يشبهني ولكن

جنون العاشقين

اذا گلبك يحـــــــــــبني انطيني اثبات وابصمــــــــــــلك احبك اني بالعشره
بگد بغداد احبــــــــــك وبغلاة الروح وأنا لأجلك احب واعــــشگ البصره
يلعينــــــك جزيره أتيـــــيه الخيـــــال ومعـــــــــــلوم اليشوفك ينشغل فكره
وحگ رقة احساسك يارقيق أحساس أفرح من أشوفك فرحــــــــة الكبرة
وأحزن لو غبت عني بحزن وهموم وحگ شهر الصيام وحرمته وأجره
وحگ حبك حبيبي وقـــسم بالرحمن الگلب عگبك عليل ومنتهي أمـــره
ياأحلى ورد ياتــــــــرف چنك ياس وأخذ لونه الورد منك وأخذ عطره..

صار بيتنه جحيم من بعد هاي المشكله اني ظليت بغرفتي ما اشتهي العسل ماما تمرضت وبس تبجي بابا يحاول يصبرها وهو النار تسعر بكلبه خطيه تطبخ وتتعب ومحد ياكل اخوتي مره يكولون وين منشوفه نكسره ومره يكولون لوما ابن عمنه وابن خالتنه جان ماخليناه عايش واني ضجت من حياتي احس البوب انسدت بوجهي وحسن ميقبل اتصل بي ولا ناطيني رقمه ولا يقبل اطلع وياه يكول عيب عليه اخون ثقة اهلج وانتي عرضي شلون اطلع وياج واخلي الناس تباوعلج بعين الزغيره بس شلون يربي لازم يعرف بالأحداث الصارت
حسن : صار الضهر والحجي والولد ماجو للمحل ظل بالي مو من عوايدهم همه من الغبشه يفتحون المحل ظليت اروح واجي للمحل تالي كلت مابيها بعد مجال بعد ماتحمل اتصلت على الحجي كتله هاا يابه اني من باب الاحترام ومن باب عشرة العمر اصيحله يابه
خوما بيكم شي ظل بالي كلي لا يابه عساك سالم بس خالتك شويه مريضه تعال اخذ المفتاح وفتح انت عينك الشغل بعد ما أوصيك
نور: اجتي ماما توسلت بيه اشرب عصير تدري اموت العصير اتعارك ويه اخوتي اذا شربو عصير ومنطوني كومي يمه اشربي العصير مو تكتلين روحجي على الكوكتيل سويته بيدي واني مريضه حظنتها وشهكت وكمت ابجي يمه فدوه لاتزوجوني الهذا المخبل يمه اقتل روحي كالت اسكتي خلي نشوف تاليها يالله خلي انزل انطي علاج الابوج ماما شنو بابا مفتح المحل كالت لا ولا اخوتج راحو احنه بيا حال حسن اتصل يسأل علينه وابوج كله تعال اخذ المفتاح وفتح اني فزيت من حظن امي كالت يمه اسم الله شجاج
وهو متعود من يجينه يشيل راسه يباوع على شباك غرفتي طلعت امي واني سحلت روحي اوشلت البرده اوكفت كالعاده على صفحه حتى محد يحس اندكت الباب واجه الروح والريه اجه الهوه والضوه اجه العيد يمه شحلاته وشمعزته
حسن : رفعت راسي وشفت حبيبت وحي مو تمام الشعر ممرتب وصفره والعيون دم هي شافتني والعيون صارن دجله وفرات اني من شفت حبات اللؤلؤ وكعت على خدودها تخبلت عرفت اكو شي جبير صاير
نور بعد دكت ساعة الصفر لازم اتصل بي وافهمه كل شي نزلت جوه لكيت اهلي كل واحد بغرفه النايم والكاعد وصافن شلون يربي شسوي اخوتي يخلون رمز للاجهزه مالتهم بس ماما وبابا ميخلون رمز رحت اخذت جهاز امي كان الكاونتر اخذت رقم حسن وصعدت اركض الغرفتي
حسن:اتصل بيه رقم غريب بس شنو ويه مادك كلبي دك ويه الجهاز كلت
الو:
نور:حسن وينك حسوني
حسن:هله يعيون حسوني شبيج يعمري شنو الدموع شنو القصه فهميني
نور:حجيت الحسوني المشكله كلهاوهو صار نار وشرار كلي اسمعي ديري بالج صيري ذكيه من تطلعين من البيت وهم إذا اهلج طلعو لتظلين بالبيت العن ابو الدراسه اطلعي وياهم وأخذي كتبج لتتحججي بالدراسه
نور:شنو اتحجج غير سادس
حسن :هسه كافي نقاش وروحي ليحسون اهلج اوكي حبيت روحي
نور:كمت ابجي كتله فدوه خلي احجي وياك خل اسمع صوتك مااشبع منك
حسن:روحي يعمري وهو اني العمر كله اشفت منج كله بالبوكه لو صدفه واكول هم  الف الحمد لله والشكر المهم ماكو احد ابالها غيري يالله سدي الخط والله كريم🥀
نور:غبت يومين وداومت بس حسيت اكو شخص يلحكني ومن اندار يختفي ولله كنت اثكل بمشيتي وانداريت عالسريع واشوف اوس مغير ملابسه لابس كاسكيته وملابس مال شغل كلهن صبغ عباله ما اعرفه وظل على هالحال مره يختل وره الكابسه مره وره الأشجار مره يدنك يشد قيطان حذائه صديقتي اماني تعرف كل شي لان جيرانه ومنتفارك ابد كالتالي يولي نيالج شوفي شلون ميت عليج وشبي وشعايزه كلتلها اذا هيج تشوفيه بالعافيه عليج حملي وشيلي كامت تضحك كالت شنو اني لوري
من ارجع للبيت يظل ورايه الحد راس الشارع مالتنه يالله ينكشر
نور:كان يوم جمعه وامي مخبوصه تسوي بيزا بس ناسيه ماعدنه جبن مال بيزا كلتلي اتصلي بابوج خلي يدزنه بيزا وببسي
نور اتصلت وكتله بابا ماما تريد جبن مال بيتزا وببسي كال النادره توها تذكرت روحي بابا هسه ادز حسن يشتري ويجيبه الكلم كتله اوك  بابا جان يكول اوكفي بابا كولي الامج انتي نادرة الوجود فلهذا تزوجتج يمعوده تروح تزعل ومابيه حيل كتله احم احم نحن هنا😂