كل الامان في حُبك وكل الاماني قربك

B 13 - 14

اتجهوا البنات عند ريهام يخففون عليها التوتر بِحُكم انها م تعرف عاداتهم و غيرها
-
كانت بيان لابسه فستان لونه اسود و عليه ريش من على الصدر و لابسه اكسسوارات لونها فضي وجمالها يبرقق و مسويه بشعرها تسريحه خفيفه و كعب خفيف لونه احمر
-
و انفال و أميره لابسين فساتين طقم لونها وردي فاتح مع اكسسوارت ذهبيه و فاتحين شعرهم وكعب لونه ابيض
-
سُميه
لبست تيشيرت لونه بُني فاتح على جاكيت لونه زيتوني و تنوره قصيره لونها زيتوني عليها حزام بُني مع شنطه بُنيه ولبست اكسسوارت فضيه وفتحت شعرها ولبست كعب بيجي
-
اريام و ديم
اريام لبست فستان لونه سماوي مع كعب ابيض و فتحت شعرها و تكشخت ب اكسسوارتها الفضيه اللامعه
و ديم نفس الحال لبست فستان سماوي عليه ريش على اليد مع كعب خفيف ابيض و سوت بشعرها ذيل حصان
-
الجوهره لبست فستان لونه سُكري عليه خرز لونه ابيض وجمالها الي عجز الكل عن وصفه ولبست كعب لونه فضي مع اكسسوارت فضيه و فتحت شعرها و سوت فيه تسريحه خفيفه
-
ندى
لبست تيشيرت لونه سُكري على شورت اسود تحته هيلهوب اسود وجاكيت طويل معلق على كتفها ولبست اكسسوارات ذهبيه و سوت بشعرها ويفي
-
سُميه : لا اله الا الله وش ذا الجمال ي رييهاام
ابتسمت ريهام وقالت : ي حبيبتي والله الجمال كله فيكم
قربت سُميه و جلست جمب ريهام وقالت : ي حبيبتي اسمعي لا تخافين حنا زي خواتس و الفهد رجالاََ كفو وان شاء الله يكون لتس سند و ذخر
ريهام : يحياتي امين يارب
اريام : قوموا نرقصص
ضحكت اميره وقالت : يحياتي جوجو و بيون ما يقدرون يرقصون
نظراتها بيان و قالت : ومن قال اني ابي ارقص
الجوهره : وهي صادزه
و اتجهوا البنات يرقصون بحماس وعند الجوهره و بيان
لمياء : عرفوني عليكم من جوجو ومن بيان
( تعريف بسيط *
لمياء : اخت ريهام الصغيره عمرها 19 )
ابتسمت الجوهره وقالت : انا الجوهره او جوجو زي م تقولون
لمياء : ماشاء الله وش تصيرون لهم؟
الجوهره : انا بنت خالتهم
بيان : وانا بنت خالهم واكون زوجة الخلف
هزت رأسها بمعنى فهمت
بعد م خلصوا رقص و سوالف و ضحك و اخييرا
اميره : اهه رجولي تكسرت معاد احس فيها
انفجرت الجوهره ضحك وهي تشوفهم : اي محد قالكم
سُميه : اهم شي طلعنا الطاقه الي فينا
الجوهره : فنو تكفين جيبي جوالي في الصاله الثانيه
انفال : ابشري
الجوهره : حبيبي تبشرين بالجنه
اخذت الجوهره جوالها تتصل على الذياب وكان جواله مقفل
الجوهره : بيون تكفين اتصلي على زوجتس و قولي له يقول ل ذياب يفتح جواله
بيان : تمام
اخذت بيان جوالها و اتصلت عليه ورد عليها
خلف : أرحبي يادهر قلبي و رجعانه
ابتسمت بيان وقالت : البقى يابعد هالدنيا
خلف : امريني ؟
بيان : شسمه ذياب عندك ؟
خلف بنبره حاده : وش تبين ف الرجال ؟
ضحكت بيان وقالت : م ابي شي بس قل له يفتح جواله
خلف : مانيب قايل لين تقولين ليه ؟
بيان : شسمه زوجته صار لها ساعه تتصل عليه و جواله مسكر قل له يفتح
خلف : احسب بعد
بيان : وش ابي فيهم وانت معي
خلف : لا لا كذا كثير على قلبي
ضحكت بيان وقالت : بسم الله على قلبك
خلف : لعبتي بهالقلب
ابتسمت بيان وقالت : اقول بس بطفي ازعاج
-
طفى خلف و اتجه عند ذياب : بالذيب اسمع
ذياب : لبيه سم؟
خلف : عدوك يسم بس شسمه توه حَرمي متصله و تقول حَرمك متصله عليك و جوالك مسكر و تبي تكلمك
