انـه اول بنادم گلبه مايبرد.
دنيا الصبح الجو كُلش حلو يوم جُمعة وكلها نايمه ساعة بـ9الصبح العصافير تزقزق الجو لا هـوَ بارد ولا هـوَ حار ايام ربيع كاعدين بس اني وامي دتدرسني سمعنا صوت الباب يندك
ركضت حتى افتح الباب
سجى: صباح الخير ها دُعاء محتاجه شي؟
دُعاء: امج وين
سجى: بلغرفة اصيحها؟
دُعاء: اي صيحيها
اتجهت للغرفة وصحت امي
سجى: يُمة دُعاء تريدج
الام اسراء: ها عيني هلاو
دُعاء: هلاو اكلج عيني تدرين شصار
وضلن يسولفن اني طلعت وكفت يمهن ع الدرج بالطابق الثاني اسمع صوت الباب الجوا تندك كلت امي دتسولف فـ خلي انزل محد يحس بس افتح الباب واصعد
نزلت بسرعه فتحت الباب شفت عمي درع
خزرني وصاح بعصبية
درع: صار شكد ادك الباب متسمعون.؟
سجى: لا عمو اني جنت فوك سمعت الباب ونزلت
درع: مرة ثانيه نزلوا فتحوها خزرني وطب للبيت
همست بهدوء
سجى: والله يالله عبالك طالبني بطلابة شلون يخوزر
طب ابن عمي (عبد)
يوسف: هلاو سجى شعندج هنا
سجى: سمعت صوت الباب كلت اكيد نايمين ونزلت فتحتها
يوسف: شعجب كاعده من وكت
سجى: عندي امتحان الاحد ودا ادرس
يوسف: اني هم عندي امتحان
اجه عمي شافنا واكفين وكف يقرض باظافيره بالزرع خزرنا وصاح بعصبية
درع: يلا اثنينكم طلعو ذبو الزبل
سجى: عمو اني ماكدر اطلع لابسه قصير وحتى نعال مالابسه
درع: يلا بسرعه كدامي كلت
سجى: عمو ماكدر ابوية ميقبل اطلع وعندي امتحان راح اصعد ادرس
درع: تعاي بسرعه كلت لا تجادلين
سجى: ماطلع ابوية ميقبل
لمحته طب لبيتهم اني صعدت اركض
طلع يدور بلحديقة مالكاني ضل يصيح باسمي جوا اني ماجاوب ركضت للغرفة ختلت يم امي امي جانت تحجي ويه ابويه
نسمع دفرات بباب البيت واني مجلبة بامي نكسرت الباب ودخل يركض عمي للغرفة
عطت بفزع
اسراء: شكوووو شكوووو
عمي لف ظفيرتي على ايده ويجر بيه وامي لازمتني قوي
اسراء: شكوووو درع بس فهمني شنو سوت سجى
درع: تعاي لججج حيوانه گلبةة
اني مجلبة بأيد امي ضل يجر بيه لحدما وصلت باب البيت
ادحك عليهم اشوف امي على الحايط وحاط سجينه بركبتها ورگبت امي كلها دم؟؟
انصدمت من هول الموقف تقشعر بدني من المنظر الشفته تصلبت بمكاني واني اشوف امي الدم غركها؟؟
ماحسيت ع نفسي الا واني اركض بشوارع بغداد ساعة ب10الصبح وصلت للشورجة اركض واتعثر رجلي كلها كزاز من الشارع وصلت ع حافة النهر زلگت رجلي ردت اوكع بالنهر
رجال جبير بلعمر مبين سگران كاعد يدخن نرگيلة شعرة مليان شيب
باوع عليه من فوك ليجوا وكام يركض وراي استمريت اركض بكل سرعتي
وصلت للشارع العام سيارات قليلة بس سريعه عندي فوبيا عبور الشارع جاي اعبر شفت سيارة من بعيد وكفت بمكاني بعد ماتحركت
ماحسيت الا ع اصوات عالية يمي...
اعتذر ع التأخير بس والله عندي دوام ان شاءلله يوم الجمعه ينزل البارت كامل
أنت تقرأ
ظَـلام الـدَهـر
General Fiction- نكتشف في النّهاية أن البوح ليس سهلاً للمقرّبين كما يصوّره الآخرون، بل صعب جداً، والبوح للغرباء متعة وراحة وأمان، لأن كل ما ستقوله سيذهب معهم حيث يذهبون،
