🌓تبت على يديه🌓
💎بقلم : ايمان العماري💎
✨الجزء : 74✨
نور تنهدات ومشات كتختار فلي شوميز خدات ربعة بيض ونواغ وزرق والغوز الوانها المفضلة وختارتهم على ذوقها مشاو لاكيس لقاو بدر الدين واقف كيتسناهم تما باش يخلص جمعات ليهم البنت الحوايح فلي شاسي وخرجو
ركبو فطوموبيل وديمارا هو يلمح واحد المحال خاص بليباس الشرعي وقف حداه
نزل من طوموبيل فتح على نور وهي بقات كتشوفيه مستغربة ....
بدر الدين : نزلي
نور : علاش ؟
بدر الدين : غير نزلي
دارت ليه خاطرو ونزلات ونجاة ونهيلة بقاو فطوموبيل قطعو شانطي لان المحال كاين فجهة لوخرا جاو داخلين المحل وهي ضرب نور على الليباس الشرعي وقفات
نور : راه مغنلبسش هادشي بلاما تاخدو وضيع فلوسك فيه
بدر الدين زير على عينيه : دخلي
نور : مبغيتش ندخل
بدر الدين تنهد : خليك هنا واقفة انا جاي
ودخل لداخل كيختار ليها من داك الليباس وهي واقفة برا كتشوف فيهم وتسوط معجبهااش الحال وبدات كتهدر غير بوحدها
نور : راه وخا تنطابق السما مع لأرض مغنلبس ليه داك اللباس
ملات من الوقفات ومشات كدور فديك الجهة تاحسات بيد شداتها بقوة وجراتها لواحد الدخلة بحال لبلوك نور بغات تغوت ولكن كان ساد ليها فمها وزدح ليها ضهرها مع الحيط تاطاح شال من راسها وتعرا شعرها علات عينيها فيه هوما يتوسعو على جهدهم بغات تنطق مالقات كيف دير تانطق هو ....
عمر : عندك بالك فلتي مني
نور كتشوف فيه مخرجة عينيها
عمر ميل راسو فيها وجهو قريب من وجها : باش هو حسن مني همممم .... شنو كنتي اتخسري كون بقيتي معيا
نور كدور راسها بلا بزربة وعينيها دمعووو باغا تغوت ومقداااش كتحس بقلبها غيخرح من بلاصتو ونظرااتو كيزيدو يرعبوووها كثر كيفكروها غير فلليلة لي شدها فالقهوة وبغا يتكرفس عليها
عمر : هضري شنو الفرق بيني وبينو حتى ختارتيه هو
نور كتشوف فيه وكتبكي بلا صوت
عمر : دبا طحتي بين يديا مغنخليكش تمشي تاناخد داكشي لي بغيت
قرب ليها كثر باغي يبوسها وهي مشمأزمة منو وعيفاااه جمعات قوتها وبغفلة منو ضرباتو بركلة نيشان المعلم طلق منها وشد المعلم بيديه كيغوت وهي لقات الغفلة وهربات كتجري وتبكي تاخرجات من ديك الزنقة هو يبان ليها واقف كيقلب عليها ونهيلة ونجاة كيقلبو فجهات خرين وكيغوتو بسميتها خارج ليهك لعقل عليها مشعراتش براسها حتى مشات لعندو كتجري و ترمات فحضنو معنقاه كتشهق بالبكا دفنات راسها فصدرو متمسكة بيه وكتبكي بصوت مسموع خلاتو موسع عيينيه هاد التعنيييقة شوووكاااتو بقا واقف مبلووكي وريقو نشف فمو معارف مايدير
أنت تقرأ
ثبت على يديه
Historia Corta#قصة_دينية #قصة_مغربية_بالدرجة #قصة_رمضانية ✍️ بقلم : ايمان العماري لا شك أننا أصبحنا في زمن مليء بالفتن والملهيات عن طريق الله ونحتاج جميعاً لتجديد التوبة وتجديد العهد مع الله -جل و علاه- فمهما عَظُم ذنبُك، لا يلعب بك الشيطان، ويبعدك عن باب الت...