ذياب ب استغراب : اها تمام مشكور
خلف : ابد م بيننا
رفع ذياب جواله و رجع اتصل عليها : أرحبي ياجوهرة قلبي وتفكيره يالذة دنيتي الحلوه و سكرها
ابتسمت الجوهره و قالت : البقى
ذياب : عسى ما شر
الجوهره : ابد بس شسمه مطولين؟
ذياب : والله مدري بس الظاهر انه شويات و نخلص
ليه تعبتي؟
الجوهره : الصراحه ايه تعبت بس خلاص دامه شويات نصبر
ذياب : افاا تتعبين وانا موجود الحين نرجع
ضحكت الجوهره وقالت : لا والله ما نرجع اجلس
ذياب : طيب اسمعي ٥ ولا ١٠ دقايق ب الكثير و نرجع
الجوهره : براحتك
-
اتجه خلف عند العيال : سلوم اخوياك جوو؟
سالم : ايه
خلف : منهو فلاح الي ابلشتنا فيه
ضحك سالم و قال بصوته الحاد : فلييحح
فز فلاح على صوته : لبيه
سالم : لبيت حاج بس تعال شوي
تقدم فلاح و مد خلف يده يسلم
سالم : هذا الشيخ
ضحك خلف : الله يصلحك معاك الخلف
فلاح : ونعم معاك فلاح
احتدت نبرة صوته وقال : م عليك زود
انسحب خلف ب هدوء و راح ل سعود وقال : علامه الحلو زعلان ماله حس ولا خبر
سعود : والله مدري وش اقول لك يخوك بس نفسيتي ماش
خلف : افا ليه؟
سعود : والله مدري انت انسي م عليك
خلف : عامر و سعيدان قوموا نلعب مع الرياجيل عانو عبدالرحمن ماشاء الله عليه قام اولنا
عامر : قدام
قاموا العيال الي بدأوا يعرضون و عبدالرحمن الي يلعب ب السيف بدقه و حده وفن وهيبه
-
عند البنات
بيان : بترجعين؟
الجوهره : ٥ ولا ١٠ دقايق تقريبا خلاص تعبت وربي
اميره : إذا جوجو بالشهر الخامس و تعبانه ف مابالكم بيان ب نهاية السابع
بيان : والله صاادزهه
-
بعد سوالف و ضحك و سوالف الساعه 2:30 تقريبا
غيداء : جوجي يلا ذياب جاء
( تعريف بسيط *
غيداء : اخت ذياب الصغيره عمرها 18 )
الجوهره : تمام ياحبيبتي علمتي خالتي؟
غيداء : يب بترجع مع ابوي
الجوهره : تمام
بيان : يلا يعيوني سلاام
الجوهره : يلا حبيبي علمي الباقي
بيان : تم
-
طلعت الجوهره وشافت ذياب الي حاط السيجاره على طرف شفايفه ابتسمت و ركبت للسياره زفر ذياب و رمى السيجاره وقال : هاه يقلبي عسى استانستي
الجوهره : اي والله اني استانست بس تتععبب اهخ ودي بس ارجع و احط راسي انام
ضحك ذياب وقال : ابشري هالحين نرجع و تنامين ف حضني بعد
-
عند الفهد و ريهام ف الفندق :
ريهام كانت م تدري وش تسوي قالت بهدوء : فهد
فز فهد وقلبه يدق بسرعه بحكم انه اول مره يسمع صوتها ابتسم وقال : لبيه ؟
ريهام : افتح الفستان
قرب فهد وهو يفتح لها وهي تحس ب يده البباااررددهه
اتجهت ريهام للحمام ( يُكرم القارئ ) اخذت لها شور و طلعت تبدل ملابسها لبست ال بجامه الي لونها سُكري و فتحت شعرها و حطت لها مكياج خفيفف
جلست قدام فهد و ابتسمت
قال فهد : تبارك الرحمن والله م دريت اني باخذ لي هالزين كله
ضحكت ريهام وقالت : ولا انا
ابتسم فهد وقال : عشاء؟
ريهام : تم
و جلسوا يسولفون و يتعرفون على بعض اكثر و اكثر و بعد ضحك و سوالف اتجهوا للنوم و نامت ريهام بحضن فهدها
-
وعند بيان ف الغرفه
بيان : اهه والله ان جوجو صادززهه تعبب
دخل عليها خلف وهو يضحك قال : من ويش تعبانه
بيان : من ولدك من وشو بعد
انصدم خلف وقال : ولدك ؟
ضحكت بيان على ردة فعله بحكم انه مو عارف ان الي ف بطنها ولد : ايه يروحي ولدك
خلف : في ذذذمتتسس ولدد
بيان : ايي والله يعني بتسذب عليك
