< عبدالله بن مطلق >
عبدالله : يا مطلق مطلق
مطلق اللي طلع من غرفته وهو توه قايم من النوم وازرار ثوبه المفتوحه بالكامل
مطلق بصوت مليان نوم : سم يبه
عبدالله : ما تقولي وش ذا النوم ؟ لين الظهر !!
مطلق وهو يمسح وجهه : اعذرني يبه امس جيت البيت متاخر
عبدالله : عوايدك اصلاً ما ترجع الا الفجر وما تقوم الا الظهر
مطلق : وش تامر عليه
عبدالله : ابيك تفز الحين وتطير للمحل تاخذ فلوس الشهر اللي راح وتعطي العامل راتبه وترجع الفلوس كلها عندي
مطلق : وانا مالي منها شيء
عبدالله : ولا قرش واحد اخلص علي رح
مطلق : سم يبه سم
طلع من البيت وهو متجه للمحل برجوله
حصل قدامه ابو سعيد وهو يتأفف
ابو سعيد ؛ اوه صح النوم يا ولد الليل
مطلق وهو كاره الحكي مع ابو سعيد : وش تبي اخلص
ابو سعيد : ابوك ما علمك كيف تتكلم مع الناس ؟
مطلق : الا علمني اتكلم مع الناس بس انت اخلص وش تبي مستعجل تراني
ابو سعيد : ماهو من زود حبي لسوالفك وحكيك
بس قل لبوك ان الشيخ منصور عازم اهل الديره كلهم بمجلسه
مطلق : وش المناسبه ؟
ابو سعيد : مالك شغل ! قل لبوك ولا عليك
مطلق اللي هز راسه وهو يشوف ابو سعيد يتعداه ويتجه لرجال اللي وراه بسرعه
مطلق : الله لا يبلانا فيك
دقايق وهو يوصل للمحل ويحصل عزيز اللي واضح انه قش المحل كله
مطلق : هذي الساعه المباركه
عزيز بابتسامه : ساعتك ابرك يابو عبدالله
مطلق : علوم الرفيق
عزيز : كل شيء زين علومك انت
مطلق : ابشرك الحمدالله ، وش سالفة ابو سعيد ما ترك احد بالديره الا وعلمه بعزيمة ابوك وش صاير ؟
تنهد عزيز : ابوي من متى يعلمنا بشيء يبي يسويه دايم يحطنا بالامر نفسكم حتى شف موصيني اجيب
زل لحوش المجلس ولا ادري وش سنعه !
مطلق : لا يكون احد بيعرس عندكم
عزيز ؛ قصدك سند ؟ لا توه مطول ما حوله عرس
مطلق : على قولك اجل ' يا صديد جيب الفلوس
عزيز بضحكه : عمي عبدالله بدا شكله
مطلق بضحكه : شوفت عينك
عزيز : تطلب شيء
مطلق : سلامتك
عزيز اللي حط الزل بحوض الددسن وهو اللي ينطلق للبيت
مطلق اللي دخل المحل وهو يشيك على البضاعة ويسال وش اللي يروح ووش اللي يقعد '
____________________________
في وسط البر والشمس الحاره تتوسطه الشاص اللي يحملون فوقه الاغراض
سند وهو بسياره طال من الدريشه : زيد فايز اخلصو
زيد اللي شال فوق ظهره الخيمه وفايز اللي شايل شنطة العزبه بيده
زيد : بدال ما تنزل تعاونا مرتكز وتصايح علينا
فايز : ي رجال مسوي ولد الشيخ ما يحط يده بشيء
سند بضحكه : حطيت الحطب اللي جمعتوه واللي يكفي سنين قدام وش تبون اكثر
فايز اللي حط شنطة العزبه بالحوض : يرحملي امك اسكت احس صوتك ينرفزني
زيد : فايز يا تراب تعال شل الخيمه كسرت ظهري
فايز وهو يركض صوب زيد
سند اللي مات ضحك من شكل زيد المكتوم والمنهلك
زيد اللي طاح بالتراب وهو يتنهد بقوه
زيد بتعب : الله ياخذك يا سند الله ياخذك
فايز : لا تدعي بعدين الشيخ يدعي عليك دبلها
سند : خلاص دعيتو علي وصلنا للمرحله الاخيره
زيد : وش مرحلته لا اقوم عليك ؟
سند : انك قايم قايم سوا علي ولا على المرحله
فايز : انت بتتكلم ولا خشيت التراب في فمك ؟
سند بضحكه : خلاص خلاص اركبو كانت دعُابه
زيد اللي قام وهو يتجه لسند ويخنقه بيده
فايز اللي مسك راسه بتعب وطاح بالتراب
سند اللي مات ضحك من خنق زيد له
زيد فكه بغضب : بيموتني هالورع قسم بالله
فايز : نرجع الديره واوصي باتل يتوطى ببطنك انا مافيني حيل
سند : ما لقيت الا باتل توصيه علي ياحليلكم يالله يالله كانكم تبون ترجعون قبل الشمس تزيد
زيد اللي ركب ورا وانسدح على طول
فايز اللي ركب جنب سند وهو متكي راسه بالمرتبه
سند اللي ميت ضحك على اشكالهم وكاتم الضحكه بقوه
