تسذا اضحك ابتسم وجهك تقول جابرينك تتزوج
ناظره فهد وقال : دحوم تكفى الي فيني مكفيني
عبدالرحمن : سم
-
عند الحريم بعد م خلصوا من ريهام و نزلت على فستانها و جمالها و ابتسامتها الهااديه الي تفتح النفس
ام سعد : بسم الله ماشاء الله اللهم لاحسد
و عند الرياجيل الي بدأوا يلعبون بكل حمااس عشان يكسرون التوتر الي ف الفهد
عند الحريم
جلست ام فهد جمب ام مالك تقهرها : عاني فهيدان الي طول عمرتس تحتريه يتزوج هذا هو شوفي ريهام بنتي الثانيه شزينها ماشاء الله تبارك الله
ناظرت لها ام مالك وهي تلفلف عيونها : وش اسوي له طيب
ضحكت ام فهد ضحكة استفزاز : لا تسوين شي تأملي جمال العرس وبس
ام الهنوف : بس خلاص الله يهداتس انتي بعد
ام فهد : يوه خلاص اهم شي بردت خاطري وبس
-
وعند البنات
ندى : ايه شخباركم بيون و جوجو مع الحمل
فزوا البنات بصدمه : وووششووو جوجو حاامل !!
ضحكت الجوهره وقالت : ايه معليش م علمتكم كنت ناويه اسوي لكم سبرااييزز
ديم : و شهر كم ان شاء الله ؟
الجوهره : على نهاية الشهر الرابع
اريام : ماشاء الله تبارك الله
فزت الجوهره وقالت : بعديييننن لحظه بيان خخيير ان شاء الله حامل وانا اخر مننن يدريييي !!!!!!
انفجرت بيان ضحك وقالت : معليش ي جوجو انا م علمت احد الا اهلي و خالاتي و البنات بس
الجوهره : شهر كم ؟؟؟؟
بيان : اخ تكفين توني بخلص السابع
اريام : يويلي ويلاه ب السابع موو باااييين
ديم : الله يتمم لكم على خير و يسهل عليكم
بيان : امين يارب
ندى : بنات امشوا نروح عند ريهام مسيكينه البنت خايفه ماتدري عنكم شي
سُميه : مابناكلها لا تخافين
ضحكت اريام وقالت : امشوا طيب
-
يُتبع ..
-
( ارحبوا ياشيوخ قلبيي وحشتتووننيي شرايكم ف البارت اليوم ؟ . شدواا الدعم ياالشيّوخ عشان ينزل الي بعده
😅🤍. )