ضمها بفرح لما عرف : ييااببعدد هاللدننيياا جعلني م انحرم لا منتس ولا منهه
بيان : ولا منكم
-
و فبيت ذياب و جوهرته
دخلت الجوهره للغرفه تبدل و اخذت لها بجامه لونها سماوي و مسحت مكياجها وفتحت شعرها و حطت رأسها وكان ذياب منسدح يتأمل جماللهاااا
ذياب : تعالي عندي
الجوهره : اقول حط راسك ونام
ذياب : يعني م تبين
الجوهره ضحكت وقالت : ايه مابي
لف ذياب بـ مزح وقال : زعلت خلاص
لفت رأسها بهدوء شافته حاط راسه ونام ضمته وقالت : ذيابيي
ضحك ذياب الي كان يمثل النوم وقال : عيونه و روحه و قلبه وكل دنيته
الجوهره ابتسمت وقالت : احببَك
ذياب : اعششقتسس يابعد ذياابب
الجوهره : خلاص رضيت يلا نام
ذياب ضحك وقال : بس تجين ولا مراح ارضى
وناموا اخيرا بعد صراع و ضحك
-
اليوم الثاني و فبيت ابو سلطان تحديداََ
عند الفهد و ريهام
فهد : ريهاام
فزت ريهام على صوته وقالت : لبييه لبيه
فهد : لبيتي حاج بس اللبسي و خلصي نفستس رايحين ل اهلي
ريهام : ان شاء الله
اتجهت ريهام بكل سرعه تفرفر ف ملابسها و اختارت فستان هادي لونه ابيض و اكسسواراتها الذهبيه و لبست عبايتها و اتجهت للسياره علطول
-
نزل خلف عند العيال ب الحوش : وش العلم
وليد : ابد والله الفهد و حَرمه جايين
خلف : طيب شسمه من ب الصاله
عبدالرحمن : امي و البنات
قام خلف وكان يحاول يلمح بيان بس لقى اميره وهمس : اميييررهه اممورر
فزت اميره على صوته وقالت : وشوو
خلف : وينهي بيان
ضحكت اميره وقالت : منت قادر بدونها
ضرب كتفها وقال : خلصيني
اميره : والله يقلبي البنت ماهيب فاضيه لك مشغوله
خلف : اذلفي ما منتس فايدهه
تقدم خلف مسرع و ركب للسياره و اتجه للشركه علطول
-
وف الشركه :
غيث : وااناا اقول ليه الشركه منوره اثاريه خلييف جااء
مسعود : امشي نروح له
احمد : لاا اهجد خلف إذا كان يشتغل م يحب احد يشتته
غيث : امشي بس نبارك له
احمد : شسالفه
ضحك مسعود وقال : خليف صار الرئيس التنفيذي
شرق احمد وهو يشرب القهوه وقال : ووشووو وشوو
ضحك غيث وقال : صحه صحه
احمد : في ذمتك
مسعود : اي بالله
احمد : غغيثثووو ي الخاين انا و مسيعيد مالنا شي؟
مسعود : لا مشكوور يكفي اني المدير الإداري
احمد : كلتبن امشي بس
تقدموا العيال ل مكتب الخلف و دقوا الباب
خلف : تفضل
غيث : ي مرحبا ي مرححبباا لك فقده والله
خلف : الظروف شنسوي يخوك
مسعود : جينا نبشرك
ضحك خلف وقال : بشر ي مسيعييد بشر
مسعود : مبروك صرت الرئيس التنفيذي
فتح عيونه بصدمه وقال : لا عاد
غيث : اي بالله
قرب غيث وهو يضمه بكل حب : تستاهل يخوك تستاهل
ضمه خلف وهو يطبطب على ظهره : تستاهل الطيب ي مديرنااا
طلعوا العيال من مكتب خلف و خلف خلص اشغاله و ركض بكل سرعه للبيت يبشرهم
-
ف البيت عند البنات تحديدا بعد قدوم ريهام وبعد سوالف
ريهام : طيب عرفوني عن شخصية عمي و خالتي؟
عائشه : والله شوفي خالتي طيبه و حنونه مرهه بس اذا ففصصلت فصلت
سُميه : و ابوي يا طويلة العمر انسان عصبي عصبي ب معنى الكلمه يعصب على كلشي حتى اتفه الأشياء و م يحب التأخير كلشي يبيه ف وقته رغم ذلك طيب و يحبنااا مرهه ولا يرضى علينا
ريهام : وش مسويين انتم ليه عصبي كذا هههههههههههههههههههههههههههههههههههههههههههههههههههههههههههههه
اميره : سبحان الله
-
بعد م وصل خلف دخل ركض من الباب الخلفي لغرفته و رفع جواله اتصل على بيان
