الـــوقــوع فــي ابــتـســامــتــك

part 54 _ اين انا

الصحابات و مالين الطيماكس 🏍️💖
قصص مغربية 🎭✨
----------------------------------------
شدات هبة فكها و عينيها حمارو حتى بغاو يطرطقو ما بغاتش تهز فيه عينيها و لكن هادشي ما كايعنيش انها ما تنوضش تقابل معاه

ناضت على وقفتها مدايرة يديها على ظهرها او واقفة باستقامة كاتسنى فيه يعطيها تبرير

اوريل : اش داكشي مدايرة في وجهك واش يسحاب ليك راسك في الزنقة و لا اشنو و علاش عاقدة القاميجة على خصرك بانليا نتي ناقصاك الترابي

هبة على إثر هضرتو فرات ضحكة من فمها راه قالك كثرة الهم كاتضحك هي ديال هبة

هبة : كانعتاذر رولر اوريل ... و لكن راني ما مدايرة والو لوجهي ... اما من ناحية اللباس فأنا اقتابستو من حضرتكم

هبة بهضرتها برآت راسها و في نفس الوقت صيفطات ليه رسالة مشفرة

اوريل شاف فيها كارز على يدو يله غادي يدوي حتى وقفو ادريان منين همس ليه فودنيه بشي حاجة

هبة شافت قدامها بثبات مدايرة ايديها مورا ضهرها ما قفزها غير صوتو مدعدع

اوريل : نوضو تهزو ضربو ليا 20 ضورة على المعسكر

هبة صدمها ولات تخمم كيفاش غادي تكملها

سبقها اوريل متقدم و هي تابعاه هي و الكروب ديالها ضربو 5 ضورات مزيان وصلو 10 البشر بدا كايلوى حتى بداو الرولرز كاينزلو عليهم بالتصرفيق بقاو كايجرو ما كملو ديك 20 صورة حتى ربي بغا يغفر ليهم الذنوب

اوريل : هبطو طراكسيون 50 مرة

هبة تسرحت على الأرض كاترجع النفس حتى حست بقرعة ديال الماء تكبات عليها من الفوق حلات عينيها بان ليها ادريان و اوريل

اوريل : تبارك الله عليك جايا تنعسي ليا هنايا ؛ هبطي ديري 50 طراكسيون

هبة ما فيهاش اللي يتزايد في الهضرة هبطات بدات بوثيرة بطيئة حتى حسات برجل تقيلة على ضهرها معرقلة ليها الطلوع ديالها هبة حسات بالحكرة و العصب كايجري في دمها ما حساتش براسها تخيلات كون ما مشاتش لديك الحفلة او كون ما خلاتش مها في اللوطو بوحدها كون راهم دابا مجموعين في دارهم كايتضاربو و يضحكو مع بعضياتهم بخير
و في أثناء تفكيرها كانت سالات الرقم اللي حدد ليها و دارت 80 في بلاصة 50 خلات كلشي كايشوف فيها

من بعد ما وعات ضربت يدها مع الأرض و هي كاتحلف على داك المسخ و كاتنفس بالجهد و كاتستغفر الله في خاطرها

مع النوضة اللي غادي تنوض بان ليها كلشي مجموع عليها و داك الرولر ديالها هو و ادريان كايشوفو فيها مدهوشين شويا

بقات هبة كاتشوف فيهم مستغربة

هبة : العمى اويلي هادو مالهم كايحنززو فيا