My love is a flower in your hands
It's our time
.........
" ပတ်ဂျုံဆောင်းရဲ့ စေ့စပ်ပွဲအတွက် Cheers! "
" စေ့စပ်ဖြစ်သွားတာကို ဂုဏ်ပြုပါတယ်နော် ဟေ့ကောင် နောက်ဆုံးတော့ မင်းတောင် အိမ်ထောင်ကျတော့မှာပဲ "
" ကျေးဇူးပါပဲကွာ "
" သွားတော့ မရှုပ်နဲ့ ဟေ့ကောင်။ တစ်နိုင်ငံထဲ ကြီးပျင်းလာတာကို တစ်ခါမှ မတွေ့ဖူးကြဘဲ အီတလီမှာမှ ကျောင်းတက်ရင်း ရေစက်ဆုံဖြစ်ကြတာ ဒါ ဖူးစာတော်ရုံပါတာ မဟုတ်ဘူး "
" မင်းတို့ မရနိုင်တဲ့ ဘဝလေ... ဟားဟား "
သူငယ်ချင်းအုပ်စုတွေ ရယ်ရင်းမောရင်းနဲ့ နောက်တစ်ကြိမ်ထပ်ပြီး ဖန်ခွက်ချင်းတိုက်ကာ ဂုဏ်ပြုကြပြန်တယ်။
ဒီနေ့က ဂျုံဆောင်းရဲ့ အထူး စပါယ်ရှယ်နေ့တစ်နေ့။
ဘာလို့ဆို ဂျုံဆောင်း အသက်တမျှ ချစ်ရသူနဲ့ မနက်ဖြန်ဆို စေ့စပ်ကြတော့မှာ။ ၃နှစ်ကြာ တွဲခဲ့တဲ့ လက်တွေ ခိုင်မြဲကြောင်း အထိမ်းအမှတ်ပေါ့။
စေ့စပ်ပွဲပြီးရင်တော့ အနှေးနဲ့အမြန် မင်္ဂလာပွဲက ကျင်းပကြတော့မှာဖြစ်၏။ သိပ်ကိုကြည်နူးဖွယ်ကောင်းတဲ့ အခိုက်အတန့်လေးတွေဟာ ဂျုံဆောင်းအသက် ၃၀ကျော်မှာမှ စုပြုံလာကြုံကြိုက်၏။
ဒါကလည်း ဘ၀ရဲ့ လှည့်ကွက်တစ်မျိုးဖြစ်လိမ့်မည်။
" ဒါနဲ့ ငါ မင်းကို ပြောစရာရှိတယ် "
" ပြောလေကွ "
သူငယ်ချင်းဖြစ်သူက ဂျုံဆောင်း မျက်နှာရိပ်မျက်နှာကဲ တစ်ချက် ကြည့်လိုက်ပြီးမှ သူ့အိတ်ထဲက ယူလာတဲ့ စာအိတ်တစ်အိတ်ကို ထုတ်ပေးလိုက်၏။
" ဒီစာ ငါ့ဆီရောက်နေတာ ၁၀နှစ်လောက် ရှိနေပြီထင်တယ် ငါလည်း မနေ့က အိမ်ရှင်းတော့မှ ထွက်လာတာ။ တကယ်တော့ မင်းဆီကို လာတဲ့စာ။ မင်း မရှိတုန်း ငါက ကိုယ်စားယူထားပေးထားတာ။ ပြီးမှ မင်းကို ပေးမယ်ဆိုပြီး မေ့ပြီး စာအုပ်စင်ပေါ်တင်ထားမိတာ။ ဂျောင်ထဲကျသွားတယ်ထင်တယ်။ အခုမှ ထွက်လာတာ တကယ်တောင်းပန်ပါတယ်ကွာ "
YOU ARE READING
Lily of the Valley || Jayhoon ✔︎
Fanfiction- Jayhoon one short story written in Burmese ✓ - Unicode & ZawGyi Version ✓ [ Fun Fact ] Lily of the valley means the symbol of purity, joy, love, happiness , sincerity and luck, but sometimes, it can also symbolize sadness or pain due to a loss or...
