لحدي ما جاء رجع من شهر العسل المفروض يجي يسلم علي بتو خليني انا ما جاء سلم ، عرفت وقتها انو انحيازات كتيره بعد كدا ح تحصل خفت علي بتي شلت هم المقارنات واذا مرتو الجديده دي لو ولدت ح يفضل اولادها علي بتي 💔 دي ممكن تسبب ليها عقده نفسيا ...
خاصه اني فكرت اطلاق منُ بس ابوي قال ما في طلاق ،، بعد ما جاء ابوي قال لي بعد كدا ح ترجعي بيتك قلت ليهو مش المفروض يجي يسوقنا ؟ سكت ما رد علي ،، فعلا بعد يومين جاء ،مع اني ما عايزه امشي معاها بس ما كان في حل،،، ركبت العربيه وانا ساكته وبتي بسمه * تشابي لابوها ،، وانا ماسكها قوي ،، و الزاد علي زياده انو لحدي ما وصلنا ما اتكلم معانا،،زي كأنو مجبور مجبور...
دة أسوأ احساس ممكن الواحد يمر بيهو يحس انو الطرف التاني مجبور عليهو، ،بتحسي وقتها انك رخيصه رخصيه شديد في عين نفسك
بعد ما دخلنا بسمه نامت ،، طلعت ليهو في الصاله ،،قال لي داير اقول ليك كلمتين، ، يمكن نحنا الاتنين اتجبرنا علي الوضع ده ومافي حل غير اننا نواصل ونكمل حياتنا كدا ،،قاطعتو قلت ليهو حياتنا كدا؟ ياتو حياة دي تاني بعد ما انت شوفتها مع غيرري؟ لو انت بتحبها ودايره من البدايه ما عرستها ليه ؟ كان زنبي انا شنو ؟،،، قال لي زي ما بتقولي انتي انجبرتي علي انا انجبرت عليك ،، وبالنسبه لي اني عرستها ليه لاني ما قدرت اعيش،من دونها لاني ما شايف غير سعادتي معاها معاها هي وبس ،، مع كلامو ده لا اراديا بكيت ما عايزه ابكي قدامو بس حياتي خلاص انتهت، ،، قلت ليهو، بصوت عالي طلقني خلآص طول ما كدا كدا ما شايف سعادتك غير معاها طلقني ،،، سكتت مسااافه قال لي كمان انا طلاق ما بطلق خليك كدا ده ،،وطلع من البييت....
هنا يادوب بكيت بعدلي ،، كتار منهم لو جيت حكيت ليهم قصدي دي ح يقولوا لي الجابرك شنو تقعدي معاها؟ بكل بساطه حركه غبيه مني اطلع من البيت وانا عندي بت في يدي ،، امشي بيها وين ؟ بيت أبوي الاهو ح يرجعني بيهو تاني ؟ اقتل نفسي ؟ طيب الح يربي لي بتي منو ؟ اسأله كتيره كنت بفكر فيها و اكعبها اني ما شغاله الليله لو اشتغلت ما كنت علقت رقبتي في يد راجل ما كان هسي قدر يتحكم فيني او يجبرني ببساطه كنت شلت بتي وعرفت امشي وين ،،،( من هنا دايره اقولو ليكم بما انكم لسه ،،الشغل الشغل يخوانا لازم تتطوري من نفسك عشان مافي زول يقدر يهينك!)
بعديها الايام الاحداث اتغيرت ،، امو زاتها العرستني ليهو بقت تفضل العروسه الجديده * بثينه * علي ،، بثينه ما بتخلي فرصه الا وتشمت فيني خاصه انو عاصم اغلب ايامو معاها او ممكن اقول ما بيجيني اصلا و انا فعليا ما دايره يجي ،،، بنقفل البيت علينا انا وبتي وخلاص...
____________________
من جانب نون *
بعد ما دكتور ايهاب طلع ،، وليد قال لي تعالي ،، صحباتي عاينو لي كويس نظام ما تمشي معاه بس ما قدرت اقول ليهو لاا هو استعجل زاتو طلعنا برا القاعه في مكان كدا طوالي بنقعد فيهو زمان ،،، قال لي مش قلت ليك ما تركزي الدكتور، قلت ليهو انت قول لي ما تفهمي ،،قال لي خليني انا بفهم واجي افهمك ،،قلت ليها اممممم،،،قال لي ويعدين صحباتك ديل مقاصديني كدا ليه ؟ قلت ليهو عادي يمكن عشان الحصل زمان ،،، شال نفس و قال لي عموما انا ما شغال بيهم كتيير انا همي كل انتي وعايزك انتي ما شايف غيرك ❤،،،عاين لي مسافه قال لي لو زول قال لي زمان نون ح تتغير ما كنت ح اصدقو و في عتباري حيكون مجنون ساي ،،الغيرك شنو ؟ نحنا كنا ماشين كويس فجأة ركبنا الباص السريع... كيف؟،،قلت ليهو يمكن زمان جيت اعترفت لي بانك بتحبني طوالي فما ادتني مجال افكر غير اني ارفضك ،، وبعد المشكله الحصلت بيناتنا وتاني جيت راجع معتزر اكتشفت فيك شخصيه انا ما كنت شايفها او في وقتها عيوني كانت معميه فيها عنك فسبحان الله الغير الحالي ... قال لي طيب هسي انا بحبك ،، قلت ليهو اممممم ،،قال لي ما ح تردي ؟ قلت ليهو وليد،،قال لي ما تقولي لي وليد ردي وبسس ،، قلت ليهو ما انا اصلا قاعده احبك ،،قال لي ايوا كدا ...
