ما اشوفك الا قمر ساطع ولمعة نجم

البارت العاشر

معن : خلاص رح و جايكم
شفت خلي بعد غيبة شفته في حالة غريبة
ضاع من عينه الحنان اللي عشناه من
زمان غيروا غيري حبيبي خلا حبي عنده
فضه : فاضي ذا يغني وهو حابسني لو سمحت انت هي
معن انخرش : بسم الله
فضه : في احد يسمي بالحمام غبي انت؟
معن حك راسه ضحك : اوه فارسة الاحلام هنا
فضه : هب ي وجهك مانسيت اخلص ابي اطلع
معن : وش جابك هنا دوره مياه رجال
فضه : بنقعد نسوالف واجد ؟ رح جب لك قهوه و كمل سوالف
معن ضحك : تمام تمام بروح المره الجايه انتبهي للمكان اللي تروحين له وطمنيني اذا لقيتي فارس احلامك
فضه ابتسمت : ابلش
بعد ما تاكدت انه راح طلعت عند البنات على طول
جت مسرعه رمت زبيرية على ترف
ترف : يا الحيوانه تعور وش فيك ؟
اشواق: ياسلقه حدك على ترف
فضه حطت يدينها على خصرها : ياسلام
نوف : وش صاير ؟
فضه : الاخت ذي قالت لي اروح الحمام الي هنا دخلت طلع لي اخوها و انحبست على بال ما طلع
قامو يضحكون البنات
ترف : يا بنتي وش يدريني بجي احد
فضه : لا ياشيخه جيبي زبيريتي بس
ترف : حلوه ذي ترمينها علي و تبيني اجيبها دزي
.
.
.
ثامر : ياعيال شرايكم نتسابق على ١٠٠٠ ريال
معن توه جاي : سمعت فلوس
ثامر : اي اي بنتسابق
سلطان: تمام بس وشو ؟
ثامر : نركض لين الاسطبل والي يفوز ياخذ ١٠٠٠
العيال باصوات متفاوتة تم يلا
ابو سلطان عصب : انهبلتو ركض بذا الليل اقول بس انت وياه نامو
سلطان تقدم باس راسه : ابشر ، يلا كل واحد يأخذ له زاويه
بعد ما الكل انسدح عم صمت على المكان
معن يهمس ل سلطان: جعت
سلطان: اعوذ بالله توك مآكل
صقر : صراحه حتى انا
ثامر : المشكلة مايمدي نتحرك نايمين الشياب معنا
سعد : انا اقول نامو ورانا صحوه الفجر
.
.
.
اشواق: الحين اختك ذي دايم تشخر
الهنوف ضحكت : يعني مو دايم
نوف : حرام عليكم
ترف : ازعجتنا
خلود : شكلنا بنشيلها نطلعها تنام برا
حنين : انا مافيني النوم
ام سلطان : والله لا تنجلدون ازعجتونا اسكتو و نامو
اشواق بهمس ل لين : دامها وصلت للجلد انام على صوت شخير فضه ابرك
.
.
.
بعد مرور الوقت اذان الفجر
ابو سلطان  : يلا يا عيال صلاه 
ثامر فاتح عين و مغمض عين : ياعمي رح وحنا وراك
ابو سلطان ضربه بالعصا: قم قامت عليك القيامه
كلهم فزو بعد كلام ابو سلطان
ابو الهنوف: شوي شوي عليهم يا عبدالله
ابو ثامر : وهو صادق
ابو سلطان: ماينفع معهم الطيب
ثامر : الحين المفروض اصحى على صوت فيروز و زوجتي مو على عصا عمي اهه ي يدي
سلطان : يالله صباح خير
.
.
ام سلطان تجهز الفطور مع فضه و ام الهنوف و ام اشواق و ام ثامر
ام سلطان: وينهم البنات
فضه : نايمين
ام ثامر : نايمين لين الحين قوميهم
فضه : ابشري ، يلا يلا قومو يا رفلات ناس تسوي الفطور و ناس نايمه لين الحين
اشواق رمت المخده : وين اللي ناس نايمين انتي تركتي احد ينام من شخيرك
فضه ضحكت : انتم يتهيأ لكم اني اشخر
نوف : والله بسجل شخيرك اوريك ي الحيوانه
حنين : المهم قومو نساعدهم
خلود : روحو بسبقكم
.
.
.
