السلام عليكم.. أنا اسمي ام علي، عمري فوق الخمسين، ساكنة في حتة قديمة شويتين، بيتنا بيت العيلة، البيت كبير وكلنا عايشين فيه، بيقولوا ان جد جد جدي هو اللي بنى البيت ده وانه اتعلم و درس على أيدين المشايخ، ايشي فقه وايشي شريعة وايشي طب وحاجة اسمها الفل...
كوتا:- لحظة.. اهوو.. لقيت صندوق بس مترب قوي.. حاسبي وشك بقى. ام علي:كح كح كح ايه كمية التراب دي. قالتها وهي تغمض عينيها من التراب، ونزل كوتا وهو يضع الصندوق على راسه، ويمسكه بيد واليد الأخرى يمسك بها السلم، ويحاول ان يتوازن وهو يكح:- كح كح كح عندي حساسية الحقوني. ديجا :- كدااب. كوتا:-انا نازل اهو.. يا خرابي ده تقييل كتير ام علي وعيناها تلمع🤩:- تقييل؟ أكيد فيه دهب.. استنوا اقفل الباب كويس. كوتا:- هههههه هو كل حاجة دهب دهب اللا! ام علي:اللا..اشمعنى الناس بتلاقي كنوز، اشمعنى احنا مانلاقيش؟! كوتا بضحك:- لا إحنا بنلاقي كتب وعلم، والعلم لا يقدر بتمن ياحلوة. مصمصت ام علي شفايفها وقالت:والدهب ماله، ده انا نفسي الاقي دهب، وافتح محل لابو علي ويقعد هو وعلي جنبي، هات انضف الصندوق. كوتا :-أهو على الارض. ام علي :- يلا اقعدوا جنبي نفتح الصندوق، ده مقفول..اكيد فيه كنز، هنفتحه ازاي يا كوتا؟ كوتا:- هاجيب شاكوش🔨. ام علي:- مافيش مفتاح فوق؟ كوتا:- لاا انا تعبت،مش طالع تاني.. أنا هكسره. ام علي:- لأ يمكن نبيعه ونستفيد، بص يمكن تلاقي. كوتا وهو مغلوب على أمره:- ياربي.. طالع اهو ام علي:- معلش يا ابني.. ها؟ لقيت حاجة؟ كوتااااا.. أنت ضعت جوه السندرة؟ لقيت المفتاح؟ وجد كوتا المفتاح 🗝️وألقاه لعمته التي تحت الصندوق قبل أن ينزل وهي تقول:- بسم الله الرحمن الله.. ده كتاب تاني. كوتا وهو ينفض ثيابه من الغبار ويجلس بجوارها وهو يقول:- ما كل الكتب برة، اشمعنى ده مقفول عليه؟ اكيد وراه سر. ديجا:- سر ايه يابو سر؟ كوتا:- اومال ايه يابو العريف؟!! ديجا:- قصدك ام العريف مش ابو العريف. كوتا😒:- ماتفرقش، انا رايح اغسل اديا علشان المحشي. ام علي بدون تركيز:- شايفين يا ولاد(وجدت ديجا وحدها تقف بجوارها) هو راح فين؟ ديجا:- شكله طفش، خلينا ناكل المحشي، انا جعت. ام علي:- طب استنى اغسل إيديا( عادت بسرعة بعد غسل يديها) يلا بسم الله قبل ما يرجع كوتا(بضحك) لو عرف كوتا إننا أكلنا المحشي من غيره هيتجنن. دخل كوتا وقد بدل التيشيرت المترب بآخر نضيف، وهو يصيح:- خيــانة.. المحشي. وهجم ليأخذ الباقي من طبق المحشي ويلتهمه بسرعة، ثم جلس بجواره وهو يلعق اصابعه من بقايا المحشي وهو يقول:- يلا نفتح الكتاب. ام علي:- انتو شايفين الكلام الغريب؟ كوتا:- ايييه ده؟ هو الكتاب متقطع كده ليه؟ ام علي:- حاسبوا سيبوا الورق ديجا:- علشان هو قديم قووي ام علي:- انا بس اللي المسه، ايديا خفيفة على الورق. ديجا:- عايزين نشوف احنا كمان. كوتا:- طب أقرأي كدة وسمعنا. ام علي:- ده في طلاسم مكتوبة!. كوتا:-ايه؟طلاسم؟!! ديجا:- ايه يعني طلاسم؟ ام علي:- الطلاسم هي رموز لكلام مش معروف، و بيستخدم في السحر، وفي ناس بتقول دي لغة الجن. ديجا:-طب خلينا نحاول نقرأوه،بليييز. ام علي:- بس دي لغة غريبة، مش عربي ولا انجليزي!!. كوتا:- يبقى يوناني. ام علي:- استنوا ايه الحشرة المرسومة على الكتاب؟؟. كوتا:- طب فرجينا طب.. مرسومة؟ دي هتلاقيها ميتة ولزقت. ام علي:- لا مش يوناني كمان. كوتا:- اومال اييييه؟ صرخ كوتا كلماته لان ديجا شدته من قميصه بقوة وهي تصيح:- عااااا حشرة اقتلها. ام علي:- دي حشرة فرقع لوز. كوتا لديجا:- يا بنتي دي مقتولة اصلا( إلتفت لعمته) فرقع ايه؟ ايش عرفك ده احمر مش اسود؟ ام على:- لا انا متأكدة دي حشرة فرقع لوز، بس النوع ده مش بيعيش هنا. كوتا:- اومال بيعيش فين؟ ام على:- اللا.. الكتاب.. كل ما اقول فرقع لوز بيهز. كوتا:- وضحـ... (لسة بيقول كانت عمته نطقت كلمة فرقع لوز، فإهتز الكتاب مرة أخرى) يامااااا هينفجر ولا ايه؟ طب فرقع لوز.. عااا بيهز.. طب فرقع لوووز 😁. ام علي:- الحشرة دي بتعيش بين الزرع، وبتطلع صوت زي الفرقعة لما تطير من زرعة لزرعة. كوتا😄😄:- الله.. حلوة الحركة دي،فرقع لوز. ديجا:-اقتلها ااااعاااااا. ام علي:- بس يا بنت حنان، دي الحشرة ميتة. كوتا:- 😤 اغنيهالك يا ديجا، ميتة ميتة ميتة. ديجا:- ااااه فهمت. كوتا:- هي ماتت وفضلت لحد ما طبعت عالكتاب وكأنها هي اللي تتحرك، بس اللي بيتحرك الكتاب مش الحشرة، عمتوو.. ممكن يكون هيلوغريفي ام علي:- لا مش هيلوغريفي، ده مكتوب بسم الله الرحمن الرحيم في بدايته، يعني بعد الإسلام، بس مكتوب اسم سيدنا النبي سليمان. كوتا:- يبقى المكتوب يبقى عربي، بس عربي بتاع زمان غير دلوقتي. ام علي:- بس في كلام مش عربي. كوتا:- طب سمعينا بيقول ايييه. ام علي 😒 :- هما قالولك عمتك تعرف الكفت؟.. استنى يا واد. كوتا:- طب ايه هنفضل باصيين كده كتير.. وسعي طب ابص بصة. ام علي:- ابعد دماغك الكبيرة من جوه الكتاب كوتا:- بت يا ديجا تعالي ناخد الكتاب ونهرب. ام علي:- بس ياواد. كوتا:- عمتو لحظة ابص. ام علي:- ها.. فهمت حاجه؟ كوتا:- ولاااا حاجة. ام علي:- طيب هو مش سيدنا سليمان كان ربنا مسخر له الجن؟ كوتا:- فعلا انا قولت ان العربي مختلف شوية. ام علي:- يعني جبت التايه ياخي. كوتا:- يعني ممكن تكون دي تعاويذ، استني اشوف. ام علي:- قصدك سحر؟ ديجا:- لا، ما اعتقدش. كوتا:- مكتوب قصة سيدنا سليمان والملكة إللي خد عرشها. ام علي:- بلقيس ملكة اليمن، انتو شايفين إنه مليان آيات من القرأن.. استنوا، استنوا، الكلام مش منقط. ديجا:- ايه ؟بلاش رعب. كوتا:- ما انا بقول كده من الصبح، العربي زمان غير دلوقتي. ام علي:- الكتاب مكتوب في زمن الامويين أوقبلهم.. أيون قبلهم، قبل زمن الخليفة عبد الملك بن مروان. ديجا:- ليه قبلهم يعني؟ ام علي:- لان في زمنه 3 علماء هما الفراهيدي ونصر بن عاصم ويحيى بن يغفر للخليفة عبد الملك ونقطا الكلام . كوتا:- انا عرف السبب لأنهم كانوا بيقروا القرآن غلط. ديجا:- ازاي يقروا غلط؟ ام علي:- اللي أسلموا بالفتوحات الإسلامية كانوا بيتكلموا بلغات تانية فما عرفوش يفرقوا بين الحروف المتشابهه، حاء وخاء وجيم شبه بعض والصاد والضاد وباقي الحروف، اخترعوا النقط علشان يفرقوا الحروف عن بعض،امممم كمان بصوا الصفحة دي مكتوبة بالعب يودي ياما ارامية او سومارية مش متأكدة. كوتا:- لا كده كتير، ده مكتوب بأكتر من لغة، هنفك شفرته ازاي؟ ام علي:- استنى يا واد انا هاركز على العربي، انا كنت غاوية اقرأ الكتابات الللي بدون نقط. كوتا:- ياريت. ام علي:- لا، لا، لا، مستحيل، مش معقول. كوتا:- ايه؟ بلاش جو الأفلام ده. ام علي:- مكتوب.. إن اخبار الزمان.. ستظهر للعيان.. كوتا مقاطعا:- ايه؟؟ ام علي:- بس يا واد خليني اعرف اركز. كوتا:- عاااااا يا ستي قوليها مرة واحدة على بعضيها ديجا:-انا مش فاهمة ام علي:- اخبار الزمان ستظهر للعيان لمن قدر على نطق الاسم المسحور من غير ما تقدر يده تدور. كوتا:- مين العيان ده؟ طب انا عيان🌚 وربنا ما فاهم🤪 ام علي:-😄 عيان معناها النظر للعيون للشوف يعني، وكمان مكتوب والنسيان نصيب الموصول. كوتا:- طب فين الاسم المسحور ده؟ بس عرفته،فهمت. ام علي:- استنى.. أما الواصل.. ايه؟.. مش باينه.. أما الواصل فله من الذكر مكان ومحرم عليه النقل او التغيير. كوتا:- ألغاز، ألغاز يا عمتو، بس انا فهمت. ديجا:- انا مش فاهمة اي حاجة. ام علي:بصوا يا عيال.. أنا ما خدتش لقب النكاشة من فراغ، انا هنكش في الكتاب الليلة وحدي وإن شاء الله خير، بس طلب اخير. كوتا:-ايه؟ ديجا:ايه؟ ام علي:- ماحدش يتكلم عن الكتاب ده لحد تاني ولا لأمك حنان يا خديجة،ولانه يمكن ماترضاش تجيبك عندي، وتبطلك من المدرسة شهر وتاخدك معاها. ديجا:لا لا لا مش هاقلها، مش عايزة اسافر امتحاني الاسبوع الجاي. ام علي:كوتا.. كوتا:- عيب، ابن اخوكي راجل. ..... يتبع user49531094
