جزء بسيط من البارت ٥
سلطان شبك ذراع بذراع مطلق وذراع مع زياد وهو يغني بصوت عالي ( يا هيه يا سارق فؤادي ،
عندك امانه تردونه ، ودي بجلسه ومقعادي ،
مع صاحب جلعي فدا عيونه ) والشباب يرددون وهم مختلط الضحك والغناء مع بعض والشطر الوحيد مردد اللي فعلا يمثل فزعتهم
( خويكم لا تخلونه )
بعد ما خلصو من عند الخياط رجعو الشباب ع البيت عشان يتجهزو وطبعا تبدأ الفقره الي قبل كل عرس
مطلق : اخلص علينا يخوي مو كل هذا جرب
زياد : خمس دقايق واطلع
مطلق : طيب اخلص علينا
سلطان كان بغرفته جالس يتجهز دخلت عليه امه ومعها البخور والعود
ام سلطان : الف مبروك ي وليدي الله يسعدك ويوفقك يارب
سلطان : الله يبارتس فيك جعلني ماخلا منك يا دنيتي
ام سلطان : ما بوصيك بنت الناس انتبه عليها و حطها بعيونك
سلطان : ابشري يمه لا توصين حريص
عند مطلق بعد ماتجهز وخلص دخل غرفة سلمى عشان يسالها عن شماغه و كل العاده ماطق الباب
دخل وهو ناسي وجود عمه وعياله
مطلق : سلمى
كانت منزله راسها و لما سمعت صوته جتها رعشه وتجمدت في مكانها ماقدرت ترفع راسها
مطلق بحده : سلمى و صمخ
مافي جواب منها
قرب منها وسحبها من يدها بقوه
مطلق انا قلت لتس الف مره ااااااااا
ارتبط لسان مطلق من الصدمه صار يتلعثم و ماقدر يتكلم
أديم الي شوي ويغمى عليها من الخوف ومن قربها من مطلق وانفاسه الي تضرب وجهها وجت عينها بعين مطلق
مطلق ماقدر يقاوم يغض البصر عنها تمنى لو الزمن يوقف
بس قطع جموده صوت سلمى الجاي من برا
ابعد عن أديم وهي من الخوف راحت الحمام وقفلت على نفسها الباب
مطلق اللي انهز كيانه وبدا يتعرق من التوتر ماعرف يتصرف جلس واقف بنص الغرفه
سلمى بصدمه : مطلق وش تسوي هنا !!!
لف عليها مطلق بتوتر
مطلق : خير البيت بيت ابوي ادخل الغرفه اللي ابيها
سلمى بانزعاج : عارفه انه بيت ابوي بس شكلك ناسي ان بيت عمك موجدين وبعدين من قالك تدخل غرفتي واديم موجوده فيها
مطلق : ونا شدراني ان بنت عمتس موجوده بالغرفه بعدين انا دخلت الغرفه ومافيها احد ولا عيونتس كبيره على الفاضي
سلمى : انت اللحين شتبي داخل غرفتي بعدين اكيد هي بالحمام
مطلق : مدري وينها وانتي يالملسونه وين حطيتي شماغي
سلمى : يالفاغر معلق ورا باب المقلط وثاني مره قبل ماتدخل غرفتي طق الباب
مطلق : أوامر ثانيه ؟؟
سلمى : سكر الباب وانت طالع
مطلق كان برجع ل سلمى بس تذكر أن أديم للحين بالحمام وبالحر فطلع من الغرفه من دون يقفل الباب عناد بسلمى
سلمى : افففف على ذا الاخو
راحت قفلت باب الغرفه
سلمى : أديم انتي بالحمام ؟؟
أديم : ايوا
طلعت اديم من الحمام وهي متوتره توتر مو طبيعي
سلمى : فيتس شي
أديم : لا
سلمى كانت شاكه انه فيها شي بس ماتبي تضغط عليها أكثر
بعد ماخلصو اتجهو الرجال على بيت ابو صيته عشان عقد القران والزواج
لما وصلو بيته طلع لهم ابو صيته بحالته المنزليه كأنه ماعنده عرس
كلهم استغربوا مش شكله وحسو انهم جاين بدري
ابو سلطان : وش فيك يبو صيته للحين ماتجهزت
ابو صيته : وليش اتجهز
سلطان كان حاس فيه شي بس يحاول يتجاهل
ابو سلطان بمزح : شكلك بديت تخرف اليوم عقد قران عيالنا
ابو صيته : شكلك انت اللي مخرف انا ماعندي بنت للزواج
سلطان اختفت ابتسامته وحس ان قلبه بطيح بين رجوله
ابو نجد : الله يهديك يبو صيته وش ذا المزح الثقيل
ابو صيته : ابو نجد انت لاتدخل ونا ما امزح وانا ماعندي بنت للزواج
ابو سلطان بغضب : ابك وش بلاك ي رجال وش اللي خلاك تغير كلامك
ابو صيته : اغير كلامي وقت مابي وانا ما تشرف بنسبك
كل الموجودين عصبوا من طريقة كلام ابو صيته وسلطان وجه صار مثل سواد الليل لانه استوعب ان ابو صيته مايمزح بكلامه
ابو سلطان بغضب شديد وبحده : اقطع واخس كل العوايل تتمنى نسبي من انت يالغريب اللي تتكلم عن نسب ابو سلطان
( اهل ابو صيته مو من سكان الديره )
