🏮🌙رمضان كريم🌙🏮
❗️ممنوع النشر إلا بعد إدني❗️
☆أَتاني هَواها قَبلَ أَن أَعرِفِ الهَوى فَصادَفَ قَلباً خالِياً فَتَمَكَّنا ..☆
قال .. دعينا نقتدي برسولنا دعي قلبك بين يدي خالقك أثق أنك لي وأثق أن الله لن يخيبني...
فردت .. يا ا...
فاق سراج الدين من نعاسو وجهو مبشور فرحان من شنو شاف اعتبرها رؤيا
سراج الدين (بابتسامة) : ياربي تجعلها من نصيبي
صوت الأذان تيأذن ناض من مكانو دخل المرحاض توضأ لأنه ديجا غفى رجع صلا مع الجماعة بعدما صلا فرضو هز قرآنو ورجع تيقرا متخشع حتى أدان المغرب صلاه تاهو في المسجد عاد رجع الدار
دخل لقا مو وختو وحوريته كيفما سماها النور فوجهها تيخليه يبغي يبقى غا حاضيها يمكن نورها ناتج على تقربها من الله وهادشي للي تيزيد يغرقو فيها لمحاتو تسنيم هبطات عينيها حشمانة منو .... من بعد كلشي تجمع على مائدة الإفطار قراو الدعاء قبل الإفطار عاد باشرو في الأكل الجو كان صامت
دازت مدة بسيطة كانو كملو فيها الأكل وتهزو طباسل الكوزينة تا جمعو كلشي عاد جلسو مجموعين من غير سراج الدين للي مشا لبيتو حيت حشم من تسنيم وخايف من غضب الله لأن ربي أمرنا بغض البصر وهو لبقى أمامها غيبقى يسرق شوفات
بقاو جالسين في جمايع تا ناضت مريم البيت سراج الدين تدق عليه
مريم (تدق) : سراج الدين حل سربي
سراج الدين (حل الباب) : مالك أشنيولة خير
مريم (بابتسامة) : واش نسيت اليوما راه الجمعة
سراج الدين : أهاه ومن بعد
مريم : مالك نسيتي القصة أسراج الدين
سراج الدين : أنا منسيتش لكن تسنيم كينا هنا
مريم : ومن بعد مزيان تسمعها باش تستافد
مخلاتلوش الفرصة يجاوبها جراتو من يدو لفين جالسين وصل ملقى فين يخبي وجهو قرر يستسلم الأمر الواقع
سراج الدين (بإحراج) : السلام عليكم الكل : وعليكم السلام
مريم (مشات جلسات جنب تسنيم) : عرفتي أتسنيم غتسمعي أحسن وأفضل قصة رومانسية من الأستاذ سراج الدين هه
تسنيم (بحرج) : لا غنوض نمشي تعطلت هدى (بحدة) : تسنيم مناش أبنتي حشمانة جلسي سمعي القصة
جلسات تسنيم حداها ساقلة وسراج الدين جالس جنب مريم سكتو كلهم تيتسناو القصة
سراج الدين : باسم الله الرحمان الرحيم والصلاة والسلام على أشرف المرسلين أما بعد ....
قاطعاتو مريم بحماس واضح
مريم : وسربي أخويا واش غدير خجبة الجمعة
سراج الدين (بغيظ) : سكتي أمريم .... احم أكيد كلنا عارفين قصة حب النبي ﷺ للسيدة عائشة وأن قصتهم مميزة كان ديما الرسول عليه السلام يدللها بقوله لها يا عائش أو يا حميراء ....
سراج الدين (بنفاذ صبر) : يعني المرا البيضة المحمرية بمعنى آخر المرا زوينة .. ياربي نكملو هاد القصة ... (تنهد) فاش وصلنا أه كانت السيدة عائشة تقول أن رسول الله ﷺ كان يقول * يا عائِشَ، هذا جِبْرِيلُ يُقْرِئُكِ السَّلامَ *
....يتبع
♡ تسنيم ♡
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