ردت عليه بيان : يهلااا ب حبيبيي المختتفيي
ضحك خلف وقال : اطلعي فوق
بيان : تم
طلعت بيان للغرفه و فتحت الباب لقت خلف جالس ب الكرسي تقدمت و جلست جمبه
ابتسم خلف وقال : ابشرك
بيان : بشرررر
خلف : أول شي وش ذا الزين الي فاتني؟
بيان ب احراج : يوه خليف اخلص
باسها على كف يدها وقال : صرت الرئيس التنفيذي
شهقت بيان بصدمه : امااننهه
ضحك خلف بصدمه وقال : بسم الله وش فيتس تراتس حامل نسيتي ولا وشو
ضمته بيان بفرح : تستاهل ياعييوونيي تستاهل اككثرر
خلف : تستاهلين الطيب يابعد هالدنيا
بيان : طيب علمت احد؟
خلف : لا بالله باقي انتي اول وحده
بيان : متى ناوي تعلمهم
خلف : هالحين مقدر بعدين تدرين الكل مشغول الحين
بيان : تمام
خلف : يلا اسمعي انا مستعجل هالحين العيال يبوني
طلع ركض للخارج من الباب الخلفي ابتسمت بيان وهي تشوفه وقالت : استودعك الله الذي لا تضيع ودائعه
نزلت بيان و اتجهت الصاله
-
وعند العيال
سعود : يمرحبا
خلف : البقى
وليد : هاه خلصت
خلف : اي والله خلصت الحمدالله
-
ف الليل و ف الحوش تحديدا فبيت ابو سلطان
خلف بصوت عالي : ييولددد
ام سلطان : قوموا ي بناتي ادخلوا
قاموا البنات و اتجهوا للصاله
ام خلف : ادخل يوليدي ادخل
دخل خلف و سلم على خالاته و جلس
ام سلطان : وش معاك
ضحك خلف وقال : بشاره ي جده جعلني فداس
ام فهد : بشر بشر
خلف : ثواني بس بنادي العيال يجون و بقول لكم
جوو العيال و جلسوا كلهم
سالم : بشر بشرر
خلف : ابشركم صرت الرئيس التنفيذي
شهقوا كلهم بصوت واحد و بصدمه جماعيه و ضحك خلف على أشكالهم نط سعود و ضم خلف بفرح : مبروك مبروك تستاهل كل خير
خلف : الله يبارك فيك
و بدأوا كلهم يباركون ل الخلف و مع سوالف و ضحك و غيره اتجهوا كلاََ منهم على غرفهم
-
عند الفهد و ريهام
فهد : عسى استانستي معهم
ريهام : ااييهه مره يههبلوونن
فهد : الحمدالله
دخلت ريهام تبدل ملابسها و اخذت لها بجامه لونها وردي مع شورت قصير و سوت بشعرها ذيل حصان و جلست تسولف مع الفهد الي ضايع في جمالها و اناقتها
و حطت رأسها و نامت ف حضنه
-
من الصباح و فبيت ابو سلطان على هواش مشاري من الصبح : ققومممووااا ورااءكمم مدااررسسس و جاامعااتت جعلككمم ال ماننيببب ققااييلل
سالم : جيت جييت
ام فهد : سُميه ي بنيتي اعججليي
سُميه : استغفرالله العظيم جيت مشينا مشينا
ابو فهد بغضب : الباقي
ام فهد : الله يهداك ي مشاري ماله داعي العصبيه الباقي جايين مع الفهد
ابو فهد : أبركها من ساعه
طلع ابو فهد و طلع سالم و سُميه معاه
-
وعند ريهام و الفهد
فزت ريهام بعد م حست ان فهد قام و شافته يلبس ثوبه
لف عليها فهد و شافها منسدحه و تناظره ابتسم وقال : اسمعي ياحبيي انا طالع اوديهم مدارسهم و جامعاتهم طيب
ريهام : تمام انتبه لنفسك
نزل فهد مسرع لأنهم تأخروا
سعود : اخيرا م بغينا
فهد : بسرعه بسرعه الباقي وين
عائشه : كلنا هنا مشينا يلا
فهد : قدام
طلعوا كلهم و ركبوا للسياره مع الفهد
-
وعند سالم ف الجامعه مع اخوياه :
فلاح : يوهه شف الشله ذيك توهم جايين و يدورون مشاكل مع خلق الله
سالم : تصدق والله من شفتهم وانا مو مرتاح لهم
راكان : عاانن ذاك كيف يناظر فينا ودي اروح اصفقه بكف هالحين
انفجر عبدالله ضحك وقال : اخخ والله انك صادزز يناظر فيك يعنني خافوا مني
راكان : امش ودي اتهاوش معهم
عبدالله : لا صدز عشان ابوي و عامر يهاوشوني
