ليلة رمضان ...
البنات قاعدين يحطون الزينه الرمضانيه
والعيال يجهزون اغراض المسجد اللي مكونه من مسابيح... سجادات ... قران
طلعت ياسمين بتروح تجيب اغراض من السياره صادفت سيف و صد عنها وراح تنهدت و راحت تجيب الاغراض
خلونا نرجع ليوم الملكه ... في بيت جمعه
البنات قررو ينامون عند بسمه و خصوصا ان بيت الجد مافي احد ما يتغطون عنه ... كانت واقفه عند المرايه اللي عند المجلس تصور نفسها قبل تغير لبسها
دخل مع الباب الثاني عشان بياخذ اغراضه من المجلس توه بيمر بيطلع الا شاف وحده عند المرايه تتمايل على الاغاني و تتدلع وهي ما تدري بانها استحلت قلبه قبل ما يعرف مين هي اصلا ؟
فجاة انتبهت له من المرايه و لفت شافها شاف فستانها الازرق اللي كره كل الالوان من بعد ما كانت حبيبته ما تختار الا هو وشاف وجهها الحاد الجميل و شاف خصلات شعرها المصبوغة و هو بهذا التامل هي نطقت : سيف
انتبه لصوت لصوت اللي ياما سهر عشانه ياما و اللي مشتاق له : ياسمين ... و تذكر ايه صح مبروك على الزواج
ياسمين : سيف انا قاطعها : الله يهنيك يارب و راح
بواقعنا ...
جابت الاغراض وبدو يزينون
جوري : شفيك
ياسمين : بعدين اقولك
جوري : زين
مر الوقت وصلو التراويح بعد بكم ساعة تسحروا و صاموا معنا
في غرفة جوري ...
طقت الباب : مشغوله ؟
جوري : لا تعالي
دخلت و سكرت الباب و جلست على الكنبه
جوري : قولي
خذت نفس ياسمين : جوري تذكرين سيف
جوري حاولت تذكر ثم قال : ياويلك يا ياسمين لو طلعتي تحاكيني للحين ما كفاك اللي سواه ابوي
هزت راسها ياسمين بالنفي : طلع ولد عمي
عقدت حواجبها جوري : وشو ؟ كيف ولد عمي ؟
ياسمين : والله هذي الحقيقة
جوري : واو الصراحة طيب الحين وش المشكله حاكاك ؟
ياسمين : حاكيني وليته ما حاكاني تخيلي يحسبني متزوجه
جوري : كيف يحسبك متزوجه ؟
ياسمين : تذكرين مرا دخلتي علي وانت تطقطقين و تقولين في وحدة خطبتني لولدها هو كان معي عالخط و بعدها ابوي درى اني اكلم و انت تعرفين وش صار و هو يحسب اختفائي اني تزوجت و تركته مع اني انكرت على طول بس هو ماصدق
جوري : واو يعني وش هالحاله خلاص اتركي السالفه الحين و باذن الله بتزين
ياسمين: ان شاء الله يالله تبين شيء ؟
جوري : سلامتك و طلعت ياسمين
-
اول يوم رمضان ... الصباح
في مكتبه كان جالس يشوف الاوراق و القضية اللي حطتهم اياه دق على بسمه تجيه
بسمه : هلا غسان
غسان : بسألك هذي الاوراق حقت القضيه
بسمه : ايه
غسان : ما احس احس فيه شيء ناقص اوك هو يجيب اشياء من الخارج و يوزعها بس وش هالاشياء ابي اعرف ولا عليك امر ابيك تدقين و تشوفين اذا باقي اوراق
بسمه :ان شاء الله و طلعت
