Love Me Like You Do || Complete || ✅

ඇත්තටම ඉවරයි...

පපුවෙ වම් පැත්තෙ මහ ඉඩක් උදුරගත්තු මනුස්සයෙක්ගෙ තුරුලට වෙලා බෝල බණ්ඩි පැටියෙක්වත් ගුලි කරගෙන සුදු දෝණිගෙ හුරතලේ මැද්දෙන් බුසන් යන ගමන මෙච්චරම සැනසීමක් වෙයි කියලා මං කවම කවදාවත් හිතුවෙ නෑ..

අප්පගෙ මරණෙට යාන්තම් අඩියක් තියලා එන්න ගියත් පපුව මහ බරට රිද්දන්න ගත්තු හින්දම අපි වැඩි වෙලාවක් නොඉදම අනිත් අතට බුසන් එන්න ආවා..

අදින් පස්සෙ ඔම්මා ඒ ගෙදර තනිවෙයි... අප්පගෙ කටහඬ ඒ හුස්ම ඒ ආදරේ නැතුව එයා කාමරේ මුල්ලකට වෙලා අඬාවැටෙයි.. ඒත් මට ඒ ගෙදරට අඩියක් තියාගන්න තවත් හයියක් එකතු කරගන්න බෑ.. ඒ ගෙදර ගහක කොලේක හෙවනැල්ලකට පවා බය මේ පපුව තවත් කොහොම මේ දේවල් උහුලගන්නද..? ඉතිං මං යනවා.. හැමදේම අතෑරලා දාලා සැනසීම හොයාගෙන යනවා...

"මොනා හරි කන්න නවත්තන්නද කූ? චිම් නිදිද?"

"ඔව් හ්‍යොං.. තව චුට්ට දුරයිනෙ අපි මෙහෙමම ගෙදර යන්.."

මගෙ දිහාවටම බරවෙලා තිබුනු ආදරෙන් පිරුණු ඒ ලොකු ඇස් පියාගෙන එයා ඉන්නෙ හරි සැනසිලි පාට නින්දක.. එයා සෑහෙන තරම් දුරක් යනකල් අපි තුන්දෙනාව ඉස්පාසුවක් නැතුව ඉඹ ඉඹම ආවත් දැන් ඒ මහන්සි ඇස් පියවිලා.. ඔලුව මගෙ උරහිස උඩටම කඩන් වැටිලා.. කටත් මහ හුරතල් පාටකට යාන්තමට ඇරිලා...

දෝනි ටේ හ්‍යොං එක්ක එයාගෙ මල්ලි බබාට අන්දවන්න හිතන් ඉන්න රෝසපාට හාවො පැටව් පිරුණ ලස්සන ගවුමක් ගැන කියවනවා.. කොච්චර කිව්වත් කොල්ලො ගවුම් අඳින්නෙ නෑ කියලා මේ කෙල්ලට ඕනෙම මල්ලියට කොහොමින් කොහොම හරි ගවුම අන්දවලා ලස්සන සපත්තු දෙකකුත් දම්මගෙන අප්පගෙ වෙඩින් එකට එක්කගෙන යන්න...

ඔව් ලබන සතියෙ අපේ වෙඩින් එක. හ්‍යොං ඒකට හැමදේම ලෑස්ති කරලයි මාව එක්කන් යන්න ඇවිත් තිබුනෙ.. කවුද ඉතිං හිතුවෙ මේ පණ්ඩිත කුක්කු බෝලෙ ඔක්කොටම කලින් එළියට එයි කියලා... මං කොල්ලව ආයෙ ආයෙත් ඉම්බා.. රෝස ගැහිච්ච අත් එහෙමෙහෙ කර කර තනියම මොන මොනවදෝ කියවනවා..

මට මේ හැමදේම හරි ලස්සන හීනයක් වගේ.. එයාගෙ පපුව මැද්දට ගුලි ගැහිලා සැනසිල්ලෙ හුස්ම ඇදගන්න මේ තප්පරේ පවා ලෝබපාට හීනයක් වගේ...