طول ما كانو بطريق الصمت كان سيدهم الا يوم دخلو الديره وبدو يسلمون على اللي يمرون من جنبهم
الكل يدري ان سند مزوح وراعي مقالب وما يتوصى عليه بس رجال بمعنى الكلمه والطيبه اللي فيه توسع الدنيا كلها ولا يرضى يشوف احد غلطانه ويسكت سوا من اهله او من برا اهله ' صح انه دابل كبد اهله واهل ديرته بس الكل يشهد برجولته وطيبته "
وصل البيت بعد ما وصل زيد وفايز لبيوتهم
نزل وهو يفتح حوض الشاص وينادي بصوت عالي
سند : عزيز يا عزيزززز
عزيز اللي فتح الباب وهو يناظر سند بفراغ
سند : وش موقفك تعال عاوني
عزيز : الحين مب ابوي مخلينا الاسبوع اللي راح نجمع حطب يكفي اهل الديره كلهم ؟
سند وهو ينزل الحطب : اي ؟
عزيز : اي بعد ؟ هذول وش جايبهم ؟
سند : هذول لي انا مب لبوي
عزيز : قسم بالله انك حمار
سند : اي حمار شرايك تجي تساعدني قبل لا ابوي يجي ويشوفهم ويبدا فيني وانا مليان نوم ولا ناقصني صداع
عزيز وهو يشيل الحطب : الحين ابوي ما يدري انك طالع من امس بالليل ؟
سند : ولو كان يدري تتوقع اني بجي بهالوقت ؟
عزيز : استغربت انا
سند : استغرب بعدين هالحطب وزه بعيد عن حطب ابوي
عزيز : امش امش طيب قبل لا يجي
بعد ما حملو الحطب كله اتجهو لغرفهم اللي كلهم ينامون فيها وعلى الارض ( اللي ما بعد تزوجو بس )
انسدح سند وهو يحط غترته على وجهه وهو يستعد لنوم
عزيز اللي انسدح جنبه وهو يطقطق جواله
عزيز : ما قالك باتل وش يبي بدمام ؟
سند اللي صوته مليان نوم : ليش هو بدمام
عزيز : غريبه ما تدري اول مره ما يعلمك
سند : اي لا قمت علمني خلني ارقد الحين
عزيز اللي لف للجهه الثانيه وهو يكمل على الجوال
سند اللي دخل بالنوم على طول من شدة التعب
الوضع بعد صلاة الظهر كان هادي جداً الكل كان بغرفته اللي نايم واللي يجهز اغراضه لعشاء الليله واللي طالع يجيب النواقص '
< غرفة البنات >
غرفتهم كانت عكس هدوء البيت تمامًا وهالشيء متعودين عليه اذا بيكون فيه عزيمه او مناسبه '
اسيل اللي ماسكه بيدها فساتين والحيره ماكله راسها
اسيل : الازرق او البني اخلصو علي ؟
شيخه : قد قلنا لتس البني بس انتي ما تسمعين
اسيل : بس احس الازرق احلى
شيخه : طيب البسي الازرق
اسيل : بس البني يليق اكثر واعرف اتحرك فيه بسرعه
هنوف بقلة حيله : اوف اسيل البسي اي شيء فكينا
اسيل وهي تجلس : خلاص البني
شيخه : انحلت مشكلة كل مناسبه يالله لك الحمد
امجاد : ترف قومي سويلي مكياج شرايتس؟
ترف : وليش ما تسوين لنفستس ؟
امجاد : ياختي انتي تضبطين وجهي اكثر مني
هنوف : كذابه لان مالها خلق
ترف : اي ادري فيها
امجاد : ظلمتوني خلاص انا بسوي لنفسي ولا مذلتكم
ترف وهي تضحك : امزح معتس شفيتس
امجاد بتمثيل للزعل : لا لا خلاص انا بسويلي
ترف : ما تبين مكياج يليق بفستانتس ؟
امجاد : الا
ترف : خلاص انا اسويه لتس
هزت راسها امجاد بابتسامه وهي تكمل تسوي شعرها
هنوف : بنات باتل ما راح يحضر العزيمه ؟ ترا ابوي بيتوطى ببطنه
غدير : مدري محد دق عليه ؟ يمكن ما عنده علم بالعزيمه الليله
اسيل : سمعت عزيز كان مع سند برا بس مدري اذا باتل معهم او لا
شيخه : ووين سمعتيهم ماشاءالله عليتس
اسيل : كنت رايحه المطبخ وسمعتهم اذاني ماهي كبار
ترف : صدقنا صدقنا ماعلينا باتل لو عنده علم كان جاي من الفجر بس واضح ما عنده علم بشيء
غدير : تهقون سند ما كلمه ؟
ترف : لو كلمه برضو بيكون جاي اليوم بس ماندري
شيخه : نصبر ونشوف وش بيصير هالليله الله يستر منها
هنوف : وش بيصير بسم الله علينا
غدير : كل خير بس انتي يا ام السان اسكتي ويتم كل شيء
هنوف بنظرات تمثيل زعل لغدير اللي دايم يحارشون بعض بكل شيء
__________________________
< الدمام >