سالم : اركدوا م نبي هواشات إذا صار شي ذيك الساعه نتفاهم معهم
فلاح : صح لسانك
و عند الشله الثانيه :
احمد : اسمعوا والله ذول مو عاجبيني
خالد : صراحه ولا اناا ذاك بذات م ارتحت له
حازم : امشوا امشوا نشوف شعندهم
تقدموا لعندهم و بدأوا ب نظرات استفزاز
راكان : نعم ي الحبيب ملخبط ولا وشو؟
عيسى : لا ابد جايين نشوف شوضعكم بس
تقدم حازم وبدأ يقرب من فلاح و وقف ف وجهه سالم : على وين هاه
حازم : شعندك ي المحامي خف علينا
اخذ سالم نفس وقال : يبوي اقطع الشر و اذلف مانبي مشاكل وانتم توكم جدد
عيسى : من وش خايف ي حبيبي
عبدالله : لا انت ناوي عليها من ربك
احمد : ايه ناويين عليها وش بتسوي علمني
و بدأوا يتصافقون لين م جاء المدير و سحبهم للمكتب : بزارين انتم ولا وش و تتهاوشون هنا قدام العالم م عندكم عقول
فلاح : م عليك عندنا عقول بس الظاهر غيرنا م عندهم
احمد بنبره حاده : اقووولل
المدير : وانتم توكم طلاب جدد من البدايه تسوون كذا
عيسى وهو يمثل دور البريئ : وش سوينا حنا هم الي بدوا
سالم بصدمه : ابن ابوي صدزز
فلاح : تسذذووبب ذاا
حازم بنظرات قرف قال : والله مو منكم من اللهجه ذي
احمد : اي والله صادق
المدير بصوت عالي : خلااص حتى انا م احترمتوني اقول سالم والي معك الحين تعطوني أرقام أولياء اموركم
ضحكوا عيسى والي معه و لف عليه المدير ب ابتسامه : وانتم بعد هاتو الأرقام
عبدالله ب استفزاز : ههههااهااييي
المدير : ارجعوا فصلكم و شغلكم بعدين
-
وفبيت ابو سلطان تحديدا ف الحوش عند الرياجيل الي كانوا مستمتعين ب الأجواء مع السوالف فجأه يرن جوال ابو فهد !
ابو فهد : لا اله الا الله ويش يبي ذا بعد
ابو خلف : منهو
ابو فهد : اصبر اشوف ... الو
المدير : السلام عليكم
ابو فهد : عليكم السلام
المدير : معاي ولي أمر سالم بن مشاري آل علي ؟
ابو فهد : هالله هالله
المدير : تقدر تجي
ابو فهد : وش العلم
المدير : ولدك متهاوش و مكفخ لنا عيال هنا
ابو فهد : ابو فهد وانا ابوه
المدير : المهم الي علي قلته و الباقي عليك انك تجي
ابو فهد : حصل خير
ابو خلف : وش العلم يخوك
مسك ابو فهد راسه : ي سلطان توه المدير حق جامعة سلوم متصل عليي يقولون ولدك مكافخ له العيال ب المدرسه
ضحك ابو سلطان وقال : استهدي بالله ي مشاري سالم ولدك وانا اعرفه م يسوي تسذا الا بسبب
قام ابو فهد و اتجه بكل سرعه
بعد م وصل ابو فهد لمح محمد و ابو عامر و استغرب تقدم يسلم عليهم : وش عندكم انتم بعد
ابو عامر : والله عبدالله متهاوش هنا و اتصلوا عليي يبوني اجي
ضحك محمد وقال : الظاهر العيال متفقين مع بعض لان حتى انا راكان اخوي مسوي بلوى
ابو فهد : شكله النظام تسذا
دخلوا كلهم مع بعض و لقوا راكان و عبدالله و سالم و فلاح جالسين ع الكراسي و قدامهم الشله الثانيه
ابو فهد : السلام
المدير : عليكم السلام اجلسوا
فلاح : يويلنا ويلااه
سالم : انا ابوي بيذبحني خلاص دعواتكم لي
ضحك عبدالله وقال : لا م عليك دامهم جوو مع بعضهم الظاهر ذبيحه جماعيه
ابو عامر : اصبر عليي بس
المدير : انا قلت لهم كلشي هذولا هم خذوا عيالكم و توكلوا
ناظر ابو فهد المدير بغضب وقال : ناديتنا عشان تقول لنا تسذاا
المدير : ايه و عطيتهم فصل يومين
ابو فهد : أبركها من ساعه
ضحكوا العيال على ردة فعل المدير الصادمه
محمد : ياعم هدي هدي