ابو سلطان: يا لين وين الفطور
لين : يلا يلا
اشواق: و ذا الفطور ل احلى عم
ابو الهنوف: الله يخليكم يا بنات
معن : وش عندها تتغزل ب عمي
صقر : يمكن مسويه مصيبه
ابو سلطان : افطرو وانتم ساكتين
ابو ثامر : بعدها بنمشي
(الكل جلس يفطر )
بعد دقايق الكل اتجهو ل سيارات
سلطان: لا والله ماعاد تركبون معي
اشواق: حنا الي نبيك الحين
الهنوف بهمس : نبيه يا اشواق نبيه
اشواق قبصتها : اثقلي يالسلقه
نوف دفت اشواق: حدك حدك
صقر : خلاص اشواق و ترف و لين  و عمتي و امي معي و سعد و ثامر  مع ابوي و عمي ابو ثامر و ابو الهنوف اما انت مع معن و بنات ابو الهنوف و امهم
سلطان ابتسم : تم موافق كذا
( حركو العيال )
ام الهنوف: ياوليدي ماودك تتزوج
سلطان يبتسم : ان شاء الله قريب
فضه : مشاءالله مشاءالله من
معن : ليه انتي ملقوفة
فضه : وش عليك انت ؟
الهنوف اختبصت  بهمس ل نوف : نوف سمعتي وش قال
نوف : اركدي يمكن يقوله بس كذا يمكن يقصدك انتي ؟
ام الهنوف : الله يوفقك يا ولدي
.
.
.
بعد مرور الوقت وصلو لديره وكل واحد راح ل بيته
بيت ابو معن
دخلو سعد و ترف و معن  يضحكون
ابو معن معصب ضرب عصاته بالارض : انتم ماتستحون؟
سعد : ليه ذا كلام يبه ؟
معن : وش مسوين ؟
ابو معن : اخوكم مسجون و انتم تضحكون طالعين المزرعه ولا كأنه شي صار !!
ترف : يبه عاد والله ولدك غلطان ذي سواه يسويها و الغلطان ب يتحاسب
ابو معن اتجه ل ترف
معن سحبها وراء ظهره : والله ماتلمسها ولا تقول لها شي واهي صادقه ولدك قليل المروه المخنز قتل روح بدون سبب و لبس التهمه غيره ؟ تبينا نتضايق ونحزن عليه !
ابو معن طلع وهو معصب منهم
ترف ضمت معن : الله يخليك لي ي عزوتي
سعد : وانا ترا بعد عزوه
ضحكت ترف : ابد كلكم عزوتي
معن : روحي شوفي امي فهميها لا تتعب نفسها
.
.
.
ب دكان ابو الهنوف
ثامر : عمي ابو الهنوف حاب اطلب منك شي
ابو الهنوف: سم 
ثامر : والله انا ماعندي شغل و كذا وحاب اشتغل عندك
ابو الهنوف: ابد اعتبر انك اشتغلت من الحين
ثامر باس راسه : مشكور ي عمي
دخل غيث
غيث : السلام عليكم
الكل وعليكم السلام
ابو الهنوف: ياهلا ب غيث
غيث باس راسه : هلا والله
ابو الهنوف اشار ل ثامر يصب القهوه
غيث : والله ياعمي اني مصر اخطب من عندكم ابي منك اشاره اجي مع اهلي اخطب اليله
ابو الهنوف ابتسم : ابد الساعه المباركه تعال و اعتبر البيت بيتك
غيث طار من الفرح تقدم باس راسه : اجل على خير ان شاء الله بعد المغرب
ثامر: اوه شكلي وجهه خير يا عمي جيتك وانخطبت بنتك
ابو الهنوف ضحك : قل ل عمك عبدالله يجيني ابيه يكون معي
ثامر : ابشر بطلع اقوله
.
.
.
ابو سلطان : محد بيرفع ضغطي غيرك انت كم مره افهمك !!!
صقر : يا يبه اسف ما أنتبهت
ابو سلطان ضربه بالعصا : تغلط بكل شي الا الحسابات
ثامر : هد يعمي هد
ابو سلطان مرتفع ضغطه : خير وش جابك انت تبيني اكمل عليك
ثامر : لا لا طال عمرك بس جيت اقولك بعد المغرب عمي محمد يبيك عنده
ابو سلطان : عساه خير
ثامر ابتسم : خير خير ابد غيث بيجي يخطب من عنده و يبيك معه
صقر انبسط انه بيفتك من هواش ابوه
أبو سلطان : مشاءالله خلني اروح الحين
صقر سحب ثامر : اول مره في حياتك تنفعني ب شي صح
ثامر ضحك
استوعب صقر : من ذي الي ب تنخطب ، يدعي بينه بين نفسه انها مو الهنوف ولا نوف
ثامر : مادري والله ، انا بمشي
صقر جلس يهوجس كيف حب نوف بالرغم انه ماصار شي الا سالفة الخيل
معن : ارحب وين عضيدي عنك
صقر : هاه قصدك مرتك !
معن : استحى على وجهك ي خايس
صقر : امزح مادري عنه تدري جالس افكر غيث من بيخطب اليوم
معن : شوف توقعاتي الهنوف
صقر : ابلش صدق سلطان وش بنسوي فيه ؟
معن مسح جبينه : مادري بس ندعي انها مو هي
يلا جاي اشقر عليكم بمشي ل شغلي وراي قضيتين
صقر : الله معاك
( البارت ١١ باذن الله قريب 🤎 . )