يمكن انا مطالبه بصورة غريببه اني لازم اقول ليهو بحبك في حين انا ما حاسه كدا او ممكن اقول انا مجهجه وما قادره احدد موقفي،،،بكل بساطه ممكن اقول استغله طيبتي الزياده وانا عويره بجبر بخاطر الناس و بنسا خاطري ...
بعديها جات مها قالت لي مشينا، ، قالت ليها اي قلت ليهو تمام ،قال لي لمن تصلي اتصلي علي، هزيت ليهو راسي وطلعتنا، ،ونحنا في مواصلات مها تنق وتنق في النهايه قالت لي انا بتكلم مع منو مع واحده عبيطه زيك ،، قلت ليها مها انا ما عارفه مالي حاسه في حاجه غلطت ،،قالت لي كونك رجعتي تاني لشخصيه دي اكبر غلط، ، ما رديت ،،
بعديها وصلنا مها تاني عندها مواصلات،،، وصلت البييت لقيت اخواتي آية و علياء كل واحده مستلمه سرير آية قالت لي اخير جيتي !؟ قلت ليها ليه في شنو؟ قالت العدة يا استاذه، ، قلت ليها بتبالغي طبعا ! قالت لي ببالغ ليه عدتك و متتظراك اها ح تغسل نفسها براها؟ قلت ليها طيبب راعي اني جايه من الجامعه قالت لي مامشكله ارتاحي وقومي عليهاا،، زعلت زعل بس ما اتكلمت وفي النهايه غسلتها و انا دايره اطق ،، في الوقت ده اتصل علي وليد قال لي وين ؟ قلت ليها قاعده ،،قال لي ما قلت ليك لمن تصلي اتصلي علي ،،قالت ليهو انشغلت وهسي بغسل في العدة ،،، قال لي طيبب بعد ما تخلصي ارجعي لي ،،، سكتت مسافه قلت ليهو تمام ،،، في بالي المفروض يقول لي خلاص بونسك المفروض يقول لي صوتك مالو ؟ الحاصل معاك شنو ؟ ما عارفه هل المفروض يبادر بالحاجه دي ولا دي فرضيات من عندي انا ،،، الزعله بقت زعلتين ،،، جات امي قالت لي ابوك في التلفون ...
" نحنا كلنا بعافيتنا كدا تلاته بنات " علياء و أيه و انا و ألين و لدين محمد و أحمد،، امي شغاله محاميه و ابوي مغترب بيجي كل سنتين "
اتكلمت مع ابوي مسافه كل كلامو معاي هل انا محتاجه حاجه او ناقصني حاجه ،،، قلت ليهو الحمد الله في نعمه بس فاقداك و نفسي تكون وسطتنا قال لي كل مرة يا نون ؟ قلت ليهو ايوا كل مرة عشان في مواقف كتيره انا اتختيت فيها كنت محتاجاك فيها ما لقيتك مواقف انهزيت فيها نفسيا بس وين انت ؟؟؟؟ بعتزر ليك يا ابوي بس انت معتبر انو المعيشه دي اكل و شراب طيببب وين عاطفة الاب وين دور الاب اتجاه الابناء،؟؟؟؟ الغربه دي غيرر غربتك مننا ما عملت اي حاجه ! خلتنا حتى ما قادرين نتعامل معاك !بتعرف شعوري شنو لمن اشوف صحبتي ابوها موصلها؟ ولا اشوف واحد بيتونس مع بتو علي ارض الواقع؟ انا ما بقول ليك تقطع شغلك بي حسسني بوجودك💔،،، ما خليتو يرد رجعت التلفون لي امي ،، وهي مستغربه انا مالي ،زعلت شديد و مشيت غرفتي او ممكن اقول غرفتنا ،، ايه قالت لي خلصتي، ، ما رديت عليها و رقدت وغطيت وشي بكيييت امي جات قالت لي نون مالك انتي ؟ ابوك قلق عليك في شنو ؟ سكته جات أيه و علياء ،، آية قالت لي دي كلها زعله عشان قلت ليك غسلي العدة ؟؟ دي ما كانت عدة دي ؟ مع كلامها بكيت زياده ،، امي قالت لي نون الله يرضا عليك ما تخوفيني عليك في شنو يا بتي ؟ في زول زعلك ؟
بكيت لمن راسي وجعني ،،يمكن مافي سبب رئيسي زعلني بس كترت الضغوطات بتخليك علي اقل سبب تبكي و ما اي بكا كمان.... عباره عن انك بتبكي بحرقه زي الزول القريب ليك يجي يقول ليك مات بتبكي علي حياتك بتبكي علي انك بتكابر في وقت انت في اعز انك تنهار و تصرخ و تشكي وتحكي و طلع كل الجواك...
عمرو لين القلب ما كان حاجه كويسه خير علي الناس بس علي حاملو عذب نفسي لانك بتجبر في خاطر الناس وخاطرك خليهو علي جنب وكل يوم بتبكي عليهو 💔
يتببببع