ابو عامر : اطلعواا اطلعواا
عبدالله : سم
طلعوا كلهم و ركب كل واحد مع ابوه
سالم : يبه اسمع
ابو فهد : اسمع وشو هاه بعد
سالم : اسمع اقولك السالفه
ابو فهد : صار الي صار خلاص يسالم
-
عبدالله : يبوي اسمع والله حنا مالنا ذنب بس هم الي بدوا
ابو عامر : وانتم م تكبرون عقولكم و تسكتون
عبدالله : لا والله م نسكت يبي يمد يده على خوينا
ابو عامر : وانت جاهز تفزع
ضحك عبدالله وقال : ايه
ابو عامر : الله يهديكم بس
-
عند بيان و الخلف :
بيان بصراخ وهي تقول : ييالخخلفف والله اني بوولدد
قام خلف وهو منخرش : هااه بسم الله وشو
بيان : ناادد خاللتيي
طلع خلف مسرع يعلم امه : يمهه يمه
ام خلف : بسم الله وش بك
خلف : يمه الحقي بيانن بتولد علينا
ركضت ام خلف عند بيان وتشوفها تبكي من الألم : وش فيتس ي بنيتي
بيان : يخالهه والله بولدد
ارتبكت ام خلف وقالت : جهز السياره و امشوا للمستشفى بسرعهه
لبستها ام خلف عبايتها و طرحتها و مشوا مسرع للمستشفى و كانوا خلف و أمه متوترين بشكل مو طبيعي
خلف : يمه والله خايف يصير لهم شيي
ام خلف : استهدي بالله و تعوذ من الشيطان ماعليهم شي ان شاء الله
خلف : طيب اعلم أهلها ولا نصبر شوي
ام خلف : اصبر لين يطلع الدكتور بعدين نعلمهم
خلف : طيب زين
بعد تقريبا ٢٠ دقيقه ب الكثير طلعت الدكتوره
خلف : هاه بشري ان شاء الله خير؟
الدكتوره : الحمدالله على السلامه
خلف : الله يسلمس
الدكتوره : الحمدالله ولدت و جاكم ولد
ابتسم خلف بفرح وقال : طيب هي بخير؟
الدكتوره : ايه نعم
خلف : طيب اقدر اشوفه
الدكتوره ايه تفضل للحضانه
و راحت ام خلف عند بيان و الخلف يشوف ولده
دخل و قالت له مكانه وكانت دموعه تنزل من الفرح ما كان مستوعب بيوم يصير اب قرب وهو يشوف ولده : يزيينوو زيينااهه تبارك الرحمن
خمس دقايق و طلع خلف و اتجه مسرع ل بيان دخل و قرب يبوس رأسها بِحُب : الحمدالله على السلامه
بيان ب ابتسامه : الله يسلمك
ام خلف : شفته ؟
ضحك خلف وقال : اييهه يمه شفتهه صغييرر مره
ضحكت ام خلف وقالت : م عليك بيكبر ان شاء الله
خلف : يمه انفداس ابوي برا
ام خلف : تمام ي حبيبي انتبه لها
خلف : ابشري
بيان : ابي اشوفه اناا بعد
خلف : اصبري ياعين ابوي انتي لازم ترتاحين هالحين و بعدين يوم بنطلع تشوفينه
بيان : يوهه لازم
خلف : ايه لاازم اصبري
بيان : طيب وين أهلي م شفتهم
خلف : اوهه صح نسيت اعلمهم ثواني بس
رفع جواله و اتصل على عامر يبشره : أرحب مليون
عامر : البقى يخوك
خلف : ابشركك
عامر : بشر بشرر
خلف : بتصييرر خالل
عامر : في ذمتك بيان ولدتت
ضحك خلف وقال : ايه جانا ولدد
عامر : الله يبشرك بالجنه الحمدالله على سلامتها و يتربى في عزكم
خلف : امين يارب
عامر : طيب وينكم فيه هالحين
خلف : ب المستشفى شويات و نطلع
عامر : طبعا اكيد بيان نازله عندنا؟
خلف : ان شاء الله
بعد مرور ربع ساعه تقريبا طلعوا من المستشفى بعد م خلصوا كل الإجراءات و غيره
خرجت بيان و دموعها على خدها مو مستوعبه انها ماسكه ولدها بيدها ركبت للسياره
خلف ضحك وقال : يتربى ف عزناا
بيان ابتسمت بهدوء وقالت : امين يارب
خلف : طيب وين عندي ولا عند اهلتس؟
بيان : اول شي بنزل البيت خلني اللبس و اخلص نفسي و انزل عند خالاتي و جدتي بعدها نحرك ل اهلي
خلف : زين
وصلوا للبيت و دخلت بيان من الباب الخلفي
