Unicode
ညို့မှိုင်းနေသော နေရာ ။ မြို့နှင့်အလှမ်းဝေး
ကာ မှိုင်းညို့အုပ်စိုင်းနေသော တောအုပ်ကြီးတွင် ဖြစ်သည်။ ဤနေရာတွင် ငှက်တချို့ ပျံသန်းသွားသည့် အသံမှ လွဲ၍ ပကတိ တိတ်ဆိတ်လွန်းရုံသာမက လူသူလည်း
ကင်းမဲ့နေသည် ။ သို့သော် ထိုနေရာဝယ် ဟောင်းနွမ်းနေသည့် စံအိမ်ကြီးတစ်လုံးသည် အေးစိမ့်စိမ့် အရှိန်အဝါဖြင့် ထီးတည်း
တည်ရှိနေသည် ။
ဖြူညစ်ညစ်အရောင်ရှိသော အုတ်ချပ်တို့တွင်
စိမ်းရင့်ရောင်ရေညှိတို့ ကပ်ငြိနေပြီး
အချို့နေရာများတွင် အုတ်ချပ်တို့ ပဲ့ကြွေ
အက်ကွဲနေသည် ။ သို့သော်လည်း
စံအိမ်ကြီး၏ ခမ်းနားခဲ့မှုကို မြင်မိသူတိုင်း
ခံစားရဆဲ ။ စံအိမ်ကြီး၏ ပြတင်းတိုင်းသည် ဖုန်တို့ ကပ်တွယ်ကာ အထဲကို ကြည့်မြင်ရန်
မလွယ်ကူပေ ။သို့သော်လည်း အပေါ်ဆုံးထပ် မှ မှန်ပြတင်းတစ်ချပ်သည် အခြားနှင့် မတူ
သန့်ရှင်းကြည်လင်လျက်ရှိသည် ။
ထို မှန်ပြတင်းရှိရာ အပေါ်ဆုံးထပ်တွင်
အဖြူရောင် ဖဲမွေ့ယာတစ်ခု ရှိနေကာ
ထိုဖဲမွေ့ယာပေါ်ဝယ် လူငယ်လေးတစ်ယောက်
သည် နတ်သမီးပုံပြင်များထဲမှ အိပ်ပျော်နေ
သော မင်းသမီးလေးအလား ငြိမ်ငြိမ်သက်သက် လဲလျောင်းအိပ်စက်နေသည်။ အသက်ရှူသံကား မှန်မှန် လှုပ်ရှားနေသော်လည်း လက်ဖျားလေးတွေမှအစ မျက်တောင်ဖျားလေးတွေ အထိတစိုးတစိမျှ မလှုပ်ရှားခဲ့ခြင်းသည် အမှန်တကယ်ပင် အိပ်ပျော်နေခြင်းပေလား ။
ဖြည်းညှင်းသော တံခါးဖွင့်သံနဲ့အတူ
အိပ်စက်နေသော လူငယ်လေးရှိရာ အခန်းသို့ တစ်စုံတစ်ယောက် ဝင်လာခဲ့သည် ။
ဝင်လာသူသည် လဲလျောင်းနေသော
ကောင်လေးနားသို့ လျှောက်သွားပြီး
ကောင်လေး၏ နဖူးပေါ်သို့ ဝဲကျနေသော
ဆံစတို့ကို သပ်တင်ပေးလိုက်သည် ။
" မှေးစက်နေတာကြာရောပေါ့ ချစ်သောရယ် "
ဆွေးဆွေးမြည့်မြည့် ရေရွတ်သူကား
ငွေမှင်ရောင် ဆံနွယ်တွေနှင့် အမည်တပ်မရ
သည့် အရှိန်အဝါတစ်ခု ရှိနေသည် ။ ထိုသူ၏
မီးခိုးဖျော့ရောင် မျက်စံတွေဟာ စူးရဲမှုနှင့်အတူ လွမ်းဆွေးမှုဟာ ရောနှောနေသည် ။
YOU ARE READING
Escape From The Oblivion
Fanfiction[Completed] PJM × JJK Don't try to remember about the chaotic past, just sleep in the Oblivion.
