In Love With An Old Mafia(Complete)

Part-1

"မင်္ဂလာပါ အကိုပိုင် ရှင့်"

"ဟုတ်ကဲ့ မင်္ဂလာပါဗျ"

သက်ပိုင် စင်အောက်ရှိ သတင်းထောက်မလေးအား ပြန်လည်နှုတ်ခွန်းဆက်လိုက်ရင်း ပြုံးပြ
လိုက်တော့ ထိုမိန်းကလေးကအနည်းငယ်ရှက်ရမ်းရမ်းသွားပုံ။

ထို့နောက် သူမက ကိုယ်ရှိန်သတ်လိုက်ရင်း တည်ငြိမ်စွာ မေးခွန်းများအား
ဆက်လက်မေးတော့သည်။

"အကိုပိုင်ရဲ့ မကြာသေးခင်ကမှထွက်ရှိထားတဲ့ I See Youဆိုတဲ့ Horrorစာအုပ်က ရောင်းမလောက်ဖြစ်နေတယ်ကြားတယ်။
အကိုစစထုတ်ချင်းတုန်းက အခုလိုအခြေအနေကိုကြိုတွေးထားခဲ့မိသေးလားရှင့်"

"ကျွန်တော်သာ ဒီလိုအခြေအနေကိုကြိုတွေးမိထားခဲ့မယ်ဆိုရင် အုပ်ရေများများထုတ်ခဲ့မိမှာပါ"

"နောက်ထပ်ကော ဘာစာအုပ်တွေထုတ်ဖို့ထပ်ရှိသေး..."

သတင်းမလေး၏ စကားပင်မဆုံးသေး
စင်အောက်တွင်ထိုင်နေသော သတင်းထောက်များအနက်မှ တစ်ယောက်က ရုတ်တရက်ထလာ၍ မေးခွန်းအားကြားဖြတ်မေးသည်။

"အကို နောက်ထပ်စာအုပ်ထုတ်ရင်ဘယ်လိုစာအုပ်ထုတ်ဖို့စီစဥ်ထားသလဲဗျ"

နောက်ပြီးတွင်တော့ တစ်ယောက်ပြီးတစ်ယောက် ကြားဖြတ်ကာ အစုလိုက်အပြုံလိုက်ဇွတ်မေးလာကြတော့သည်။

တဖျက်ဖျက်လက်နေသော ကင်မရာမီးများစွာကြောင့် သက်ပိုင်တစ်ယောက်ခေါင်းပင်မူးလာသလိုလို။

ထိုအခါသက်ပိုင်၏ မန်နေဂျာဖြစ်သူကစင်ပေါ်သို့တက်လာ၍ တည်ငြိမ်စွာပြောလိုက်သည်က

"ကျေးဇူးပြုပြီး တစ်ယောက်ချင်းစီဖြည်းဖြည်းမေးပေးကြပါ။
မေးစရာရှိပါက လက်ထောင်ပေးပါ"

မန်နေဂျာ၏စကားကြောင့် သတင်းထောက်တိုင်းကငြိမ်ကုန်ကြ၍ သူ့ခုံကိုယ့်ခုံတွင်ကိုယ်စီပြန်ထိုင်နေကြသည်။

သက်ပိုင် သူ၏မန်နေဂျာအားစိတ်ထဲကနေကျေးဇူးအကြီးကြီးတင်လိုက်မိပါ၏။

"မေးလို့ရပါပြီ"

မန်နေဂျာဆီမှ ထိုကဲ့သို့အသံထွက်လာသည်နှင့်တပြိုင်နက်
သတင်းထောက်တိုင်းကလက်အားအပြိုင်အဆိုင်ထောင်ကြသည်။