و طلعت لغرفتها و معها ولدها دخلت و حطته بهدوء على السرير و دخلت للحمام ( يُكرم القارئ ) و بدأت تغسل وجهها بعد تعب و إرهاق و خرجت تبدل لولدها ملابسه و بعدها فتحت الكبت و بدأت تفرفر ف الملابس تدور لها شي خفيف و اخذت لها مخور لونه ابيض ماسك على البطن و واسع من على اليد و فتحت شعرها و سوت لها تسريحه خفيفه و لبست الساعه الي جتها هديه من خلف و اكسسواراتها و قربت تجلس قدام المرايه تحط مكياجها طلعت روجها و بدت تتكشخ و غيرها حطت الشيله احتياط و مسكت ولدها و نزلت للأسفل و صادفت البنات الي جالسين ب الصاله يسولفون قالت : بناتتت اناا جييت
فزوا البنات عليها و نطوا كلهم يسلمون عليها و يشوفون الطفل
اميره بحنيه : ودللبسسس
سُميه : يويلييي خلف والله انه خلفف
اريام ابتسمت وقالت : بسم الله ماشاء الله
ضحكت ريهام وقالت : والله صاادزهه بس فيه لمحه من بيان
ضحكت بيان وقالت : سبحان الله
اريام : يتربى ف عزككمم
بيان : امين يارب المهم بنات شسمه وين خالاتي وجدتي؟
سُميه : والله راحوا يعزون وحده من أقارب جدتي متوفيه الله يرحمها
قالوا كلهم بصوت واحد : الله يرحمها
بيان : يقلبي الله يرحمها بس شسمه الحين وش اسوي اقعد ولا اروح ل اهلي ولا وش اسوي
اميره : عادي يعيوني روحي ل اهلتس هم يجون لتس او انتي تعالي لهم بكره
بيان : طيب علمي خالتي بعدين اني الأسبوعين ذي بكون عند اهلي
سُميه : م عليتس تطمني انتي
-
عند العيال ب المجلس
سعود : يتربى بعزكم الشيخ
خلف : امين يارب
فهد : محد توقع خليفان بيوم يصير ابوو ياسلام
خلف : جاي دورك هههههههههههههههههههههههههههههههههههههههههههههههههههههههههههههه
ضحك فهد وقال : يتربى ف عزكم
خلف : امين امين
سعود : رايح؟
خلف : اي بالله بوديها عند اهلها
فهد : حفظك الله
طلع خلف و ركب للسياره و انتظر بيان لين جت ركبت للسياره
بيان ابتسمت وقالت : شرايك ب الاوتفت
لف عليها خلف و ابتسم وهو ضايع في جمالها و اناقتها : وش اقول ووش اخلي من يومتس تهبليين
بيان : ياحبيبي والله
بعد مرور خمس دقايق من السوالف و الضحك
خلف : فبالتس اسم؟
بيان : بما انه مشوارنا طويل بعطيك اسامي و شف وش الحلو على م نوصل
خلف : تم
بيان : ناصر ؟
خلف : غيره
بيان : إياد ؟
خلف : لا لا
بيان : ليث ؟
ضحك خلف وقال : الله يذكره ب الخير بس لا
بيان : يوه والله حلو وش بك
خلف : سيف بن الخلف بن سلطان آل علي
بيان : اوف والله حلو
خلف : يعني تم ؟
بيان : امممم اقولل تم
خلف : طيب اصبري انتي الحين مطوله عند أهلتس؟
بيان : المفروض مطوله بس بقعد اسبوعين و ٣ وجايه
خلف : وشلون بصبر انا كل هالفتره بدونتس
ابتسمت بيان وقالت : وشو بدوني تراك بتجيني كليييوم
خلف : دام الوضع كذا اجل تم
نزل خلف أغراضها لعند أهلها
ونزلت بيان وهي تضحك نزل خلف الدريشة وقال بصوت عالي : انتبهي لنفسس ولولدس
لفت بيان على صوته و أشرت على خشمها
ابتسم خلف و اتجه يجهز كلشي يخص ولده ( سيف )
-
عامر : ييهلاا و مرححببااا
بيان : عموررريي البقىى ياعيوننييي
عامر : ادخلي ادخلي
دخلت بيان و بدأت تسلم على أهلها ومن ذي السوالف
بيان : وين عبود اشتقت له
ام عامر ضحكت وقالت : زعلان فوق
بيان : افا ليه
ام عامر : متهاوشين هو و اخوياه ب الجامعه مع طلاب جدد و عطوهم فصل يومين و استدعاء و الخرابيط ذي و عامر اخوتس هاوشه وزعل
بيان : عامرر ليه حرام عللييكك
