تـنـويـه:- المحادثات بين كوتا وديجا وبيني حقيقة، وليست من تأليفي فشكراً لخيالهم الخصب.
بعد عودة الاولاد من المدرسة و تناول الطعام في بيت ابو محمود، نزلت ام علي وكوتا
لنقل الدولاب القديم حيث لم يبقى سواه وتنهي البيت وتستقر حياتها وحياة ابنتها.
ام علي:- تعال اسحب الدولاب الكبير ده.
كوتا وهو يتأمل الدولاب الخشبي الاثري، والذي أصبح شكله جميل بعد تنضيفه من الغبار :- يا مسهل
ام علي:-اسحب معايا كمان.. أوعى يقع عليا.. هو انت سايبني اسحب وحديا؟
كوتا:- اييييه؟.. شدي معايا.
ام علي :- اااه ياضهري.
كوتا بمزاح:- اااه يا غضاريفي.
ام علي:- ايوة كمان شوية.. خليه في نص الأوضة شوية، اااه يا ضهري يانا.
كوتا:- هييح خلاص اهو.
ام علي وكوتا وقد اتسعت عيناهما، فقالت ام علي :- ايه ده؟.. بص يا له.. بص ورا الدولاب فوق
كوتا :- اوبااا.
ام علي :أول مرة أعرف إن عندنا هنا سندرة.
كوتا:- يلا يا عمتو نشوفها.
ام علي :- قوم هات السلم اللي برة.
كوتا :- اهو؟
ام علي:- انا اطلع ابص الأول، امسك السلم كويس.
خاف كوتا ان تسقط عمته عليه فسارع بالقول:- طب استني اطلع الأول ابص بصة وبعدين تطلعي.
وافقت ام علي وهي تهمس:- اه خليه يطلع هو، بلاش يكون في عرسة ولا فأر.
كوتا :- سمعتك يا عمتو، ماتقلقيش انا طالع.
ام علي ممازحة:- خليهم ينطوا عليك انت مش انا هههههههه.
كوتا ضاحكا:- طب امسكي السلم كويس.. يا مسهل اوبا... اييييه ده... اييييه ده.. الله!!
ام علي:- ايه؟ عرسة؟
كوتا:- لأ
ام علي :- اومال ايه؟ فأر ميت؟
كوتا :- هاقول الله على فأر ميت؟ كتب يا عمتو كتب قديمة كتييير.
لمعت عينا ام علي فهي تحب الكتب القديمة، وتمنت ان تكون مخطوطات نادرة:-هاتها بشويش.
وفجأة انتفض كوتا وسقط من على السلم:- اااااه، مش قلتلك تمسكي كويس يا عمتو اديني وقعت.
ام علي :- اسم الله عليك يا سند عمتو.
كوتا ضاحكا بإحراج😅 :-كان في حاجة بتمشي خضتني.
ام علي:- قوم يا ضنايا، دي حتة سحلية يا حبيبي.
كوتا ضحك وهو ينفض ثيابه، فقفزت السحلية من ثيابه على الأرض؛ فصاحت ام علي :- اقتلها بسرعة خد الشبشب.
دخلت خديجة من الباب من ناحية بيت العيلة بيدها طبق محشي كرمب وهي تشاهد كوتا يقفز خلف السحلية ويضربها عدة ضربات فقالت :خالتي ماما بعتالك طبق المحشي ده، يارب تعضك السحلية ياكوتا.
كوتا :- يابت خليكي رحيمة شوية ابو شكلك.
ديجا:- عامل نفسك شجاع؟ (تلتفت للعمة) هو جبان.
كوتا موجها كلامه لديجا ضاحكا:-انتي ما تتكلمش عن الجبن يا اختشي.
ديجا:- يارب السحلية تدخل في قميصك.
كوتا يرفع حاجب واحد:- انتي شايفة ده تيشرت مش قميص.
ديجا وهي تضحك:- طب يارب تعض خدودك ووشك.
ضحك كوتا وهو ينظر لعمته المندهشة من تراشقهم بالكلام فقال:- عمتو دي ديجا الشق بتاعتي، اختي وصاحبتي اللي قولتلك عنها.
ام علي:- اااه دي اللي قولت عنها اجدع من مية صاحب، طب كويس لانها هاتقعد معانا شهر، يلا اطلع فوق تاني.
كوتا :- من عونيا.. ياالله، هوبا.. اهو ياعمتووو في كتب كتير خدي.
ام علي:- اوعا الكتاب يق... أي وقع على دماغي
كوتا😄 :- سوري حظك بقى(قالها وهو يمسك نفسه عن الضحك) الكتاب نزلّك لوحده.
ام علي ورأسها تدور🥴:- استنى.. أنا شايفاك اتنين.. هوانا احوليت يا كوتا؟
كوتا وقد تعال قهقهاته:- ماهو لازم طبعا، الكتاب كبير.. لا عادي دي آثار الخبطة بس.
ام علي:- بص لعنيا ياواد.
كوتا:- باصص يا ستي.
ام علي:- هــا؟..عينيا مالها؟
كوتا:- قمر يا عمتوو.
ام علي:- لا خلاص شايفاك واحد دلوقتي، اتزبطت عنيا، بص تاني.
كوتا :منا قولت في كتب كتيير، وسع كدة يا عم الفار عايز اشوف اللا.
ام علي:-اعااا فار
كوتا:- يا ستي استني ها أقع عاااا.
ام علي:- اضربه بالشبشب اهو معاك
كوتا باستنكار:- بالشبشب!!
وضعت ديجا الطبق من يدها وامسكت السلم وهزته بفزع وصاحت:- عااا فأر اقتله يا كوتا.
كوتا:- السلم هيقع ماتهزهوش.
ام علي:-يالهوي ده نط جنبي.
قفز كوتا عن السلم وجرى خلف الفار وهو يصرخ:- تعال يا فأر البلاغات انت، وراك مش هسيبك
ام علي:- خلاص طلع يجري برة، سيبوه.
كوتا:- أبداً ،ده وقعني وخضني.. سيبوني عليه عاااا
ام علي :-خلاص يا واد ارجع يمكن نلاقي دهب فوق.
كوتا:- علشان خاطرك يا عمتووو.
ام علي:- الله يرضى عليك، يمكن نلاقي شوية دهب نغتني شوية(كانت تحلم).
كوتا:- ما فيش دهب يا عمتو.. كلها كتب،خدي الكتب القديمة دي كمان.
تعاونت مع ديجا في اخذ الكتب ونقلها بعيدا عن السلم، وأم علي تسأل :- مافيش قولة🏺 ولا صندوق؟؟
كوتا:- لحظة.. اهوو.. لقيت صندوق بس مترب قوي.. حاسبي وشك بقى.
user49531094
KotaMohamed1
أنت تقرأ
فرقع لوز
Randomالسلام عليكم.. أنا اسمي ام علي، عمري فوق الخمسين، ساكنة في حتة قديمة شويتين، بيتنا بيت العيلة، البيت كبير وكلنا عايشين فيه، بيقولوا ان جد جد جدي هو اللي بنى البيت ده وانه اتعلم و درس على أيدين المشايخ، ايشي فقه وايشي شريعة وايشي طب وحاجة اسمها الفل...
