🌓تبت على يديه🌓
💎بقلم : ايمان العماري💎
✨الجزء : 69✨
دخلات لبيتها وسدات عليها وهي باقا كتنهج عضات على شفتها مبتاسمة وهي كتذكر الموقف تاع قبيلا ، مشات المرايا تقابلت معاها كتشوف فراسها بالحجاب كانت هادي اول مرة تغطي فيها راسها ودير الحجاب .. لقات راسها فعلا جات زوينة بيه ... كيف ماقاليها بدر زادها جمال ونور كثثررر ... حيداتو ومشات لبسات شورط مزير باش يشد مؤخرتها واردافها و ديباردور ديالو بيضين عاد لبسات جلابة دنهيلة جاتها زوينة وبينات ليها فصالتها كثر جاتها ملبوووسة على لاطاي ديالها .. مشات المرايا تمسح داك مكياج لي كانت دارت و ميلات شفايفها ونطقات بحسرة
نور : دابا انا هدا ايبقا يتدخل ليا حتى فوجهي وحوايجي !! ... افففف ياربي تصبرني عليه
خدات مرطب ... رطبات بيه وجها ودارت ليكغون دشمس ورطبات شفايفها ورشات بارفانها ووقفات دارت شال كيف كان قادو ليها بدر تماما وهزات نظاظرها الطبيين لي كديرهم ملي كتكون مدايراش المكياج كانو مربعين والكادر ديالهم غوز بيبي .... لبساتهم ولبسات صباط عالي .... هزات تيليفونها وخرجات من البيت يلاه نازلة وهي تسمع واحد التصفيرة موراها وضارت براسها .....
كانت نهيلة عاد خارجة من بيتها بليباسها شرعي وصاكادو صغير هزاه فضهرها كحل .... طلعاتها وهبطاتها وكاتشوف فيها باعجاب كبيير بالحجاب جات احسن من قبل ... هي زوينة وزادت زيانت كثر
نهيلة : عاد بنتي زوينة كثر ....
نور سمعات كلامها وعلات حاجبها
نور : علاش كنت خايبة ؟
نهيلة جات بجيهتها وهي بدات تشوف مع جنابها تاوصلات لعندها وعلا يدييها لفوق بدات ضورها وكتصفر : صراااحة خويا غيااااخد زييين ...
نور نترات يديها : مزال غنتفاهم معك على جلابة لي جبتي ليا عاد نتفاهمو على هاد الهضرة لي قلتي دبا
نيهلة : وراه خويا لي قاليا نجيبها ليك ماشي جبتها من راسي
نور نزلات فدروج سبقاها .....
نور : هاد خوك ايبقا ديما خارج ليا فعودي قاليك لامتسترتش منخرجش
نهيلة : داكشي كيبقا بينك وبينو منقدش ندخل فيه
نور وقفات كتنهد : معرفتش واش هادشي لي كندير فيه
خير ليا ولا غير كنخوي الما فرملة
نهيلة : كتقصدي الحجاب ولا زواجك من خويا !
نور : بجوج
نهيلة : ربي يهديك انور هدشي لي غنقوليك
نجاة نزلات فدروج جات عينها على نور هي توسع ابتسامتها
نجاة : تبارك الله وصلاة على نبي تبارك الله ماشاء الله ربي يحفظك من العين جيتي غزااالة ابنتي .... ولدي خدا زين صراحة ختار .. وعرف مايختار
أنت تقرأ
ثبت على يديه
Conto#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