عامر : إذا م هاوشته بيعيد و يزيد
بيان : يمه امسكيه شوي بروح اشوف عبود
عامر : لا لا جيبيه عند خالهه
طلعت بيان تشوف عبدالله دقت باب غرفته : عبدالله
فتح عبدالله الباب وشاف بيان قدامه ضمها بفرح و شوق : يامررحبببااا يعين عبدالله و روحه
بيان : البقى يعيوني بس شسمه زعلان؟
عبدالله : من؟
بيان : عامر؟
عبدالله : انسي يخيتي بس وين ولدس
بيان : تعال شف تحت
نزل عبدالله بكل حماس و قرب يجلس جمب عامر و يشوفه : وااهه ماشاء الله نسخ لصق خلفف
ام عامر ضحكت وقالت : والله صادز
بيان : يعني م يشبهني
ضحك عامر وقال : يشبهتس ياعين اخوتس بس الشبه اكثر راح ل ابوه
بيان : م علينا
عبدالله : وش سميتوه
بيان : سييف
ام عامر : عاشت الاسامي
عامر : ليه م سميتوه عامر على خاله هههههههههههههههههههههههههههههههههههههههههههههههههههههههههههههه
بيان : والله شف الاسم تحت إشراف الخلف هو الي اختار
عبدالله : اهم شي عاجبتس؟
بيان : ايه م عليك عاجبني مره لايق
عبدالله : عامر عطني ابي امسكه انا بعد
عامر : مااننيب معطيك
بيان : يمهه عاااني قصيت شعري من تحت شويي
ام عامر بصدمه : وششووو
عامر : ابن ابوي صدز
ام عامر : تبيني اذبحتس انتي ولا ويش
بيان : يمه والله شوي وش فيتس
ام عامر : استغفرالله العظيم واتوب اليه
همس عبدالله وقال : يويلتس ويلاه
-
و فـبيت ابو فيصل :
ام فيصل : ديميي اسمعي ي بنيتي هاليوم جايينا ضيوف تعالي نرتب البيت و نسوي الاكل
ديم : اي ضيوف بعد
ام فيصل : اقول ساعديني وبس
ديم : سمي
ابو فيصل : وش معاككم
همست ديم ل حسين وقالت : حسوون تدري من جاي؟
حسين : لا بالله انتي تدرين؟
ديم : لا تستعبط عليي الحين لو ادري م راح أسألك
حسين : تعالي يمكن فيصل يدري
ديم : امشي اسأله انا رايحه اساعد امي
حسين : تم
-
وعند العيال ب المجـلس فبيت ابو سلطان
فهد : اي سلوم و عبود صدز الي قاله ابوي؟
سالم : وش قال بعد
فهد : متهاوشين مع العيال؟
عبدالرحمن : لايكون خالي مشاري نشر الخبر
ضحك سالم وقال : الظاهر
سعود : والله لو جدي م مسك ابوي كان رحتوا فيها
وليد : تصدقون والله زماان عن العزبه
فهد : لا تكفى اسكت والله جدي يخلينا نعيش هناك لو قلنا له
انفجر عبدالرحمن ضحك وقال : ابك عادي والله حماس نغير جو
سعود : غير جو لحالك زين
انفجر عبدالرحمن ضحك وقال : حراام عليكمم
دخل عليهم خلف الي يسمع ضحكاتهم وجلس معهم
عبدالرحمن : اجل انا و خليف و وليد رايحين
رفع حاجبه ب استغرب : على وين
وليد : العزبه يخوك هههههههههههههههههههههههههههههههههههههههههههههههههههههههههههههه
خلف : يولد الحين؟
عبدالرحمن : لا طبعا بس اقول يعني اشتقت لها بس
خلف : م عليك ابشر بي خلي الأسبوعين ذي تعدي ع خير و ان شاء الله رايحين كلنا
سعود : كلناا؟؟؟
خلف : ايوا وش بك
سعود : قسم بالله مانيب جاي
ضحك خلف وقال : الا جاي غصب عنك
سعود : والله م اجي
خلف : هذا وجهي اذا م جيت
فهد : طيب وش فبالكم اسم للولد؟
خلف : يوه سميناه و خلصنا
وليد : امانه وانا اخر من يعلم
-
يُتبع
-
( ارحبوا ي شيوخ قللبيي شرايكم ف البارت اليوم ؟ حاولت بقدر الإمكان اخليه يكون طويل بس هذا الي قدرت عليه و البارتات الي قبل قصيره لانه كنت مشغوله ف الدراسه م لحقت اخليهم طويلين ، وش تتوقعون الجوهره حامل ب ولد ولا بنت ؟ .
شدوا الدعم بنجمه عشان اكمل 🤍🤍 )